علاقه زيت الفتيس بالسرعه والسحب

[lord_of_egypt22]

من الطبيعي انالجير بوكس تعتمد سهوله حركه التروس فيه علي نوعيه الزيت ودرجه لزوجته لانه هو الوسط الذي يعمل فيه الناقل فهو المسؤل عن التأكل وارتفاع الحرارةو سهوله او صعوبه الحركه
فهل للزيت علاقه بالسحب والسرعه؟
وما هو افضل زيت للهوندا المانيول 93
وكام ليتر
وليه مفيش مقياس زيت زي الاوتو
دا نقاش ارجوا من زوي الخبرة المشاركه فيه

[ahmedeihab]

يا باشا
علاقه زيت الفتيس المانيوال غير علاقه زيت الفتيس الاتوماتيك
لان زيت الفتيس المانيوال معلهوش حمل زى التانى
زيت الفتيس المانيوال بيبقى تقبل جداااا علشان التروس متتأكلش
و مش بيسخن زى الاتوماتيك
لان الحمل كله على الاسطوانه و الديسك
اما زيت الفتيس الاتوماتيك ( زيت خفيف جدااااا ) و بيبقى
الحمل كله على الحله ( الاربه )
لان الزيت بيلف معاها فى كل نقله و بيبقى الزيت متحضر على طول فى الحله مع نقله كل غيار
مع دوران الحله بيحصل ان الزيت بينقل من الحاره دى للحاره دى بسرعه جداااا مما يؤدى الى سخونه الزيت سخونه بالغه و عملوا حاجه ان الزيت يعدى على الريدياتير علشان ميسخنش
و ده اللى بيحصل فعلا
بس مشكله الزيت الاتوماتيك لما بيسخن جامد العربيه سحبها بيقل جداااااااا جدااااااااااا
و لما بيبقى بارد اتفرج على سحب العربيه
عكس الفتيس المانيوال الزيت لزمته انه يدى سهوله فى النقله من غيار للتانى ما لفه التروس كل ترس على حدا
افضل زيت زيت فالفالين ( روح البنزينه هتلاقيه عارفه )
و المقاس بتاعه على الطبه بتاعه الزيت لحد ما الفتيس يكتفى زيت و يخرج نسبه بسيطه اوى منه ليه بقا اللى اعلم
يارب اكون قدرت اوصل المعلومه على قد معلوماتى
^_^

[lord_of_egypt22]

كلام جميل ومعلومات سهله الفهم
شكرا
لكن السحب ممكن يتأثر في المانيول؟؟؟؟

[ahmedeihab]

كلام جميل ومعلومات سهله الفهم
شكرا
لكن السحب ممكن يتأثر في المانيول؟؟؟؟

الزيت فى المانيوال ملوش علاقه
اللى ليه علاقه فى السحب الاسطوانه
اما لو الزيت وحش
فا هتلاقى الغيار تقيل معاك و المرشدير مش هييجى بسهوله و على طول النقله بتزعااااق
^_^

[SAMEH_FOUAD]

ايمن باشا اية الاخبار

اولا ياباشا وظيفة اى زيت فى اى مكنة لية هدفين ( امتصاص الحرارة الصادرة من الحركة - سهولة الحركة مابين المكونات المحتكة فى المكنة )

اية بقى علاقة الزيت بالسرعة والسحب : اولا لو الزيت لزوجتة خفيفة ووحشة دة معناة ان الزيت فقد خواصة , ومعنى انة فقد خواصة يبقى مش هيقدر يقوم بوظائفة , وبكدة الاحتكاك هيبقى اكتر ومعنى ان الاحتكاك بقى اكتر الحرارة هتزيد وبكدة التروس مش هتعشق مع بعض بسلاسة ودة اللى بيعمل تقل فى السحب وصوت عالى كمان , ولو فضل الحال على كدة هتلاقى فى تأكل لحد مالتروس تفوت او تتكسر

افضل زيت طبعا فية انواع كتير اشهرهم ( موبيل - فالفولين )

الفتيس بتاعك بياخد 2 لتر

لية بقى مافيش مقاس لزيت للمانيوال : لان الفتيس المانيوال مش بيحرق زيت زى الاتوماتيك فبيتغير على فترات بعيدة وممكن يقعد كتير بدون تغيير عشان كدة مافيش منة قلق , فقط فية عندك فتحة لتزويد الزيت وطبة من تحت لتنزيل الزيت

[AHMED_HAMDY]

استاذ ساامح
انا عندي المارشدير احيانا بيبقى بيجي بصعووووووبه قوي وافضل امور وادي ومارشدير علشان يجي
ده كدا زيت وحش ولا ممكن يكون ليها سبب ثاني
وانا لو هغير احط زيت ايه وكام لتر ليا انا بقى نفس lord_of_egypt22 2 لتر برضه

[محمد أنور]

اعتقد افضل زيت هو اللي هوندا منزلاه مخصوص للعربيات الهوندا

[SAMEH_FOUAD]

استاذ ساامح
انا عندي المارشدير احيانا بيبقى بيجي بصعووووووبه قوي وافضل امور وادي ومارشدير علشان يجي
ده كدا زيت وحش ولا ممكن يكون ليها سبب ثاني
وانا لو هغير احط زيت ايه وكام لتر ليا انا بقى نفس lord_of_egypt22 2 لتر برضه

لا دة مش عيب زيت

العيب دة اول حاجة بتعلى الدبرياج شوية وتشوف اية الدنيا

ماعدلش يبقى كدة فية عيب فى التروس , وممكن بردة تعرف انة بيييزعق جامد عند الغيار ولما تيجى ترجع تلاقى صوت المارشدير عالى

اة عندك 2 لتر بردة

[lord_of_egypt22]

ايمن باشا اية الاخبار

اولا ياباشا وظيفة اى زيت فى اى مكنة لية هدفين ( امتصاص الحرارة الصادرة من الحركة - سهولة الحركة مابين المكونات المحتكة فى المكنة )

اية بقى علاقة الزيت بالسرعة والسحب : اولا لو الزيت لزوجتة خفيفة ووحشة دة معناة ان الزيت فقد خواصة , ومعنى انة فقد خواصة يبقى مش هيقدر يقوم بوظائفة , وبكدة الاحتكاك هيبقى اكتر ومعنى ان الاحتكاك بقى اكتر الحرارة هتزيد وبكدة التروس مش هتعشق مع بعض بسلاسة ودة اللى بيعمل تقل فى السحب وصوت عالى كمان , ولو فضل الحال على كدة هتلاقى فى تأكل لحد مالتروس تفوت او تتكسر

افضل زيت طبعا فية انواع كتير اشهرهم ( موبيل - فالفولين )

الفتيس بتاعك بياخد 2 لتر

لية بقى مافيش مقاس لزيت للمانيوال : لان الفتيس المانيوال مش بيحرق زيت زى الاتوماتيك فبيتغير على فترات بعيدة وممكن يقعد كتير بدون تغيير عشان كدة مافيش منة قلق , فقط فية عندك فتحة لتزويد الزيت وطبة من تحت لتنزيل الزيت

وربنا دكتوووووووووووووور
ربنا يخليك لينا يا سمسم
واستفسار صغير
احيانا لما اجيب مرشدير العصايا مش بترضي تاخد الغيار الا لما اطلع سنه حتي لو صغيره جدا لقدام وبعدين الغيار ييجي مع العلم انه ساعات بيجي وبسلاسه جدا
اغير الزيت وخلاص نضافه يعني ولا مالوش لزوم؟

[AHMED_HAMDY]

نفس الحاجه عندي برضه
ثاني حاجه انا اما جيبت المكنه دي غيرت كبالن ده مش بينقص زيت الفتيس
علما بان بعدها بشهر روحت ل واحد بتاع زيت قالي الزيت مضبوط والميكانيي يقولي ازاي ونصه نازل ؟؟
ثاني حاجه انا عندي بيجي مرشدير بس مش للاخر واحيانا من اول مره يجي للاخر ؟؟؟

[SAMEH_FOUAD]

نفس الحاجه عندي برضه
ثاني حاجه انا اما جيبت المكنه دي غيرت كبالن ده مش بينقص زيت الفتيس
علما بان بعدها بشهر روحت ل واحد بتاع زيت قالي الزيت مضبوط والميكانيي يقولي ازاي ونصه نازل ؟؟
ثاني حاجه انا عندي بيجي مرشدير بس مش للاخر واحيانا من اول مره يجي للاخر ؟؟؟

اى فك للكبالن الداخلية بيهدر زيت لازم تحط بدالة ويكون نفس النوع يعنى لو متعود تحط موبيل يبقى تحط موبيل

ممكن يكون كان الزيت زيادة عندك اصلا , لازم لية معيار بيتحدد بية مش بيملى وخلاص

انت الاول ظبط الدبرياج ؟؟؟؟؟ صدقنى لما تظبطة هيظبط معاك كل دة

[AHMED_HAMDY]

طيب لو تسمح يا استاذ سامح ممكن بس تحط صوره ازاي اعلي الديبرياج بس بنفسي لان الميكانيكي كان عرفهالي بس ناسي لو في اي صوره ممكن توضحلي بس

[SAMEH_FOUAD]

لو عايز تلعب فى ارتفاع وانخفاض مستوى الدبرياج يبقى من البدال نفسة بيبقى فية رجلاش تعلية او توطية

[AHMED_HAMDY]

مهو مكان الرجلاش مش عارف اوصله :d