زيت فتيس ميجان 2 اوتوماتيك 2005

[yalahwy2010]

يا جماعة
انا كنت شارى العربية فى 12/2008
وصاحبها القديم كان عاملها كل الصيانات وصيانة ال 80000
وانا اشتريتها وهى عاملة 81000
كنت بسأل على زيت الفتيس
هو لازم يتغير كل أد ايه؟
سؤال تانى معلش؟
انا كنت غيرت بوجيهات وفلتر بنزين وهواء وزيت وفلتر زيت عند ال 100000 كم
بس انا ما عملتش صيانة ال 90000 كم
هل فى حاجة تانية محتاج اعملها او اغيرها وكان المفروض تتغير فى صيانة ال 90000؟؟؟؟
ويا ريت لو حد من وحوش الميجان يقولنا بيعملوا ايه ويغيروا ايه فى كل صيانة
وشكراااااااااا

[abasse]

اولا أهلا بيك فى وحوش الميجان
ثانيا بص على كتالوج الصيانة الى مع العربية فى صيانات كل 10000 كم فى صيانات تقربيا مهمة تعملها عند ناس بتهفم زى 60 و120
وكل ما تهتم بالعربية وصيانتها صدقنى هتريحك كتير
بالنسبة لزيت الفتيس أنا غيرته على ال90 الف كم وطبعا فى مركز معتمد أو فى التوكيل معرفش حد بيغيره بره
بيتهألى كان أحمد عبد المقصود غيره بس مش فاكر كانت أعراضه أيه
أما بالنسبة لصيانة ال90 و100 حسب الكتالوج مفيش حاجة ناقصة بس يبقى خالى بالك من قطع الغيار الى بتجبها وأبقى أكشف على السيور

[yalahwy2010]

أولا بشكرك جدا يا abasse
بس اكشف ازاى على السيور؟
ولا هى بتتغير على طول؟؟؟؟

[Col. Eng. Khaled]

ما تحاولش تمشي بزيت الموتور 20 ألف كم تاني

[triton]

انا اتفقت مع فني الفتيس في التوكيل انه يغير لي سواونويد و زيت فتيس

قالي محتاجه 6 لتر و اللتر ب 25 جنيه و هغير قاعده فتيس بالمره من التوكيل ب 260 جنيه و قال انها افضل من التوكيل عن اني اشتريها من بره
والسولونويد قاللي هيجيبه استيراد بس علي ضمانته الشخصيه ب 200 جنيه و بيتكلم في مصنعيه 200 جنيه ايه النظام

[Col. Eng. Khaled]

انا اتفقت مع فني الفتيس في التوكيل انه يغير لي سواونويد و زيت فتيس

قالي محتاجه 6 لتر و اللتر ب 25 جنيه و هغير قاعده فتيس بالمره من التوكيل ب 260 جنيه و قال انها افضل من التوكيل عن اني اشتريها من بره
والسولونويد قاللي هيجيبه استيراد بس علي ضمانته الشخصيه ب 200 جنيه و بيتكلم في مصنعيه 200 جنيه ايه النظام

حضرتك عايز تغير زيت الفتيس ليه ؟ و سعر السولونيد في التوكيل بكام ؟

مع إحترامي للسولونويد الإستيراد (يعني مستعمل) أنا شايف السولونويد عند حضرتك أولى ....... حسب معرفتي

في الوضع دا بيركب سولونويد جديد .

[yalahwy2010]

هى ايه اعراض تغير زيت الفتيس والسولونيد؟؟؟؟؟
ملحوظة: انا غيرت الزيت بس عند ال90000 ومامعملتش حاجة تانية
ولما العربية وصلت 100000 غيرت بوجيهات وفلتر هواء وبنزين بس عند فرنش موتورز
بس البوجيهات ما كانتش NGK ....كان نوع كدة مكتوب عليه made in mexico
ولما سألت اللى كان بيركبلى....قالى انه لو made in france هيبقى اغلى من كدة....
طبعا دا كلام مش مظبوط.....وكان البوجيهات دى حاسبنى عليها ب 80 جنيه ....ودا متهيألى سعره الطبيعى.....
المهم انا العربية بعد ما غيرت الحاجات دى العربية بصراحة فرقت فى السحب وبقت ناعمة معايا
سؤال بقى للاستاذ احمد عبد المقصود......انا كنت قريت تعليق ليه قبل كدة عن تيل الفرامل
كان قال انه غير نوع تيل اسمه trw ورخيص جدا ....ب 175 ومشه بيه 19000 كم
انا كنت عايز اغير تيل وطنابير .....فا ايه راى وحوش الميجان....اجيبه منين وينفع اركب قطع غيار من بره عند فرنش موتورز....لان سالت الميكانيكيون العرب قالولى ما ينفعش تشترى حاجة من بره وتيجى تركبها عندنا