هو الفتيس الايزي ترونيك بيتغرله الزيت امتى ؟

[Omar_H]

السلام عليكم يا رجالة
أنا كنت عايز أعرف هو الفتيس الايزي ترونيك بتاع الفيكترا c بيتغر الزيت بتاعه امتى ؟
أصل والدي عنده الصيانة بتاعت ال 30 ألف و مش عارفين نعملها في التوكيل ولا بره ؟ هي الحاجة اللي هتفرق موضوع الفتيس ده هل بيتعمل فيه حاجة في ال 30 ألف ؟

و سؤال تاني هو فلتر الهوا والبوجيهات لو ماتغيروش في معادهم ممكن يتسببوا في اضرار ؟ أنا عارف آه إنهم بيأثروا عالسحب و استهلاك البنزين بس هل فيه ضرر عالموتور لو متغيروش في المعاد ؟

[احمد فهمى]

لا بيتغير مع الكتينه والدينمو على 50 الف وبتاخد 2 كيلو atf320 موبيل بتاع الباور العادى وهتلاقى الطبه بتاعتو تحت عند العجله الشمال وبتزمد بعد كده من فوق فى طبه سوده كده جنب البطاريه وال30 الف اعملها بره غير فلاتر وبوجيهات بس ال50 الف اعملها فى التوكيل مبتفرقش كتير عن بره واحسن من برخ ودى بتتعمل كل 50 الف يعنى مش مستاهله توفير

[Omar_H]

ألف شكر يا باشا و فعلا اللي حصل إني عملتها انهارده بره و قلت للوالد بقى صيانة ال 50 هي اللي نعملها في التوكيل عشان السيور ... و حضرتك متأكد إنه بياخد زيت باور عادي ؟

[ahmedmaklad]

انا لسة عامل صيانة ٥٥ الف في توكيل الهرم عشان نفس موضوع زيت الفتيس ده سالت المهندس زيت الفتيس بيتغير امتى قالي مش دلوقتي خالص و واحد تاني قالي برده على ١٠٠ الف او مع تغيير الاسطوانة و الديسك لو اتغيروا قبل ١٠٠ الف مع ان في الكتالوج بيقول ٣٠ الف و خالد ايمن مغيره على ٦٠ الف انا ما غيرتوش بصراحة مش عارف بقى.

[KHALED AYMAN]

منصور شغال فتاوى جامده اوى
يخرب بيوتهم
انا غيرت الزيت على 60 الف
و بيتغير معاه جوان الفارغه لانه بيفك الفارغه !

[HASSAN SERRY]

ولا انا غيرتوا لحد دلوفتى اخر مره روحت التوكيل قلى متغيروش زودوا بس !!!!!!
انا عموما قررت على ال 100 أغيروا

[dr_medoo]

انا لسة عامل صيانة ٥٥ الف في توكيل الهرم عشان نفس موضوع زيت الفتيس ده سالت المهندس زيت الفتيس بيتغير امتى قالي مش دلوقتي خالص و واحد تاني قالي برده على ١٠٠ الف او مع تغيير الاسطوانة و الديسك لو اتغيروا قبل ١٠٠ الف مع ان في الكتالوج بيقول ٣٠ الف و خالد ايمن مغيره على ٦٠ الف انا ما غيرتوش بصراحة مش عارف بقى.

مبروك يا عم على صيانه ال55 بس ممكن سؤال
عملوا ايه فى الصيانه وغيروا ايه واتكلفت كام علشان انا عاوز اعرف ايه الى بيتعمل فيها

[Omar_H]

ألف شكر يا رجالة .... طب ماحدش عنده معلومة أكيدة عن امتى الزيت المفروض يتغير بالضبط بدل فتي منصور ده ؟ عشان الواحد مش عايز يتأخر عن المعاد المظبوط فالفتيس يجراله حاجة و في نفس الوقت الواحد مش عايز يغيروا بدري عالفاضي ... والكتالوج مكتوب فيه معاد تغير الزيت عند 30000 بس ده للأوتوماتيك العادي متهيألي مش الايزي ترونيك
و يا ريت حد يؤكد على نوع الزيت هل هو فعلا زيت الباور زي ما أستاذ احمد قال

[dr_medoo]

محدش قالى برده صيانه ال50 الف بيتعمل فيها ايه وايه اسعارها

[احمد فهمى]

50 الف كيلو ويفضل اقل وايوا زيت الفتيس ده موبيل atf320 وانا جبتو من منصور وموجود بره فى كل محطات موبيل

[karimkazem]

لو سمحتم يا جماعه في كل المواقع بتاعت الزيوت زي liqui molyبيقوله انه زيت الايزي ترونك انه زيت مانيول sae 75w 80 الكلام ده صح ولا اه

[احمد فهمى]

هتحط موبيل atf 320 وابعد عن جميع زيوت ليكوى مولى

[karimkazem]

ليه كده ::::::((((

[temeey]

هذه تجربتى مع زيت الفتيس لسيارتى استرا اتش ٢٠٠٨ بعد ما سمعت فتاوى كتير من ناس لا تعرف نوع الزيت السليم: http://www.nilemotors.net/Nile/327200-a.html

[karimkazem]

انا كلمت كذا شركه بالخارج واوبل نفسها والزيت ليس زيت اوتوماتيك ولكن هو زيت 75w 80 GL 4 او 75w 85 gl - 3 وزيت الاوتوماتيك ينفع يتحط بس انا اخويا مهندس بحري ودارس الحاجات دي فبيقولي زيت اوتوماتيك ده زيت معلهوش ضغط فمينفعش يزيط تروس فتره صغيره ومش حيبقي كويس والله اعلم بس انا سالت منصور الطيران وقالي له زيت مخصوص وحجيبه وارفعه هنا وشكرا