مشكلتي مع النقل في الفتيس الاتوماتيك

[ConDoR]

بسم الله الرحمن الرحيم

اولا احب اشكر الباشمهندس سمير عياد اللي بجد اثرى المنتدى بمعلوماته بجد انسان يستاهل التقدير والاحترام لانه انسان خدوم وجدع جدا


ثانيا انا عندي مشكله صغيره باذن الله ويارب خيرا انا عندي لانسر اتوماتيك المشكله بدات من فتره كدا ان العربيه بتنقل متاخر شويه وغالبا لازم اشيل رجلي من على دواسه البنزين شويه علشان تنقل او ممكن افضل دايس بس حتنقل على 4 rpm بس صوت المكنه بيعلى اوي وبيخنقني وانا بصراحه اتخنقت من الميكانيكيه وحواراتهم ومشاكلهم وافتكاساتهم وقررت اني مروحش للميكانيكي غير في الضروره القصوى كشفت على زيت الفتيس مظبوط انا غالبا اللي جه في بالي ان الفتيس في مشكله وتقبلت الامر الواقع وقلت لا قدر الله لو وقف حغير المكنه بالفتيس بمكنه 1600:10D5C8~1107: بس يوم الجمعه بعد الصلاه ربنا هداني لاني اشيل فيشه الحساس اللي في الكربراتير بتاعت الكيك داون مشيت لقيت العربيه بتنقل مستريح جدا لوحدها وحسيت اني راكب عربيه تانيه النقل سلس وناعم ولوحده مش لازم اشيل رجلي زي الاول والموضوع دا كان مكرهني في العربيه قمت نفخت في الفيشه وركبتها لقيت العربيه بتنقل حلو قلت الحمدلله كدا المشكله مش في الفتيس وفي الفيشه

تاني يوم نزلت ادور ومبسوط بقا اني حليت المشكله اللي عقدتني دي وكرهتني في العربيه لقيت المشكله رجعت تاني وبتنقل على 4000 rpm نفخت في الفيشه اشتغلت وبقت تنقل زي الفل اعمل يا ترى فيه منضف كويس ارشها بيه انا خايف ابوظها او احرقها والعربيه متنقلش خالص افيدوني

[mr_sameh]

متابع

[shooter123]

نضفها بالهوا يعني بكمبروسر

[sameh127]

Wd-40 دبليو دي فورتي سبراي يرش في الفيشة وفي الجسم اللى بتركب فيه الفيشة"الوصلة الثابتة" و سيب الفيشة تنشف ثم هواء مضغوط في الفيشة و السنسور ثم استخدم قطعة قماش قطنية ناشفة لمسح اي بقايا علي الفيشة و الواصلة الثابتة .طبعا الكلام ده كله و الموتور مطفي وتحاشي النفخ في الفيشة لأنه بيكون رطوبة بين الطرفين فبتعطي قراءة غلط . تأكد من تركيب الفيشة جيدا حتي التعشيق الكامل ثم شغل العربية وجرب
السبراي ده بينضف الأطراف المعدنية من التراب و الأكسدة و الصدا اللي ممكن يظهر في اطراف الفيشة

[reamoz]

لأ ياباشا إوعى تستعمل wd40 على الفيشة أو على أي توصيلات كهربائية لأنة عمرة ماهينشف ومش هتعرف تشيلة منها غير بالطبل البلدي
فيه منظف زي الـwd40 كدة بس بدون زيت دة مخصوص للأجهزة الإلكترونية والكهربائية إسأل عليه في أي مول بتاع كمبيوتر وإستعملة بس قبل مترش حاول تنضف الفيشة ومكانها بفرشة ناعمة وتنفخ فيها جامد وبعد كدة رش وهينشف بسرعة

[samirayad]

نظفها بمنظف ألكترونيات
أسمه ألكتروكلينر
أسبراى بحوالى 8 ج
ونظف الدكر والنتايه كويس
وجمع النصين تانى بأحكام وجرب
قبل مانشك فى كابلات الفيشه مع الفيشه نفسها

وياريت لو تجيب شيكرتون كويس
وتلم الليله على بعضها ( النصين مع بعض )
بحيث متديش فرصه لأى أنفصال كهربى ممكن يحصل

[m.aligamal]

ممكن يباشا نعرف ايه هوا حساس الفتيس الى بتتكلم عليه و بيكون فين وشكله ايه بالظبط عشان انا عندى نفس اعراض العربيه بتاعتك و عايز انضف الحساس دهوايه هيا طريقه تنضيفه

[m.aligamal]

???????????????

[samirayad]

ممكن يباشا نعرف ايه هوا حساس الفتيس الى بتتكلم عليه و بيكون فين وشكله ايه بالظبط عشان انا عندى نفس اعراض العربيه بتاعتك و عايز انضف الحساس دهوايه هيا طريقه تنضيفه

هو مش حساس الفتيس لوحده
ده حساس وضع البوابه ( بتاعة الكربوراتير )

بيودى أشاره لوحدة تحكم المحرك عن وضع البوابه ( يعنى أنت دايس قد أيه على الأكسراتير )

طيب كده وحدة تحكم المكنه عرفت الحمل المطلوب وحتودى بنزين قد أيه للرشاش ( لأن العربيه هاف )


باقى بأه الفتيس يعرف ميعاد النقل المطلوب على سرعه أعلى
برضه نفس الحساس لما بيبين لوحدة المكنه الوضع بتاع الحمل
هى بتبين لوحدة تحكم الفتيس الوضع

وبتقولها أحنا على حمل كذا
شغللى السولونيويد الفلانى
علشان الفتيس مايتكتفش

معلش حبيت أحكيلك الحدوته بالبلدى كده

والحساس ده ( اللى بنتكلم عليه )
حتلاقيه قصاد بكرة الأكسراتير بالضبط ( من الجانب الآخر )

أنا قولت أما أرد عليك
لأنك عامل علامات استفهام كتير

ههههههه

[uomonero]

معلش يا باشمهندس سمير سؤال كمان,
انا عندى نفس الاعراض بس انا معايا عربيه اوتوماتيك Audi A4 97 و مش عارف المشكله فاين, خايف اغير الفتيس, مع انى لسه شارى العربيه من حوالى 3 شهور و غيرت زيت فتيس و فلتر من حوالى شهر, قيل ما اغير الزيت المشكله دى مكنتش موجوده و كان الزيت الموجود فى الفتيس زيت احمر و لما غيرته جبت الاصلى بتاعها اللى هو ابيض ظهرت المشكله, ممكن ده يكون السبب, مع ان الميكانيكى (هانى عصمت فى شارع الاربعينى جسر السويس) قالى ان ممكن تكون المشكله فى دوره تبريد زيت الفتيس و ممكن نغير الرادياتير, و لا ممكن تكون المشكه فى الحساس, نرجو الافاده
مع خالص تحياتى
هيثم صابر

[samirayad]

قيل ما اغير الزيت المشكله دى مكنتش موجوده و كان الزيت الموجود فى الفتيس زيت احمر و لما غيرته جبت الاصلى بتاعها اللى هو ابيض ظهرت المشكله, ممكن ده يكون السبب

يا أستاذ / هيثم
مبلاش الأصلى الأبيض ( يمكن يكون ميه بسكر مثلا )

وخليك مع الزيت الأحمر

طالما كانت ماشيه كويس معاك

وخللى كلام الميكانيكى على جنب دلوقتى

[samirayad]

السلام عليكم جميعا
انا عندى مشكله فى الفتيس, بعد سخونه السياره العاديه بحس بمشكله فى نقل الغياراتو لدرجه ان ممكن لفات الموتور توصل 5000, و ساعات وانا دايس بنزين احس ان العربيه زى ما يكون مموره, مع انى لسه مغير زيت الفتيس و الفلتر من شهرو و كيلو ازيت للعربيه بتاعتى ب 160 جنيه (audi a4 1997) و لما سالت الميكانيكى قالى ان ممكن المشكله تكون فى الراديتير لان الزيت له دوره تبريد و المشكه دى مبتحصلش الا و العربيه سخنه, ممكن اى حد يفدنى فى الموضوع ده, شـــــــــــــــــــــــــــــكرا

مش ده كلامك السابق فى آلات الجر ياهيثم باشا

حاول بأه تجمع الزيت الحالى فى عبوه نظيفه بعد ماتحل الكرتير مثلا

وبعد كده حط زيت موبيل الأحمر العادى وجرب

ومش عارف
زيت أيه اللى الكيلو ب 160 ج

على فكره أنا بأقولك جمع الزيت الأبيض ده فى عبوه
علشان غالى جدا

ومش عاوزين نفرط فيه
ألا أما نعرف السبب الحقيقى فعلا

زيت موبيل بتاع الفتيس الأوتو ( أحمر اللون )
ب 25 ج اللتر تقريبا

[ayman_kamal]

معلش يا باشمهندس سمير سؤال كمان,
انا عندى نفس الاعراض بس انا معايا عربيه اوتوماتيك Audi A4 97 و مش عارف المشكله فاين, خايف اغير الفتيس, مع انى لسه شارى العربيه من حوالى 3 شهور و غيرت زيت فتيس و فلتر من حوالى شهر, قيل ما اغير الزيت المشكله دى مكنتش موجوده و كان الزيت الموجود فى الفتيس زيت احمر و لما غيرته جبت الاصلى بتاعها اللى هو ابيض ظهرت المشكله, ممكن ده يكون السبب, مع ان الميكانيكى (هانى عصمت فى شارع الاربعينى جسر السويس) قالى ان ممكن تكون المشكله فى دوره تبريد زيت الفتيس و ممكن نغير الرادياتير, و لا ممكن تكون المشكه فى الحساس, نرجو الافاده
مع خالص تحياتى
هيثم صابر

- ممكن اصلا الزيت زيادة لانه لو زيادة بيعمل مشاكل برده تشك المقاس بتاعه و العربية في درجة التشغيل المعتادة يعني خدها مشوار و علي ارض مستوية اركن علي (P) و شوف المقاس و لون الزيت
- الزيت الاصلي ده انت جايبه من الوكالة و لا من محل بيدعي كده و هل هو المناسب لفتيس عربيتك و لا
لو لا لازم تغيره هو و الفلتر بزيت تقيل و موثوق فيه انه بتاع الاتو مش اي زيت و السلام زي (ACDELCO)او موبيل او اي مركة موثوق فيها و راعي درجة اللزوجة وياريت لو الزيت ينشال بمكنة شفط علشان يفضي الترك كونفرتور كمان من الزيت ولازم طبعا تغير جوان الكرتيربعد ما العملية دي تنتهي
-اذا فضل الجير ينتع و انه بينئل على درجات ار بي ام عالي او لما تشيل رجلك شوية من على البنزين لازم تتشك (Valvue Body) او بيسمه الموديولاتور و ده حاجة زي سستة كده جوه مخ الجير لما الكرتيرة تتفك


الفتيس الاتوماتيك عموما الطريقة الوحيدة للحفاظ عليه تغير الزيت بانتظام و ليكن كل 50000 كم وتغير الفلتر كل سنة على الاقل و اكيد زيت الجير الاتو ليه درجة لزوجة زي ما زيت الماتور العادي
لان كتر الشد و الكيك داون و القرص على السيارة الزيت بيسخن جدا و ده ممكن تحس بيه لما عصايا الفتيس بتكون سخنة و علشان تريح الزيت و تبرده لازم كل ما توقف كتير زي اشارة او زحمة تنقل على (N)

[Ahmed Nasr]

انا كان عندى تقريبا نفس المشكلة عربيتى اكسنت 98
والله اعلم طلع السبب فيشة تسمى "حساس الفتيس"
تركيبها سهل بس خلى صنايعى يركبهالك لو غيرتها
وعشان تتأكد انها ركبت صح
ادى مرشدير وشوف هيجيب معاك ولا لا لان ممكن الفيشة تتركب غلط والعربية تمشى بس فى المرشدير لا

[m.aligamal]

معلش يا جماعه فين حساس الفتيس الموجود فى الكرستاله الانسر وشاكله ايه الباش مهندس سمير بيقول انه قصد الاسبراتير من اليمه الاخرى بس انا برضه مش قادر اوصله ياترى هوه شكله ايه وفين بالظبط يعنى هلاقيه على ايه؟؟