غيار زيت الفتيس (Audi A4 98 1.6 Auto)

[Ahmad Allawy]

السلام عليكم..

زيت الفتيس في العربية دي زي اي عربية فولكس فاجن جروب.. المفروض يتغير كل 60-65 الف كم.. و لازم لازم لازم يتغير بزيت فولكس فاجن الاصلي.. مش مضروب.. عشان لا قدر الله لو مضروب هيضيع الفتيس في غمضة عين..

المهم.. في شوية معلومات عرفتها كده عن الموضوع ده فحبيت انقلها ليكم..

العربية بتاخد 4 كيلو زيت بس.. و الزيت بتاعها هو نفسه بتاع الاوكتافيا a4 اللي هو الاصلي منه تمنه حوالي 145 جنيه للكيلو

فلتر الفتيس الاصلي تمنه حوالي 230-250 جنيه..

زيت الفتيس بتاع اوكتافيا a5 تمنه 185 جنيه للكيلو.. بس ده مش موضوعنا.. بس معلومة لو حد احتاجها..

الفلتر عشان يتغير لازم تتفك الكرتيرة.. عشان الفلتر بيركب جواها.. و بعدين بتتركب و بيتفتح مكان الزيت من فوق.. و بخرطوم و قمع.. نضاف.. يتحط الزيت الجديد.. و بتحط الكمية كلها.. و مفيش مقاس..
بتقيس الزيت ازاي؟؟ غالبا طبة الزيت من تحت.. لما بتفكها شوية الزيت بينزل.ز الزيت الزيادة بينزل.. و بتفكها لحد ما الزيت يبطل ينزل.. او يقل في النزول.. كده يبقي الفتيس اتملا تمام..

مناضمن الاماكن اللي ممكن تجيب منها الزيت ده الشهابي طبعا اللي في شارع دمشق.. و الهاشمية سكودا اللي في العباسية..

اتمني اني اكون افدتكم..

[snakeson2]

الله ينور ياباشا

[Ahmad Allawy]

وعليك يا باشا..

بالمناسبة.. صورة جامدة جدا.. احييك..

[reebok2010]

هو لازم الفلتر يتغير

[reebok2010]

زيت الفتيس

عندى عربية لاند كروز برادو 2006 عاملة 20000 مانويل وكان مكتوب فى الكاتالوج غير الزيت عند 40000 او 4 سنين فانا اولت اغيرو بعد 40000 مش اربع سنين فهل دة صح ولا لا وهل يجب تغيير الفلتر ولا جة فى الالمانى بس واغيرو فين و شكرا

[Ahmad Allawy]

هو لازم الفلتر يتغير

أيوة يا باشا لازم الفلتر يتغير مع الزيت

عندى عربية لاند كروز برادو 2006 عاملة 20000 مانويل وكان مكتوب فى الكاتالوج غير الزيت عند 40000 او 4 سنين فانا اولت اغيرو بعد 40000 مش اربع سنين فهل دة صح ولا لا وهل يجب تغيير الفلتر ولا جة فى الالمانى بس واغيرو فين و شكرا

شوف يا باشا..
هو غالبا الزيت بتاع المانيوال مش بيتغير كتير.. و مفيش قلق لو قعد كتير في العربية.. و احتمال كبير ميكونش في فلتر عندك في الفتيس اصلا..
و بالنسبة للتغيير.. شوف نوع الزيت ايه.. و درجة اللزوجة بتاعته و كده.. وده بيبقيمن الرقم بتاع الزيت.. و لو متوفر في محطات البنزين عادي غيره في اي محطة.. او لو معندكش مشاكل تدفع فلوس اكتر شوية.. غيره في التوكيل اضمن طبعا..

[reebok2010]

100000 shookr

[Ahmad Allawy]

الشكر لله يافندم..
انا تحت امرك.,.

[zola10sona]

انا عايز رقمك لو ينفع لنل جبت اودى a3 كذا حاجه و مش عارف والعربيه كل بوم بتسوء و انا خايف حد مش فاهمها يعملهالى 01008001665

[tananybasha]

اسلم بس يا عم احمد
واحشنى والله