تغيير زيت الفتيس ممكن يعمل مشاكل؟؟؟؟

[meso76]

طبعا أغلب ملاك الميجان عارفين ان زيت الفتس المفروض مايتغيرش حسب الكاتالوج (life time)، بس من حوالى 4 شهور فى كنت الميكانيكيون العرب وكلمونى فى موضوع تغيير الزيت بحجة ان الأجواء عندنا حارة وفى تراب كتير وكل اللى معاهم ميجان بيغيروه عادى.
المهم سيبتهم يغيروه (رغم عدم اقتناعى لأن لو فى ظروف معينه لازم يتغير فيها المفروض كان يكون فى اشارة ليها فى الكتالوج حتى لو بدون تفصيل)
بعد التغيير مش حاسس بأى فرق فى السواقة داخل القاهرة، لكن فوجئت بتغيير كبير (سىء جدا) فى أداء العربية على الطرق السريعة
أولا : لو فضلت ماشى فترة على سرعة فوق 120 (140-150 مثلا) وبعدين وقفت خالص لما اجى اتحرك تانى بالعربية مش بترضى تنقل الا على RPM عالى يعنى ممكن تفضل ماشية على الأول لغاية ال RPM ما يعدى 4000 !!! وده طبعا ما كانش بيحصل قبل كده (رحت توكيل العبور وحكيت لمهندس الإستقبال على الموضوع ده حاول يقنعنى ان الموضوع عادى رغم ردى المستمر له ان العربية معايا بقالها سنين وكتير جدا بسوق على سرعات عالية وده ماكانش بيحصل)
ثانيا : سحب العربية بعد سرعة 90 بقى سىء جدا بالذات مع التكييف (يعنى من 90 علشان اوصل ل 140 باخد وقت طويل جدا وساعات بتفضل ماشية على سرعة 100 يمكن 5 دقايق او اكتر قبل ما تقدر تسحب وتكمل ل 140)!!!
مش عارف ليه حاسس ان تغيير زيت الفتيس (بخلاف المكتوب فى الكتالوج) هو اليد الخفيه فى هذا الأداء السىء ... ايه رأى الوحوش؟؟؟

[wawoo]

مش عارف ليه حاسس ان تغيير زيت الفتيس (بخلاف المكتوب فى الكتالوج) هو اليد الخفيه فى هذا الأداء السىء ... ايه رأى الوحوش؟؟؟

انا متفق معاك يا ميسو ...زيت الفتيس حساس جدا ..ولازم يتغير بزيت معتمد من الشركة و بكمية مضبوطة بالضبط و فى ظروف و درجة حرارة مضبوطة ..اى خلل فى اى مرحلة ممكن ياثر اكيد ..لان الاجزاء المتحركة و الصغيرة كثيرة فى الفتيس دة و اى تغير فى خواص الزيت ممكن يكون لها تاثير عكسى على كل اداء السيارة للاسف..


حاول تعرف هما غيرو بزيت نوعة اية ..و الكمية اللى تم تغيرها و تم فى الظروف المضبوطة ولا لاء ..

[Hany Saad]

طبعا أغلب ملاك الميجان عارفين ان زيت الفتس المفروض مايتغيرش حسب الكاتالوج (life time)، بس من حوالى 4 شهور فى كنت الميكانيكيون العرب وكلمونى فى موضوع تغيير الزيت بحجة ان الأجواء عندنا حارة وفى تراب كتير وكل اللى معاهم ميجان بيغيروه عادى.
المهم سيبتهم يغيروه (رغم عدم اقتناعى لأن لو فى ظروف معينه لازم يتغير فيها المفروض كان يكون فى اشارة ليها فى الكتالوج حتى لو بدون تفصيل)
بعد التغيير مش حاسس بأى فرق فى السواقة داخل القاهرة، لكن فوجئت بتغيير كبير (سىء جدا) فى أداء العربية على الطرق السريعة
أولا : لو فضلت ماشى فترة على سرعة فوق 120 (140-150 مثلا) وبعدين وقفت خالص لما اجى اتحرك تانى بالعربية مش بترضى تنقل الا على RPM عالى يعنى ممكن تفضل ماشية على الأول لغاية ال RPM ما يعدى 4000 !!! وده طبعا ما كانش بيحصل قبل كده (رحت توكيل العبور وحكيت لمهندس الإستقبال على الموضوع ده حاول يقنعنى ان الموضوع عادى رغم ردى المستمر له ان العربية معايا بقالها سنين وكتير جدا بسوق على سرعات عالية وده ماكانش بيحصل)
ثانيا : سحب العربية بعد سرعة 90 بقى سىء جدا بالذات مع التكييف (يعنى من 90 علشان اوصل ل 140 باخد وقت طويل جدا وساعات بتفضل ماشية على سرعة 100 يمكن 5 دقايق او اكتر قبل ما تقدر تسحب وتكمل ل 140)!!!
مش عارف ليه حاسس ان تغيير زيت الفتيس (بخلاف المكتوب فى الكتالوج) هو اليد الخفيه فى هذا الأداء السىء ... ايه رأى الوحوش؟؟؟

أنا الموضوع ده بالذات سألت فيه مدير الصيانة فى إسكندرية......

حضرتك عارف إن لما بتطلع رسالة check gear box مع الخبطة و ده عيب ظهر كتير فى الميجان و بيتطلب تغيير الsolenoid valve مع " زيت الفتيس "

طبعا سألته عن هذه النقطة و قلتله زيت فتيس الميجان المفروض ما يتغيرش...يا ترى الجديد اللى بتحطوه إيه أخباره....

أول نقطة مهمة وضحهالى إنه فعلا ما بيتغيرش زى ما الكتالوج بيقول " يعنى حوار التراب و الحر و الكلام ده مش مظبوط و ده من بق مدير صيانة إسكندرية شخصيا "

ثانيا إنهم بيغيروا بنفس نوع الزيت اللى نازل مع العربية و ده برده لا يحتاج تغيير مرة أخرى طوال عمر العربية...طبعا أنا بتكلم على الزيت اللى بيغيروه فى التوكيل......و فعلا بعد وضعه فى السيارة لا يوجد أى تغيير فى الأداء....نفس السحب و التجميع و كل شىء......

[Abo_Lina]

فعلا أتفق مع الأخ العضو صاحب الموضوع
أنا أيضا غيرت زيت الفتيس عند صياانة ال ٦٠ ألف
لم أكن أعاني من مشاكل في الفتيس و لكن غييرته بناء على نصيحة مركز الصيانة ~ مركز العدوي في طريق المحلة المنصورة ~
االأداء داخل المدينة لم يتغير حقيقة ،، و لكن عند السير على سرعة ١٥٠ مثلا لمدة ساعة متواصلة تظهر لي رسالة gearbox overheat و أضطر أن أقف على جانب الطريق ل ٥ دقائق و أستكمل االسير بعد إختفائها ،، و خصوصا على طريق السويس اللي بقى فيه مكان معتاد تظهر فيه هذه الرسالة ..
كما لاحظت أن صوت اللمووتور بقى أعلى .. مش عارف ده بسبب زيت الفتيس أم زيت المحرك .. و غالبا سوف أغير ل كاسترول و أشوف فيه فرق و لا لأ
عموما هي مشكلة بسيطة و تتلخص في رسالة gearbox overheat عند السير بسرعة عالية لمدة طويلة و تختفي بمجرد الركن ٥ دقايق

[meso76]

ثانيا إنهم بيغيروا بنفس نوع الزيت اللى نازل مع العربية و ده برده لا يحتاج تغيير مرة أخرى طوال عمر العربية...طبعا أنا بتكلم على الزيت اللى بيغيروه فى التوكيل......و فعلا بعد وضعه فى السيارة لا يوجد أى تغيير فى الأداء....نفس السحب و التجميع و كل شىء......

ما هو الميكانيكيون العرب مركز معتمد من التوكيل يعنى المفروض يكونوا بيستعملوا نفس الزيوت اللى موجودة فى التوكيل ... عموما انا بطلت اتعامل معاهم وكمان توكيل العبور ما اهتمش بالمشكلة ... هستنى اخد يوم اجازة واروح التوكيل اللى فى المقطم يمكن يكون عندهم الحل

[Mohd_Adel_Amin]

انا بعد ما غيرت الsolenoidفي التوكيل في العامرية وغيرت الزيت طبعا معاه محستش بفرق في سحب العربية , وكنت سألت هناك نفس السؤال وكان الرد ان الزيت نفس الأصلي وبالتالي مش هتحتاج تغيره ثاني , اعتقد ان المشكلة في نوع الزيت المستعمل .

[Ahmed Selim]

أنا غيرته قبل كده فى الميكانيكيون العرب

التغيير اللى حسيت بيه جوة البلد كان أن النتشة المعتادة من الأول للتانى قلت سنة بسيطة

مع الطريق الطوالى و السرعة العالية لمسافة طويلة بتدينى رسالة gear box overheat
بنزل بالسرعة لحد 120 و أفضل ماشى عادى بتختفى الرسالة.

مفيش أى ملاحظات تانى قابلتها بخصوص موضوع تغيير الزيت.

[MoHamdy]

انا للأسف غيرته مرتين عشان غيرت السلونويد فالف مرتين أول مرة بعد ظهور check Gearbox والهبدة اياها وحطيت زيت فتيس موبيل واتحسن اداء الفتيس بس لمدة قصيرة جداً والنتشة رجعت محسوسة جدا بس مش عارف ده بسبب الزيت ولا عشان الفالف اللى غيرته كان في حاجة وبعد كام شهر كدة ظهرتلى نفس الرسالة تاني فغيرت الفالف تاني (بس مجانا طبعا عشان مش المفروض انه يبوظ في الفترة القصيرة دي. دفعت بس ثمن الزيت وجدعنة منى دفعت نصف ثمن الفالف) وحطيت المرة دي زيت فتيس شل (دورت على توتال ومالاقيتش وكان وقتى محدود جدا فمسألتش في التوكيل) وبجد حسيت بفرق فظييييع سواء داخل المدينة او في السفر النتشة بقيت اهدى كتيييير وغير محسوسة وبصفة عامة الاداء بقى احسن كتيير وانا حاليا بقالى 5 شهور بعد التغيير ده والدنيا والحمد لله ماشية تمام.

بالمناسبة حد يعرف سعر زيت الفتيس في التوكيل كام علما بان موبيل وشل كانوا ف حدود 130 - 150 ج

[abasse]

أنا كمان عندى نفس الهبده للاسف و gearbox overheat ( العربية عاملة 132 الف كم ) بتحصالى فوق ال 140 بعد المشى تقربيا ربع ساعة بس بالنهار بس جربت بالليل كذا مرة مطلعتش بس أنا مستنى لما تبقى مشكلة متكررة شوية وأغيره وغالبا هغير معاه السلونويد عشان اقطع الشك

فى حل وسط ممكن تشترى الزيت والسلونيد لو حبييت من التوكيل وتركبهم بره عند واحد كويس وفاهم أوى

على فكرة ملحوظة للإفادة مش لازم العربية تبقى ماشة على سرعة عالية عشان تجيب الرسالة ( حصلت مع العقيد وكان بيبقى لسة طالع بالعربية )

[MuhamedNabil]

السلام عليكم

انا عندى نفس الموضوع فى 307 الحرارة زادت و النقلات مكنتش بتنقل من الاول ل 4000 rpm , و انا برده لسة مغير الزيت بتاع العربية , فى واحد قالى مبرد الزيت بتاع الفتيس بس انا نش مقتنع.
ياريت لو حد عالج الموضوع يأكد الحل و هل المشكلة اختفت تماما

[farahat]

من وصف حضرتك للمشكلة أعتقد إن العيب من نوع زيت الفتيس ، مش من تغييره ،
أي زيت في الدنيا بتكون ليه مواصفة لللزوجة ، ودي بتكون مكتوبة على العبوة كأرقام بتدل على لزوجته في درجات الحرارة المختلفه .والزيت المحطوط في فتيس الميجان موختلف عن الزيت العادي الموجود في المحطات ،
أعتقد الزيت إلي حضرتك حطيته لزوجته أعلى شوية ، وبالتالي معدل السريان بتاعه داخل الفتيس في سرعات الدوران العالية بيكون محكوم أو أقل من الطبيعي ، وعشان كدة بيكتف الفتيس (كأنك مثلاً بتحول تقلب كباية شاي بمعلقة ، كل م أهتزود السرعة الشاي هيتقلب أسرع ، لكن لو حطيت مكان الشاي دة عسل .. جرب تقلب كدة ؟! ، هتلقيه شغال معك في البطيء مقبول لكن كل ما هتسرع هيبان الفرق! )
كذلك الحرارة ، لأن كل ما الزوجة زادت كل ما الزيت كان بيحتفز بالحراره أكتر ومش ببيبرد بسرعة ، وبالتالي هيعمل overheat أسرع من الطبيعي


الحال الصح ديماً انك تغير الزيت بنفس المواصفات إلي متصمم على اساسها الفتيس ، والمواصفات دي بتكون مكتوبة في الكتالوج ، هتلاقي رقم لزوجة الزيت مكتوب ، وتشتري عبوة الزيت إلي عليها نفس الارقام ، وبس كدة :)

[ahmedtr9989]

من وصف حضرتك للمشكلة أعتقد إن العيب من نوع زيت الفتيس ، مش من تغييره ،
أي زيت في الدنيا بتكون ليه مواصفة لللزوجة ، ودي بتكون مكتوبة على العبوة كأرقام بتدل على لزوجته في درجات الحرارة المختلفه .والزيت المحطوط في فتيس الميجان موختلف عن الزيت العادي الموجود في المحطات ،
أعتقد الزيت إلي حضرتك حطيته لزوجته أعلى شوية ، وبالتالي معدل السريان بتاعه داخل الفتيس في سرعات الدوران العالية بيكون محكوم أو أقل من الطبيعي ، وعشان كدة بيكتف الفتيس (كأنك مثلاً بتحول تقلب كباية شاي بمعلقة ، كل م أهتزود السرعة الشاي هيتقلب أسرع ، لكن لو حطيت مكان الشاي دة عسل .. جرب تقلب كدة ؟! ، هتلقيه شغال معك في البطيء مقبول لكن كل ما هتسرع هيبان الفرق! )
كذلك الحرارة ، لأن كل ما الزوجة زادت كل ما الزيت كان بيحتفز بالحراره أكتر ومش ببيبرد بسرعة ، وبالتالي هيعمل overheat أسرع من الطبيعي


الحال الصح ديماً انك تغير الزيت بنفس المواصفات إلي متصمم على اساسها الفتيس ، والمواصفات دي بتكون مكتوبة في الكتالوج ، هتلاقي رقم لزوجة الزيت مكتوب ، وتشتري عبوة الزيت إلي عليها نفس الارقام ، وبس كدة :)

فرحات باشا ,,, طيب أنا عندي الكتالوج ...بس بصراحة معرفش الاقيه فييين ... عندك فكرة عن يكون فيين ...ولو إنت عارف رقمه قوله ... تكزن ريحتنا كلنا

[farahat]

باشا ..
من كتالوج الميجان الزيت الموصى بيه هو ELF D3 Syn
ودة اللنك بتاع مواصفاته http://www.elfoil.com.au/admin/Produ...tic_D3_SYN.pdf


المهم إن رقمه Dexron III ، ودة لزوجته أقل من Dexron II والانواع الاقدم ، اتأكد إن العبوة مكتوب عليها Dexron III تحت الماركة ، يعني حتى لو هتجيب موبيل أو شل أو أي حاجة تانية لزم تكون Dexron III مكتوبة تحت الماركة .


وبالمرة بالنسبة لزيت الفتيس المنوال هو درجته 75W/80 عشان لو حد حب يغير زيت المنوال برضه .

[ahmedtr9989]

باشا ..
من كتالوج الميجان الزيت الموصى بيه هو ELF D3 Syn
ودة اللنك بتاع مواصفاته http://www.elfoil.com.au/admin/Produ...tic_D3_SYN.pdf


المهم إن رقمه Dexron III ، ودة لزوجته أقل من Dexron II والانواع الاقدم ، اتأكد إن العبوة مكتوب عليها Dexron III تحت الماركة ، يعني حتى لو هتجيب موبيل أو شل أو أي حاجة تانية لزم تكون Dexron III مكتوبة تحت الماركة .


وبالمرة بالنسبة لزيت الفتيس المنوال هو درجته 75W/80 عشان لو حد حب يغير زيت المنوال برضه .

طيب ممكن يا فرحات تلقي نظرة على النوعييين دول

http://www.liqui-moly.de/liquimoly/produktdb.nsf/id/en_3650.html?Open........&land=DE

http://www.liqui-moly.de/liquimoly/produktdb.nsf/id/en_3680.html?Open........&land=DE

تحياتي

[farahat]

طيب ممكن يا فرحات تلقي نظرة على النوعييين دول

http://www.liqui-moly.de/liquimoly/produktdb.nsf/id/en_3650.html?Open........&land=DE

http://www.liqui-moly.de/liquimoly/produktdb.nsf/id/en_3680.html?Open........&land=DE

تحياتي

لو كدة كدة هتجيب منتجات liqui-moly فالاتنين مناسبين لأنهم متوافقين مع Dexron III ، لكن ال-ATF1200 أقرب من حيث المواصفات إلى الزيت الأصلي