بطارية اللانوس كام أمبير

[cody02]

السلام عليكم .. كل عام وأنتم بخير

أنا اشتريت بطارية جافة جديدة فارتا 56 ب 450 جنيه مقابل القديمة .. السعر مناسب ؟

والسؤال الأهم اللانوس أساساً بطاريتها كام أمبير 56 ولا 60 .. ولو كان المفترض ان بيجي معها 60 هل تركيب 56 فيه ضرر على البطارية نفسها بسبب شحن زائد مثلاً من الدينامو ولا عادي مفيش مشاكل

وشكراً

[khalid9411]

55 امبير بطارية الانوس لا ضرر ولا حاجة ولكن السعر زيادة شوية لان البطاريات نزلت شوية واسعارها هديت

[Mosmafa]

انا جايب الجافة ب255
55 امبير وزي الفل

[MMamdouh]

الAC Delco 55 امبير ب 240 جنية مع استبدال القديمة

MMamdouh

[cody02]

يعني 450 كتير على فارتا ألماني ؟

عموماً اشتريت والحمد لله

[Mosmafa]

ربنا يباركلك فيها
ومتشغلش دماغك طالما جبتها

[JAM]

انا لسة أول امبارح مغير البطارية القديمة بتاعتى ب بطارية كلوريد 70 جافة وفعت 300 والحمد لله

[khalid9411]

مبروك عليك

[bshndi]

مبروك للعربية

ألف مبروك يا باشا علي البطارية ، سيدي الورد بطارية الانوس إلي بتيجي بيها هي كلورايد سائلة 55 ، طبعاً بعد ما بتنتهي إرمي وهات الجافة ، طبعاً نتيجة لإنخفاض أسعار البطاريات تقدر تجيب الكلورايد الجافة 70 (نفس أبعاد الـ55) بـ 360 جنيه من عند توكيل كلورايد في التوفيقية علي شارع رمسيس الرئيسي وطبعاً هاتحس بفرق في الدوارة وكذلك في تشغيل الكماليات دون تدوير (ده علي حد سمعي ) .
آخر شيء يا باشا تقدر زي ما كان مثار في موضوع قبل كده إنك تغير القواطيش وهات حاجة ماسكة نفسها شوية علشان بتاعة لانوس تعد ضعيفة للغاية .
وأخيراً يا باشا (راجع الراجل إلي إشتريت منه في السعر علشان كده غالي شوية )
تحياتي