زيت الفتيس e46

[BMW5260]

طيب والأتوماتيك e36

[Batman372]

طيب والأتوماتيك e36

لا معرفش ايه نظام ال e36-
انا بتكلم عن الاستيترونيك فى e46 من سنه 2000.
انا اول بى ام جبتها كانت e46 مو 2000

[nupirafor]

ممكن ياجماعة تقولولى بسرعه اى احسن حاجة للثرتى علشان انا كنت بغير الماتور وزيت الفتيس وقع كله من الاربه وخايف ازودة اى حاجة ليبوظ ووبكرة انشاء الله العربيه حتتقفل قولول من فضلكم ازود ايه هى موديل 90

[minicooper20]

dsg مش فاشل
و الا كانت كل العربيات ال dsg زمنها فى الجرشات
و اعرف كذا عربيه ماشيه اكتر من 100 الف كيلو من غير اى مشاكل تذكر
يا ريت نجرب و نحكم يا رجاله

[farahat]

بالنسبة للبي إم الزيت بتاعها ( life time oil ) وده مش بيتغير وده كلام التوكيل والشركة الأم ومحدش يقول لا متسمعش كلامهم لأن شركة كبيرة زي دي مش هتضلل العملاء بتوعهم.
الزيت بتم تزويده في حالة النصقان ليس إلا وسعر الكيلو منه 275 جنيه مصري وبيسموه زيت كهربة. ومش موجود عند أي حد.يوجد عند المتخصصين فقط.

بالنسبة للفولكس جروب هو نفس نوع الزيت اللي بيتحط في البي إم ولكن يتم تغييره عند 60000 كم وده بيرجع لأن مجموعة التروس في الفولكس جروب كلها بتبدأ تعمل رايش بعد العدد ده من الكيلو متر.وفي حالة عدم تغيير الزيت بتحصل مشاكل تؤدي لإتلاف ناقل الحركة كله.

بالنسبة للفتيس dsg ( الفاشل ) ده مش هتلحق تغير الزيت بتاعه أصلا لأنه بيبوظ لوحده في أسرع وقت ممكن

Inspiron ، ناس كتير قوي اختلفت في تفسير life time oil دي ، وإيه تفسير ال-life time ، يعني عمر إيه ؟ عمر الفتيس ولا عمر العربية ولا عمر البني أدم إلي مالك العربية ؟
ومفيش إجابة قاطعة ، والموضوع دة ظهر فقط مع التطورات الجديدة في زيوت الفتيس في أخر كام سنة وبالتالي محدش عنده خبرة طويلة يحكم بيها .


وعلى فكرة الفتيس بتاع الفولكس إلي هو راكب في الجيتا والباسات والجولف (ال-6 غيار ) و عملاه شركة ياباني بتقول برضه إن الزيت بتاعه life time ، بس النص كلها برضه مختلفة حولين النقطة دي وفيه ناس بتغيره عند 60 وناس عند 100 وناس بتسيبه . الفتيس القديم ال-5 غيار هو إلي بيتغير عند 60 ألف ، أنا بس حبيت أضيف المعلومة دي من باب الدقة .


أما فتيس ال-DSG فدة مش محتاج يتغير زيت ليه ، ودة أقلهم إحتياجاً لتغيير الزيت فعلاً ، طبعاً أولاً عشان السبب الكوميدي إلي حضرتك قلته :)) ، لكن لأسباب تانية ، أولها إنه فتيس منوال تماماً ودة احتياجه للزيت أقل كتير والزيت بيعيش فيه أكتر لأن التروس فيه أقل والإحتكاك أقل و رواسب أقل. و السبب التاني إن زيت البودي فالف لوحده مختلف عن دورة زيت الفتيس ، وبالتالي مافيش أي رايش أو حاجة بتدخل من الفتيس على البادي فالف ومش بيسخن نفس سخونة الفتيس ، وبالتالي عمر الزيت فيه أعلى كتير .


الحاجة المشتركة اللى بتجمع الزيوت دي كلها انها زيوت مركبة وذات خصائص مميزة مش ذي زيت الفتيس العادي الاحمر بتاع زمان ،ودي إلي هي بيسموها كلها في مصر زيت كهربا وأهو كله عند العرب .. كهربا :))

[BMW5260]

زيت الفتيس الأتوماتيك e36 يكشف عليه فين وإزاي وبيتزود ولا بيتغير كل كام كيلو ،،،،،،،،،،،،،،،،،،، كلاكيت ثاني مرة

[farahat]

زيت الفتيس الأتوماتيك e36 يكشف عليه فين وإزاي وبيتزود ولا بيتغير كل كام كيلو ،،،،،،،،،،،،،،،،،،، كلاكيت ثاني مرة

بصفة عامة لو الفتيس الاوتو مافيش فيه أي مشاكل ولا أي حاجة غير طبيعية يبقى يتزود فقط ومايتغيرش ، ودي نصيحة لأي عربية مش الجديد بس ولا القديم بس .

[sampo1100]

فتيس dag كلة مشاكل وغالى فى التوكيل

[BMW5260]

بصفة عامة لو الفتيس الاوتو مافيش فيه أي مشاكل ولا أي حاجة غير طبيعية يبقى يتزود فقط ومايتغيرش ، ودي نصيحة لأي عربية مش الجديد بس ولا القديم بس .

شكراً على الرد بس عايز أعرف أكشف عليه إزاي وفين وكل كام ألف كم

[theking_med]

الموضوع واقف من ١١٠٦ يوم بس معرفش خلال ٤ سنين الأعضاء الي كاتبين كومنتات غيرو زيت ولا كان موضوع نقاش فقط