تغيير زيت فتيس جيتا ٢٠٠٨ هاي لاين

[abomazenelgen]

والله أنا قلقان جداً من توكيل أوتو موتيف
أنا عندى جيتا ٢٠٠٨ خليجي هاي لاين
أنا إتصلت النهاردة بخدمة العملاء وطلبت أحجز موعد علشان أغير زيت الفتيس وبلغته ان السيارة عاملة ٨٠ الف كم
رد على الموظف ان الزيت ده long life ومش بيتغير وانما بيتكشف عليهوبيتم تزويده لو محتاج
وقال لى لو عاوز نغير لك مفيش مشاكل بس العربية لازم تبات
مش عارف مش واثق فى كلامه . . خاصة إن مراكز الخدمة زي أوتوماجد وهانى عصمت قالوا لى المفروض يتغير هو وفلتر الزيت
رجاء المساعدة
ياريت حد ينصحنى اعمل ايه . .
بس أرجو إنه يكون متأكد من نصيحته لأن قيمة الفتيس ٦٦٠٠٠جم وعقل الفتيس لوحده حوالى ١٢٠٠٠جم

[eng_mhosam]

هو فين الناس دى أوتوماجد وهانى عصمت ؟؟؟؟

[abomazenelgen]

هو فين الناس دى أوتوماجد وهانى عصمت ؟؟؟؟

ش الاربعين خلف حديقة بدر - جسر السويس

[mina2210]

الزيت لازم يتغير وما بياخدش اكتر من ساعة شغل ولاي استفسار اتصل بي و انا تحت امرك
01288614446

[TOOLA]

اعتقد ان الأضمن يتغير, و تقريبا اخرو هوا ال80000 ك, يعنى ماتصبرش كتير.

[fadynabil]

يا شباب أنا معايا العربيه عامله ٥٧ ألف .. وناس قالتلي ان تغيير زيت الفتيس علي ٦٠ ألف .. وأعتقد ان التوكيل بيعمل كده ..
وسألت أحمد سمير /هاني عصمت ٫٫ واتقالي يتغير علي ٨٠ ألف .. وميكانيكي تاني خوفني وقالي بلاش تغيره أساساً ،وانه مش هيبقى زي الأول ( بس مش مقتنع بالكلام ده )

وأنا بصراحه هتجنن و مش عارف الصح فين !!

[TOOLA]

المتعارف عليه ان لازم يتغير أحسن (و الكلام ده فى مصر نظرا للأجواء الحارة البتأثر على مواصفات الزيت), الأفضل و الاسلم انك تغيرو على 60,000 ك, بعد الناس و من ضمنهم هانى عصمت بيقول 80000, بس أعتقد ريح دماغك عشان تبقى مرتاح و غيرو على 60000 ك,

[waelw]

يا ريت تقولنا عملت ايه فى التوكيل ؟؟

[eng_mhosam]

حد اتعامل مع مركز اسمه cabrowny فى المعادى

[MohamedT]

والله يا شباب موضوع تغير زيت الفتيس دة فعلا محير وخطير جدا انا معى باسات 1600 اف سىى عامله 84 الف كيلومتر والتوكيل بتاع اتوموتيف قالى نفس الكلام الزيت مش بيتغير وعمرة من عمر الفتيس بس التجربه العمليه لاغلب الناس اللى معاها العربيه بتقول ان المشكل بتحصل فعلا عند 120 الف كيلومتر فمن باب اولى الزيت يتغير عند 80 الف ذى ما المهندس هانى بتاع ش الاربعين بيوصى ولو حد سالنى عن راى الشخصى يبقى لازم نبعد للشركه المصنعه فى المانيا وهى تقولنا بظبط المفروض نعمل اة

[nity]

عن تجربة فى عربية جيتا هاى لاين 2008 بضمان الوكيل كانت معايا وعملت معايا 140 الف كيلو لازم تغير زيت الفتيس وده لازم يكون فى التوكيل لان الزيت المستخدم فى الفتيس بتاع الجيتا هو قلب الفتيس لو مغيرتهوش هتحس بعد ال 100 الف ان سحب العربيه ضعف جدا واستجابة الفتيس هتبقى ضعيفه شوية ناهيك عن انك ممكن تحس بدبة فى الغيارات والكلام ده حصل معايا وانا بقول لازم التوكيل ليه لان لتوكيل الزيت الى عنده اصلى والموجود بره مش اصلى وفعلا العربيه بتبات علشان بعد مبيتحط الزيت مبيدوروش بيصبرو عليها لتانى يوم وبعدين بتتحط على جهاز لظبط الفتيس مش موجود فى اى مكان بره علشان يظبط الفتيس زى الاول والفتيس بتاعك هياخد 4 لتر وسعر اللتر فى التوكيل 500 جنيه والمصنعيه تقريبا 500 جنيه يعنى هتتكلف تقريبا 2500 قبل الضريبه ونصيحه متسمعش كلام حد يقولك بره التوكيل وده سهل لان زى ما انت قولت سعر الفتيس مش رخيص وانا ااكدلك انك هتحس بفرق رهيب بعد لما تغيره اكن العربية لسه زيرو

[kar!m]

خليك مع التوكيل أفضل .. لأن فى الأوبل بيكون فيها زيت اسمه lifetime oil .. و ده فعلا مبيتغيرش.

المفروض المعلومات دي تكون عندك فى الكتالوج .. و تشوف مكتوب انه فى الصيانات بيتغير ولا بيتكشف عليه بس.

[HISHAM80]

هو حضرتك مفروض الزيت يمتغيرش بس نظرا لحصول مشاكل كتيره في الفتيس ده بالذات فالافضل أنك تغيره يعني توكيل اسكودا لازم يتغير على 60000km مع العلم ان الفتيس هو نفسه علي في البا سات والجيتا حضرتك لو قريت في المنتدى هتلاقي مشاكل كتيره نتيجه وجود رايش من الفتيس فحضرتك لازم تغير الزيت و الفلتر

[sshafie]

أبو رواش ولا العبور ال غيرولك الزيت؟

[MohamedT]

انا امبارح رحت توكيل العبور وقالى الزيت مش بيتغير للمواتير الاف سى اى اطلاقا ومش موجود اى تعليمات من المانيا بتغيرة اطلاقا اللى بيتغير عند 60 الف الفتيس الدى اس جى الجديد فقط سالت قولتله اة السبب الفنى قالى الزيت بيتحقن فى درجه حرار 29 ثابته ومكانه معزول تماما عن الاجواء الخارجيه ومش بيتغير اصريت وقولت فى ناس غيرو برة قالى دى مغامرة مش مطلوبه الان الفتيس مفيهوش مشكله لو عندك مشكله هنغير ونكشف دة راى مهندس الاستقبال فادى وراى مدير المهندسين وائل