بعض استفسارات عن زيت الفتيس

[mesaharaty]

لينا كام سؤال للفايدة العامة والخاصة أيضا فهل من مشارك وياخد فينا ثواب ؟؟

زيت الفتيس :

1- إيه أفضل نوع زيت ومعامل لزوجته وسعره ؟
2- مين اللى بيقوم بتغييره (هل بتاع الزيوت ولا حد تانى من الصنايعية؟) أو بنزينة مثلا
3- العربية بتاخد قد إيه زيت فتيس عند التغيير الكامل للزيت ؟
4- هل نوعية زيت الفتيس لها علاقة ببعض الخشونة التى قد تبدو عند النقلات من آن لآخر ؟


مع جزيل الشكر

كل عام وجميع أخوانى وأحبائى بنايل موتورز بكل صحة وسعادة

[Amr Axel]

لينا كام سؤال للفايدة العامة والخاصة أيضا فهل من مشارك وياخد فينا ثواب ؟؟

زيت الفتيس :

1- إيه أفضل نوع زيت ومعامل لزوجته وسعره ؟
فيه شل - التعاون - كالتكس - موبيل و اللزوجة 90 ده العادي و فيه 140 بس طبعا ع حسب حالة الفتيس

2- مين اللى بيقوم بتغييره (هل بتاع الزيوت ولا حد تانى من الصنايعية؟) أو بنزينة مثلا
اي حد بيغير زيت سواء محل او بنزينة

3- العربية بتاخد قد إيه زيت فتيس عند التغيير الكامل للزيت ؟
مش فاكر كام بالظبط اعتقد 2.5 - 3 كيلو

4- هل نوعية زيت الفتيس لها علاقة ببعض الخشونة التى قد تبدو عند النقلات من آن لآخر ؟
ديه ليها اكتر من سبب فياريت تحدد بالظبط بتحس بايه عشان نقدر نفيدك لأن ممكن يكون من الزيت او من التروس لو جزء من اجزاء الفتيس متأكلة فيا ريت تشرح بالظبط ايه الخشونة اللي بتحس بيها بالظبط

مع جزيل الشكر

كل عام وجميع أخوانى وأحبائى بنايل موتورز بكل صحة وسعادة

و بالنسبة زيت الفتيس اللي بيبقي في الاسطوانة البرتقالي اوعي تحط منه و لما تقرأ الموضوع ده هتعرف انا اقصد ايه

http://www.nilemotors.net/Nile/225059-a.html

[dr_asaos]

أنا لسة مغير زيت الفتيس بزيت موبيل 90 بعد 40 ألف كيلو وأعتقد ان فى حد هنا قالى انها بتاخد2.1 لتر زى الكتالوج فجبتلها 2 لتر وفعلا خادتهم والفتيس أصبح زى الفل....والحمد لله

[hamaza81]

فعلا
احنا عندنا الكتالوج بيقول 2.1
بس كذا واحد بما فيهم أنا حطينا موبيل 90
العلبة لتر جبت علبتين الواحدة سعرها 18 جنية

وكل عام وأنتم بخير

[dr.hazem]

الكلام اللي هقوله خاص بالماروتي فقط ولا يعمم على اي نوع سيارات آخر

زيت الفتيس في الماروتي يفضل تغييره كل 20 ألف كيلو
معامل اللزوجه 90
افضل الانواع اللي جربتها موبيل و ايسو
بيتغير في البنزينه او في المحل
العربية عندنا بتاخد 2.1 لتر يعني علبتين وتمن الواحده 18 جنيه
الخشونه اللي في النقلات حاجه معروفه في الماروتي وحلها مش في تغيير الزيت فقط انما في حاجتين لو اتعملو بيخلو الفتيس مهلبية:
تشحيم عصاية الفتيس
تربيط عمود الفتيس من اسفل السياره


تحياتي

[mesaharaty]

الكلام اللي هقوله خاص بالماروتي فقط ولا يعمم على اي نوع سيارات آخر

زيت الفتيس في الماروتي يفضل تغييره كل 20 ألف كيلو
معامل اللزوجه 90
افضل الانواع اللي جربتها موبيل و ايسو
بيتغير في البنزينه او في المحل
العربية عندنا بتاخد 2.1 لتر يعني علبتين وتمن الواحده 18 جنيه
الخشونه اللي في النقلات حاجه معروفه في الماروتي وحلها مش في تغيير الزيت فقط انما في حاجتين لو اتعملو بيخلو الفتيس مهلبية:
تشحيم عصاية الفتيس
تربيط عمود الفتيس من اسفل السياره


تحياتي

طيب وتربيط عمود الفتيس ده بيتم على طول بمجرد النزول تحت السيارة ولا بيحتاج حاجة تتفك وشغلانة ؟

[sab3aawy]

أؤيد كل كلام حازم واضيف عليه الآتى من واقع التجربة الشخصية:

1- الزيت -بالنسبة للماروتى-درجة لزوجة 90 ، بس انا حصلت على نتيجة افضل لما حطيت زيت 90 وحطيت عليه 100 مللى اضافة زيت شمبر ، بتحسن جدا صوت الفتيس

2- الفتيس بياخد 2 كيلو زيت، يعنى الجركن ال4 لتر يكفى مرتين

3- اقترح تغيير الزيت كل 20-25 ألف كيلومتر

4- تغيير الزيت ممكن يتم تحت البيت بشرط توافر مفتاح مربع مقاس 10 مم (بيسموه فى السوق مفتاح بيجو 10) لفك طبة الزيت -الطبة فيها تجويف مربع 10 مم يحتاج المفتاح ده، ما من أعلى فيتم اضافة زيت الفتيس من مكان مقاس الزيت وده بيتفك ويترك باليد ويضاف الزيت باستخدام قمع عادى، فى حالة عدم توافر المفتاح المربع 10 يمكن تغيير الزيت فى البنزينة

5- تشحيم كورة عصاية الفتيس بيتم من جوة السيارة وبيحتاج فك الكونصول البلاستيك اللى حوالين العصاية(6 مسامير بورمة 2 تحت فرامل اليد و اتنين فى جانبى الكونصول و 2 تحت طفاية السجاير) ثم فك المسامير الأربعة التى تمسك كاوتشة عصاية الفتيس -مع ملاحظة الامساك بالعصاية علشان متقعش بعد فك آخر مسمار-ورفع الكاوتشة قليلا لتظهر الكورة-يمكن ربط واحد من المسماير الأربعة بعد رفع الكاوتشة علشان العصاية متقعشة اثناء التشحيم، ثم فكه بعد التشحيم واعادة الكاوتشة ثم ربط المسامير واعادة الكونصول

6- ربط وصلة عصاية الفتيس اسفل السيارة لا يحتاج سوى النزول الى اسفل السيارة، العصاية والوصلة باينين جدا، لمعرفتها خلى حد يحرك العصاية اثناء وجودك تحت السيارة هتلاقى الوصلة بتتحرك، فيها مسمار 12 تحت العصاية مبشارة بيتربط ، ووصلة صليبة بمسمارين 10 فى نصها بيتربطو

[anwarnono]

انا معاي سوزوكى سويفت موديل 93 بعد لما غيرت ديسك واسطوانه يابانى من 3 شهور لقيت حاجه غريبه اوى حصلت:/
1- الغيار الاول سعات كتير مابيرداش يرجع من الحاره الى واخدها ولازم علشان يفك ازود شويه بالسرعه وبعد كده بيفك عادى.
2-الغيار الثالث ساعات بيدخل بصعوبه فى الحاره بتاعته وساعات اسايسه شويه او ادخله فى الحاره جامد.

مش عارف الحل ايه فى ناس قالولى غير الديسك تانى..

[Lion_Heart]

طيب ايه رايكم يا جماعة فى زيت شل للفتيس لان للاسف بيقولوا ان اسو خلاص مش بتنزل زيت فتيس و انضمت ل موبيل
و زيوت موبيل اصلا بشك فيها

[alking_2006]

أؤيد كل كلام حازم واضيف عليه الآتى من واقع التجربة الشخصية:

1- الزيت -بالنسبة للماروتى-درجة لزوجة 90 ، بس انا حصلت على نتيجة افضل لما حطيت زيت 90 وحطيت عليه 100 مللى اضافة زيت شمبر ، بتحسن جدا صوت الفتيس

2- الفتيس بياخد 2 كيلو زيت، يعنى الجركن ال4 لتر يكفى مرتين

3- اقترح تغيير الزيت كل 20-25 ألف كيلومتر

4- تغيير الزيت ممكن يتم تحت البيت بشرط توافر مفتاح مربع مقاس 10 مم (بيسموه فى السوق مفتاح بيجو 10) لفك طبة الزيت -الطبة فيها تجويف مربع 10 مم يحتاج المفتاح ده، ما من أعلى فيتم اضافة زيت الفتيس من مكان مقاس الزيت وده بيتفك ويترك باليد ويضاف الزيت باستخدام قمع عادى، فى حالة عدم توافر المفتاح المربع 10 يمكن تغيير الزيت فى البنزينة

5- تشحيم كورة عصاية الفتيس بيتم من جوة السيارة وبيحتاج فك الكونصول البلاستيك اللى حوالين العصاية(6 مسامير بورمة 2 تحت فرامل اليد و اتنين فى جانبى الكونصول و 2 تحت طفاية السجاير) ثم فك المسامير الأربعة التى تمسك كاوتشة عصاية الفتيس -مع ملاحظة الامساك بالعصاية علشان متقعش بعد فك آخر مسمار-ورفع الكاوتشة قليلا لتظهر الكورة-يمكن ربط واحد من المسماير الأربعة بعد رفع الكاوتشة علشان العصاية متقعشة اثناء التشحيم، ثم فكه بعد التشحيم واعادة الكاوتشة ثم ربط المسامير واعادة الكونصول

6- ربط وصلة عصاية الفتيس اسفل السيارة لا يحتاج سوى النزول الى اسفل السيارة، العصاية والوصلة باينين جدا، لمعرفتها خلى حد يحرك العصاية اثناء وجودك تحت السيارة هتلاقى الوصلة بتتحرك، فيها مسمار 12 تحت العصاية مبشارة بيتربط ، ووصلة صليبة بمسمارين 10 فى نصها بيتربطو

انا فيه تجربه لسه عامله الاسبوع اللى فات لتزييت عصاية الفتيس
و هو انى فكيت فعلا الكونصول من ال 6 مسامير و لكن مفكتش الاربع مسامير بتوع الكاوتشة
لكن جبت wd40 و دخلت عمود البخاخة جوا الكاوتشة من فوق (مابين الكاوتشة و حديدة العصاية) و بخيت كام بخة فى جميع الاتجاهات جوا و ربطت الكونصول و النتيجة مش عايز اقول الفتيس بقى مهلبية بعد ما كان بيخنقنى فى النقلات