مشكلة تسريب الزيت

[hanzcanz]

اخوانى الاعزاء
ظهرت عندى مشكله وهى تسريب الزيت بعد تغييره وتغيير الفلتر
كل يوم انزل الاقى بقعه زيت تحت السياره من الجانب الأيسر بجانب الكاوتش الشمال امامى ولم تحدث هذه المشكله الا بعد ما غيرت الزيت فى المحطه
وكان زيت الفتيس ناقص بعد الكشف عليه وتزويده برضه فى المحطه
والسياره فيورا مو 85
ولما سألت الميكانيكى قالى دا تسريب من الكرونه تقريبا ولما تغير ديسك واسطوانه ابقى غيرها بالمره او غير حاجه فيها بس مش فاكر اسمها ايه
بس انا مش مقتنع بالكلام دا لأن المشكله لم تكن موجوده من قبل إلا بعد تغيير الزيت
فأرجوا النصيحه لمن لديهم الخبره وشكرا

[د.محمود صلاح]

ممكن الفلتر مش بتاعها ومش محكم الربط

[romeo_6887]

اتاكد ان الكارتيره مفيهاش تسريب
و غير الفلتر ده بفلتر نوع كويس
و اتاكد برضه من مستوي زيت الفرامل

[SAMEH_FOUAD]

شوف ياباشا :دة راجع من احتمالين لائما الراجل بتاع البنزينة مقفلش طبة الزيت كويس ,لائما وانت بتغير الفلتر ماتربطش كويس ولو انت مغيرتش الفلتر يبقى هتلاقيها من الطبة حاول تعيد ربطها كويس
وممكن اى حد ينزل تحتيها ويتاكد من الموضوع دة

[Mostafa.Mahran]

لو كاوتشة الكوبلن مقطوعة هتنزل زيت

[SAMEH_FOUAD]

لو كاوتشة الكوبلن مقطوعة هتنزل زيت

عمرها ماتنزل زيت ابدا ولا كاوتش الكبالن الداخلية او الخارجية
اللى ينزل زيت بس لما تشيل الكوبلن الداخلى نفسة ,لكن لو شيلت الكوبلن الخارجى او رأس الكوبلن مش هينزل زيت

والى عندة دة من الطبة بتاعة كرتيرة الزيت او الفلتر لو غيرة

[Mostafa.Mahran]

عمرها ماتنزل زيت ابدا ولا كاوتش الكبالن الداخلية او الخارجية
اللى ينزل زيت بس لما تشيل الكوبلن الداخلى نفسة ,لكن لو شيلت الكوبلن الخارجى او رأس الكوبلن مش هينزل زيت

والى عندة دة من الطبة بتاعة كرتيرة الزيت او الفلتر لو غيرة

الموضوع ده حصل عندى بعد ما ربط العفشة و كاوتشة الكوبلن الداخلية حصل فيها حاجة غلط و لقيت زيت الفتيس كله على الارض والموضوع كان واضح لما تفتح الكبوت و تبص هتلاقى الزيت نازل من عند الكاوتشة

[gigomiko]

شكلها كدة ساعة الزيت

[SAMEH_FOUAD]

الموضوع ده حصل عندى بعد ما ربط العفشة و كاوتشة الكوبلن الداخلية حصل فيها حاجة غلط و لقيت زيت الفتيس كله على الارض والموضوع كان واضح لما تفتح الكبوت و تبص هتلاقى الزيت نازل من عند الكاوتشة

ياباشا اللى نزل عندك دة من الكوبلن الداخلى نفسة مش من الكاوتشة هتلاقية كان مريح او خارج من مكانة

[hanzcanz]

شكرا يا جماعه على الردود
بس احب اوضح حاجه
الميكانيكى قالى جلده الكارتيره او حاجه زى كده
بس لما بصيت فى الحوض لاقيت الزيت اللى نازل بعيد عن فلتر الزيت والموتور خالص اقصى الشمال
وبخمن انه زيت الفتيس لأن الراجل فى البنزينه قالى ناقص عندك وزوده فتقريبا بعد ما زوده ماربطش على الطبه كويس
ولما زود زيت الفتيس حسيت ان الفتيس بقى تقيل فى الحركه لكن بعد التسريب اليومين اللى فاتوا دول لاقيت الفتيس رجع خف تانى

فدى لو مشكله تسريب زيت الفتيس يبقى احلها عند مين؟
الميكانيكى ولا اروح البنزينه تانى ؟
وشكرا لكم اخوانى

[zezmograby]

اعملها عند ميكانيكي عشان بتوع البنزينة دوول اخرهم يغيروالزيت و الفلتر ويحطو بنزبن الا لو البنزينة فيها ميكانيكي كويس

[hedraedward]

يا باشا دا زيت الفتيس اللي بينقط عندك ودة سببو انو كاوتش الزيت او بلغة الميكانيكية ( كوباية الزيت ) بيتلف مع الاستخدام لانو عبارة عن اولسي يمنع نزول الزيت و سبب ان العربية بقيت نتقط زيت لما زوتة هوا انو الفتيس مكنشي فية زيت كتير لاكن لما زوت الزيت ظهرت المشكلة والزيت طبعا نزل نقطة نقطة وانت مش حاسس بية