بطارية العربية

[mrwho1982]

السلام عليكم اولا

انا اخويا معاه عربببية 128 وهو مابيسوقهاش كتير ومشاويره خفيفة اوي

هو لسه جايب بطارية جافة النهاردة وجديدة

انا بصراحة عايز اخدها في عربيتي البروتون ويرا 1999 واحط مكانها اللي في عربيتي

هو ينفع كده ولا لازم يكون نفس المقاس ولو نفس المقاس اعرف منين

معلش هاطول عليكم بس العربيتين 1300 cc بس عربيتي حقن اليكتروني والتنية كربراتير

[ozy2026]

شوف اللى عندك كام امبير لو الأتنين زى بعض يبقى مفيش مشاكل
هتلاقيه مكتوب على البطاريه

[demos70]

و قبل ما تتعب نفسك و تفك أي بطاريه تأكد من حجم البطاريه لو ينفع يركب عندك ولا لأ و من اتجاهات القواطيش يعني ممكن الفرده الأرضي عند أخوك تكون ناحية الشمال و انت ناحية اليمين و بالتالي كبلك ممكن ميطولش حتى لو قلبت البطاريه. بالتسبه لسعة البطاريه لو الجافه بتاعة أحوك نفس أمبيرك أو أعلى يبقى تمام أنت اولى لأنك ألكتروني يعني هتحس بفرق في أداء العربيه أما لو بطرية أخوك أقل أمبير يبقى أبعد عنه و عن بطاريتة. و متنساش القاعده الذهبيه في فك و تركيب البطاريات لما تفك تفك الأرضي الاول و لما تركب تركب الأرضي الأخر كده بتقلل امكانيه حدوث ماس لو العده اللي بتفك بيها لمست قشاط الموجب مع جسم العربيه. بالتوفيق