تسريب زيت من الفتيس

[egman]

السلام عليكم ورحمة الله وبركاته

النهاردة الصبح واان نازل لقيت بقعة زيت تحت العربية المهم انا كنت لسة مغير زيت الفتيس فجه فى بالى ان الراجل ما قفلش الطبه كويس من تحت فقلت اروحله المهم عديت عليه وكشف قالى ان الزين الى بينقط ده جاى من عند الفتيس بالضبط من مكان الغيارات بتاعه الفتيس اما طبه الزيت سليمة وهو حرق عليها شوية كمان قالى مش محتاجه تحريق قالى التنقيط كله جاى من عند الفتيس من عند الغيارات ولازم ميكانيكي .

فانا قلت الاول اسالكم يا ترى اية سبب الموضوع ده وعلاجه ايه ؟

[grumby78]

ممكن يكون سبب الموضوع ده الاويل سيل بتاع الجير بوكس عاوز يتغير عشان بيسرب
وممكن يكون الفتيس محتاج جوان لمنع تسريب الزيت

[egman]

والله انا روحت للميكانيكي وقالى ان الفتيس كان عايز يتربط معرفش قالى فى حاجة اسمها حلة الغيارارت واكيد الاسم ده من اختراعه اعتقد انه يقصد بيه صندوق التورس او النقلات كان عايز يتربط المهم ربطه وحط على حوافه لصق معين لمنع الترسيب بس وانا راكنها من امبارح علشان اشوف هتنزل زيت تانى ولا لأ ......

ومش عارف الكلام ده مضبوط ولا لأ ...........

[grumby78]

والله انا روحت للميكانيكي وقالى ان الفتيس كان عايز يتربط معرفش قالى فى حاجة اسمها حلة الغيارارت واكيد الاسم ده من اختراعه اعتقد انه يقصد بيه صندوق التورس او النقلات كان عايز يتربط المهم ربطه وحط على حوافه لصق معين لمنع الترسيب بس وانا راكنها من امبارح علشان اشوف هتنزل زيت تانى ولا لأ ......

ومش عارف الكلام ده مضبوط ولا لأ ...........

الكلام ده مظبوط . حلة الغيارات دي يقصد بها جسم الجير بوكس الخارجي وهو مكون من جزئين . وهو كده عمل زي جوان مابينهم لمنع التسريب .

[egman]

الف شكر ليك يا باشا للمتابعه وكل سنة وانت طيب ...

بس يا ترى ده بيكون تنيجة اية ....

[egman]

ليا سوال تانى يا جماعه معلش هو بعد ما عمل الى عمله انا ركنت العربية يوم ما رحتش بيها الشغل ونزلت على بليل برده لقيت كام نقطه كده موجدوين تحت العربية فى نفس المكان لكن للأمانة مش زي الاول الاول كان بركه صغيرة تحتها :) روحتله على طول نزل كشف قالى الى احان عملناه امبارح ناشف وزي الفل ما بقاش ينقط خالص أما الزيت الحي الى لسة موجود ده قالى ده على الشاسية هو الى غرقان قالى الموتور ناشف جدا وبعيد عن نقطة الزيت والفتيس قالى عملناه وخلاص فقالى ده يمكن ده زيت قديم ولا حاجة .

وطلب منى انى اغسل العربية من تحت وشاسية واعدى عليه علشان نطمن ان ما فيش حاجة ؟

ملاحظاتى انا وعايز رايكم فى الموضوع :

1- انا من اسبوع كنت بغير زيت الفتيس والراجل وهو بيغير الزيت كان بيخرج منه زيت من الحقنة الى بيحقن بيها الزيت فى التيس وكان بيغرق حوالين الطبه الى بيدخل فيها الزيت الجديد هو كان بيملى فى الفتيس حوالى 3 علب زيت وكل مرة كان بيحقن فيها كان بيغرق او بيطرطش زيت حواليه فهل ممن يكون لسة اثار الزيت ده هو الى بينقط ؟

2- انا عندى طرمبة زيت الباكم بتاعه الفرامل الى هى جنب قربه المياه بتاعه العربية هى بيكون ليها اتنين كلبس بلاستيك يمين وشمال الكلبس الى ناحية الشمال مش راكب ولما اركبه بيفلت تانى فى وقتها ولما بضغط على العلبه من ناحية اليمين الثابته بقى بشوف طبعا زيت بيخرج من الجانب الشمال هو بسيط اى نعم بس زيت بيخرج برده .

ودلوقتى انا عايز راى حضراتكم جدا لان الموضوع ده قد اية محيرنى اوى اوى اوى اوى ؟

[egman]

انا منتظركم يا شباب وجزاكم الله خيرا ............