زيت فتيس" توتال"

[mohabelnegm]

غيرت النهاردة زيت الفتيس(زيت توتال) للنيو أكسنت ..حاسس أن في عضه خفيفه أوى أوى مع الغيار التانى ,أنا محتار هل الزيت دة مش مناسب ؟ أنا خايف أكون أتسرعت فى أختيار نوع الزيت دة لأنى بصراحة ما سألتش قبل ما أغير الزيت و توكلت على الله و خدت قرار التغيير و أنا واقف فى مركز الخدمة.

[romeo_6887]

متاااااااااااابع باهتمام

[migo9898]

متاااااابع

[Ahmed Hassan]

المقياس مش نوع الزيت و لكن الدرجه او ال grade بتاعته. يا ترى عربيتك الموصى بيه ليها كام و الزيت اللي اتحط كام؟

[mohabelnegm]

الموصى للعربية 90 و أنا حطيت 90 توتال ....بس أنا قلقان من نوع الزيت,أنة نوع مش مشهور و جديد على السوق(على حسب معلوماتى) و دلوقتى أنا بقول يمكن كان أفضل لو حطيت نوع مشهور بدل توتال خصوصا أنى فعلا حاسس بعضة بسيطة جدا مع الغيار التانى (و العضة دى ماكانتش موجودة مع الزيت القديم-كان زيت الفابريكة-

[Ahmed Hassan]

الزيت كماركه ممتاز و مفيش فيه اي قلق متخافش

[reamoz]

انا اللي أعرفة إن زيت الفيتيس اللي موجود في توتال النوع التقيل اللي هو 90-180 والمفروض في العربيات الجديدة كلها الزيت اللي بيتحط 85-90 فممكن علشان كدة الفيتيس تقل معاك وخصوصا في أو إستخدام العربية لما تكون باردة علشان بيكون الزيت لسة تقيل جدا وهو بارد

[tamer_a7]

انا اللي أعرفة إن زيت الفيتيس اللي موجود في توتال النوع التقيل اللي هو 90-180 والمفروض في العربيات الجديدة كلها الزيت اللي بيتحط 85-90 فممكن علشان كدة الفيتيس تقل معاك وخصوصا في أو إستخدام العربية لما تكون باردة علشان بيكون الزيت لسة تقيل جدا وهو بارد

[Maged_Samy]

توتال تمام بس استنى لما الزيت ياخد وضعه فى الدربوكس وبعد كده بأذن الله العيب يروح لوحده

[mohabelnegm]

مية ميةفعلا الله ينور عليك العضة الخفيفة دى بتظهر مع بداية التحرك بالعربية و بعدين بتختفى تماما لمل بمشى شوية بالعربية. أشكركم جزيلا على الردود وعلى طمأنتى على سبب العضة و على نوع الزيت. أنا فعلا كنت قلقان جدا أنى عملت حاجة ضرت العربية بس الحمد لله طمنتونى .

[hossam_elwani]

هيا العربية اوتو ؟؟؟؟؟؟؟؟؟؟

[mohabelnegm]

العربية عادة