تغيير زيت الفتيس

[gta10]

السلام عليكم و رحمة الله و بركاته

انا عندى زيت فتيس بتاع شركة ميتسوبيشى اللى هو atf sp-111 و كنت عايز اغير الزيت و كل لما اروح اغير فى البنزينة او عند ميكانيكى بيقولى فتيس اللانسر 5 لتر و هو مكتوب فى الكتالوج 8 لتر فاكنت عايز اعرف انا لو شفط الزيت فى اى بنزينة من فتحة المقاس بتاع الفتيس ياترى هاتشفط 8 لتر ولا 5 لتر ياريت تقولولى علشان عايز اغيره بسرعه و عايز اسحب الزيت الموجود كله علشان يبقى الزيت كله نظيف و على فكرة العربية لانسر سبورت 2009 cvt

[M.Al-Hefnawy]

متابع عشان عندي نفس الموضوع

[nice_bird]

متابع باهتمام +1111111

[مصراوي جدا]

الفتيس زي ما حضرتك عارف جهاز افقي وطويل فالطبة بتنزل معظم الزيت لكن مش كله يعني من 5.5 الى 6 لتر أما علشان تغير كل الزيت اللي جوه الفتيس بالكامل فلازم جهاز شفط خاص بيشفط الزيت بالكامل من الفتيس والجهاز ده موجود في مصرية وبيتم تغيير 9 لتر

[gta10]

يعنى جهاز الشفط اللى موجود فى البنزينة غير اللى فى المصرية و لو شفطه فى البنزينة هايشفط الزيت كله ولا هايشفط على الاقل 5 لتر و لو 5 لتر و حطيت الزيت الجديد هايبقى عادى ولا فى مشاكل علشان المصرية بعيد جدا و مش هاقدر اغيره فى المصرية فأقرب حاجة ليا هى البنزينة و كمان انا موجود فى الغردقة و مش هاقدر انزل قليوب نهائى

[gta10]

ايه يا جماعة يعنى مافيش حد رد عليا تانى هو مافيش حد غير زيت الفتيس قبل كده ولا ايه

[nice_bird]

الواضح من الكلام ان الفتيس دا لي جهاز شفط خاص مش موجود غير في التوكيل وان اي طريقة اخري مش هتغير غير 6 لتر بس

[gta10]

يعنى انا لو غيرت 6 لتر بس عادى ولا كأنى ماعملتش حاجة

[مصراوي جدا]

بلاش نصعب الأمور ناس كتير جدا بتغير زيت الفتيس من الطبة يعني 6 لتر فقط وطالما العربية في الغردقة وصعب جدا النزول مخصوص للقاهرة يبقى حضرتك غير عندك الزيت وكويس انه الآصلي