زيت فتيس لانسر cvt

[amrstaha]

عندى لانسر 2007 اوتوماتيك (CVT) ورحت مصرية فى قليوب يوم الخميس 13/7/2012 وطلبت تغيير زيت الفتيس ولا حظت الفنى بيستخدم زيت Mobil ATF 320 ولما سألته هل الزيت ده للـ CVT قاللى ايوه ولكن لما روحت وشوفت مواصفات الزيت ده لقيته للأوتوماتيك العادى وان موبيل عندهم أنواع تانى للـ CVT والفاتورة كانت 634.25 جنيه. أكيد أنا ما دفعتش ده كله وعملت المشوار من الهرم لقليوب عشان فى الآخر يحطولى زيت أوتوماتيك عادى أنا هاكلمهم السبت وأشوف ردهم ايه على الكلام ده مع إنى أكدت على موظف الاستقبال انى عايز زيت CVT
بصراحة أنا متضايق جدا من ساعتها وده كده بيشككنى فى أى حاجة الواحد بيعملها فى التوكيل وهو واثق فيهم من غير ما يسمحولك تشوف ايه اللى بيتعمل فى عربيتك

[nice_bird]

زيت الcvt sp iii موجود فعلا لدينا في شركة مصرية في قليوب وجسر السويس ولكن بكميات قليلة وبالتالي يتم اخراجه للعميل بالطلب

سعر اللتر 58 جنيه + 10% ض.م يعني 63.8 جنيه × 9 لتر = 575 جنيه + 55 جنيه تركيب = 630 جنيه

العربية بتاخد 9 لتر علشان بيتم التغيير بجهاز شفط لكامل الزيت اللي في الفتيس مع استخدام لتر منهم كدورة غسيل (فلاش) للفتيس من جوه انما سعة الفتيس 8 لتر كما يقول الكتالوج

اذا تم استخدام طبة الزيت كما يحدث في محطات البنزين العربية بتاخد حوالي 5.5 لتر زيت

طيب انا عندي سوال هوا تغيير الزين الطبة ال 5.5 لتر دا يمشي ولا لازم اغير ال8 لتر كلهم ودا لاني مقدرش اجي مشوار التوكيل لاني من الصعيد (سوهااااااج) وياريت سعر الزيت + الشحن لو طلبتو من مشروع حضرتك

[مصراوي جدا]

طيب بعد اذنكم منين اقدر اجيب الزيت من اسكندريه ؟
وشكرا مقدما

هو المفروض يكون متوفر في كل مراكز الخدمة المعتمدة من التوكيل دايموند والمذكورة في الموضوع المثبت انما اللي اعرف انه عنده اكيد منهم هو مركز المأمون اللي في الازاريطه واللي كان معتمد من مصرية وحاليا معتمد من دايموند

السلام عليكم. انا روحت مصرية امبارح و غيرت زيت الفتيس و زيت الباور و صلحت شويه لمبات فى التابلوه و فعلا الزيت الاصلى سعره 630 جم. و على فكره انا قابلت م. طارق زويل و شكرته على مجهوداته معانا

وشكرا لاعضاء المنتدى الكرام

شرفتنا واهلا وسهلا بكل اعضاء المنتدى

عندى لانسر 2007 اوتوماتيك (CVT) ورحت مصرية فى قليوب يوم الخميس 13/7/2012 وطلبت تغيير زيت الفتيس ولا حظت الفنى بيستخدم زيت Mobil ATF 320 ولما سألته هل الزيت ده للـ CVT قاللى ايوه ولكن لما روحت وشوفت مواصفات الزيت ده لقيته للأوتوماتيك العادى وان موبيل عندهم أنواع تانى للـ CVT والفاتورة كانت 634.25 جنيه. أكيد أنا ما دفعتش ده كله وعملت المشوار من الهرم لقليوب عشان فى الآخر يحطولى زيت أوتوماتيك عادى أنا هاكلمهم السبت وأشوف ردهم ايه على الكلام ده مع إنى أكدت على موظف الاستقبال انى عايز زيت CVT
بصراحة أنا متضايق جدا من ساعتها وده كده بيشككنى فى أى حاجة الواحد بيعملها فى التوكيل وهو واثق فيهم من غير ما يسمحولك تشوف ايه اللى بيتعمل فى عربيتك

باشمهندس عمرو
بعد مراجعة البيانات وامر الشغل والفواتير تم التأكد انه تم تركيب زيت الفتيس الميتسوبيشي الأصلي عندك في العربية وسعره 58 جنيه للتر + الضريبة + المصنعية
انما زيت الموبيل سعره 45 جنيه للتر + الضريبة
فاطمن يا باشمهندس ان الزيت اللي ركب عندك هو الأصلي Mitsubishi Motors CVT SP III

طيب انا عندي سوال هوا تغيير الزين الطبة ال 5.5 لتر دا يمشي ولا لازم اغير ال8 لتر كلهم ودا لاني مقدرش اجي مشوار التوكيل لاني من الصعيد (سوهااااااج) وياريت سعر الزيت + الشحن لو طلبتو من مشروع حضرتك

بالنسبة للشحن اذا كان فيه حد عنده ماكينة شفط زيت يبقى الافضل تاخد 2 جركن 10 لتر بيتم تغيير 8 لتر منهم واستخدام لتر كتنظيف وده اللي بيتم في مصرية ويبقى لتر احتياطي

اما اذا كان التغيير من الطبة في احدى محطات البنزين او لدى احد الورش يبقى جالون واحد خمسة لتر كافي وسعره 300 جنيه
اما الشحن فبيكون حسب الوزن وعموما حدود 60-70 ولمزيد من التفاصيل ارجو الاتصال 01144660665

[amrstaha]

بالفعل ذهبت اليوم للتوكيل وأكد لى مسئول المخزن أنه تم صرف الزيت الصحيح وانه ما كان فى عبوة Mobil ATF320 كان مجرد تكملة وأطمئننت لكلامه والله المستعان
وقد أبدى الجميع هناك بالغ الاهتمام بداية من موظف الاستقبال مرورا بمهندس الورشة حتى مسئول المخزن الذى أرانى عبوة الزيت الأصلى مما طمئننى على توافر الصنف
وقد أكد لى مهندس الورشة أنه من حقى فى المرات المقبلة متابعة قطع الغيار والزيوت التى يتم تغييرها
وختاما أحب أن أوجه الشكر للجميع لتعاونهم

[general842]

أرجو الافاده من البشمهندس طارق زويل جزاه الله خير الجزاء
عندى لنسر بومه 2007 1600 سىسى عامله 60.000 الف كيلو متر. كلاسيك مواصفات الخليج فتيس cvt
الان انا غيرت زيت الفتيس عند ميكانيكى بره التوكيل بزيت موبيل اوتوماتيك atf 320 و العربيه اخدت 5 كيلو زيت بعد ما الميكا نيكى فضى الزيت الفتيس القديم منها و حط زيت موبيل الاوتوماتك atf 320
هل فيه فرق او ضرر هيحصل على الفيس ال cvt لو انا مستخدمتش زيت ال cvt الاصلى
و ازاى اقدر اقيس منسوب زيت الفتيس

[borio1704]

زيت الفتيس ATF SP-III مختلف تماما عن زيت الفتيس الـCVT.

زيت الـSP-III (أو SP-3) مخصص للفتيس الأوتوماتيك التقليدي .. وعمره حوالي 40 ألف كيلومتر.



وشكل العبوة ممكن تختلف حسب بلد المنشأ.

الزيت ده مستخدم على نطاق واسع في سيارات هيونداي وكيا لإن هيونداي منذ بداياتها وهي بتعتمد على تكنولوجيا ميتسوبيشي في تصميم المحركات ونواقل الحركة.





زيت الفتيس الـCVT مواصفته مختلفة تماما .. وبتنزل باسم CVT Fluid-J1 (بيختصروا الاسم كده CVTF-J1).




رجاء التوضيح كيف يتم استخدام زيت SP-III بدلا من CVTF-J1 ؟؟؟؟


...