إزاي أقدرافضي زيت الفتيس

[رزق]

مساء الفل,
أنا عندي الفتيس بيعض جامد بذات عالتاني وساعات عالأول.
فـأنا عايز اغيره ل زيت لزوجته 90 من موبيل أو شل أو أي حاجة نضيفة.

اللي أعرفه زيت الفتيس بيتزود مش بيتغير فـعشان كده ملوش طبة زي زيت الموتور.

أنا بقى عايز أحط الزيت ده على نضيف فـمش عايز اميكسو مع الزيت اللي موجود.

هل في طريقة إني افضي زيت الفتيس اللي موجود عشان يبقى شغل على نضيف؟

[samirayad]

فيه طبه جانبيه على الفتيس
من جهة عمود الكبلن الطويل ( جانب أيمن )
حلها وفضى الزيت
ولو تعرف تميل العربيه لليمين وتهزها شويه لحد ماتصفيلك شوية زيت كمان
حتنزل زيت تانى
وبعد كده أربط
وحط لتران الا ربع تقريبا من فتحة الملو
لأن حيبقى فيه شوية زيت محجوزين برضه
وكده أنت فى الأمان

[رزق]

إنت راجل زي الفل
أنا مش حفاضي الزيت بنفسي بس لو الميكانيكي اللي ماينفعش عشان ملهاش طبة حاولوا لأ ينفع وانا مطمن.

[samirayad]

على بركة الله

[Shiref_mohamed]

الفتيس ملوش طبة لنزول الزيت ..............
وانتا رايح للميكانيكي اشترى جوان كرتيرة فتيس واشترى الزيت والميكانيكي بيحل الكرتيرة وينزل الزيت القديم ويركب الجوان الجديد والكرتيرة ويحط الزيت الجديد على نضافة .
بس قبل ده كله العربية عامله كام الف كيلو ؟؟؟؟

[رزق]

تمام ما أنا فاهم النقطة دي حضرتك

وانتا رايح للميكانيكي اشترى جوان كرتيرة فتيس واشترى الزيت والميكانيكي بيحل الكرتيرة وينزل الزيت القديم ويركب الجوان الجديد والكرتيرة ويحط الزيت الجديد على نضافة

تمام قوي قوي كده. قصدك يعني اغير الكرترة باللي فيها...أنا موافق!

هي عاملة 85 ألف.

كنت بفكر اوديها التوكيل وقوله يعملها عشان هو يعرف ينزل الزيت بس بعد كلام الاساتذة ده أعتقد ممكن اوديها ل ميكانيكي إن شاء الله.

[Shiref_mohamed]

تمام ما أنا فاهم النقطة دي حضرتك

تمام قوي قوي كده. قصدك يعني اغير الكرترة باللي فيها...أنا موافق!

هي عاملة 85 ألف.

كنت بفكر اوديها التوكيل وقوله يعملها عشان هو يعرف ينزل الزيت بس بعد كلام الاساتذة ده أعتقد ممكن اوديها ل ميكانيكي إن شاء الله.

لا حضرتك الكرتيرة مش بتتغير الى بيتغير هوه الجوان بتاعها فقط والموضوع مش محتاج توكيل خالص...

[samirayad]

ياترى الموضوع ده كافى
أن أى فتيس مانيوال ....ليه طبه جانبيه بنستخدمها
عند الحاجه لتفريغ الزيت

http://www.nilemotors.net/Nile/104739-a-2.html

[رزق]

تمام قوي كده.
ألف شكر.

[samirayad]

الله يخليك

[رزق]

سؤال صغير لو سمحت:
أنا مالقيتش عند موبيل زيت فتيس مانيوال بس لقيت زيت فتيس اوتوماتيك, هل ده ينفع؟

total الظاهر معندهاش الكلام ده بس عندها valvaleena ولل اسف ملوش عبوات أو حاجة أقرأ عليها لزوجته فقلتلهم بلاش.

[samirayad]

لا بلاش تجرب زيت فتايس أوتوماتيك من البدايه
طالما الفتيس كويس معاك ومفيش فيه مشاكل
وأنا فعلا قبل كده شغلت زيت أوتو فى فتيس سيارتى المانيوال الأولانيه
وأدانى نتيجه كويسه الصراحه
بس كنت مضطر لأن كان فيه عضه فى الأول كبيره
ومكنتش عاوز أحل فى الفتيس

وعلشان كده بلاش من تجربة زيت الأوتو حاليا

ودور شويه على زيت من أى شركه سمعتها معقوله ويكون لزوجته 90

[رزق]

ألف شكر :)
طب عند حضرتك زيت مانيوال كويس أقدر الاقيه؟ أنا بصراحة اخري موبيل توتال ووطنية اللي في طريق الدائري أكتوبر.
ولا الاقيهم في مكان تاني غير البنزينات؟.

[samirayad]

شوف ياسيدى
1- شركة التعاون للبترول
زيت تروس sephd

2- شركة موبيل

زيت تروس موبيلو hd

3- شركة أسو

زيت تروس gx

4- شركة مصر للبترول

زيت تروس هيوبيد hd

5- شركة شل

زيت تروس سبيراكس a

6- شركة كالتكس

زيت تروس ثيوبان متعدد الأغراض ep


الأنواع السته دول المتاحه لدى كمعلومات ومنتشره فى السوق المصرى

وكل نوع فيه منه لزوجه 140 ولزوجه 90

شوف الموجود أمامك وأشتريه ( لزوجه 90 طبعا )

وحسب الأكثر شهره أشترى
وتوكل على الله

على فكره كلهم نفس المواصفات التشغيليه
بس أحنا دايما بنفضل الأكثر شهره

[رزق]

واللهِ مش عارف اقولك إيه
كلام زي الفل