تقرير تغيير زيت فتيس الياريس

[Ahmod]

السلام عليكم ورحمة الله وبركاته

تكملا لموضوع م / عاصم واللى نصح فيه ملاك تويوتا ياريس بضرورة فحص وتغيير زيت الفتيس "الاتوماتيك"

http://www.nilemotors.net/Nile/292852-a.html

طبعا للاسف في كل مراكز الخدمة وعند اغلبية الفتايية !! اقصد الميكانيكينة !

بينصح بتغيير الزيت عند 80.000 كيلو متر ! على الرغم ان المانويل " الكتالوج " بتاع العربية بيوصى بضرورة تغيير الزيت عند 40 الف كيلو متر او 48 شهر ايهما اقرب !

الباشمهندس عاصم نزل الزيت على 80 الف وبيقول نازل اسود وهباب !!

وانا كان بقالي مدة ناوي اغير الزيت نظرا لان كنت احيانا بحس بنتشة في النقلات على السرعات العالية + العربية كانت بتتاخر في ال Kick down !! الى غير انها كانت بتيجي عند سرعة 160 وتقف !!

فموضوع الباشمهندس عاصم شجعني وتوكلت على الله

اولا رحت اشتريت زيت الفتيس الاصلي <<< وانصح اي حد يخليه في الموضوع ويتشري الزيت بتاعها كفايا انه صنع في اليابان و Made By Toyota! ده سعره 250 جنيه 4 لتر !

اشتريته من عند العالمية " موزع قطع غيار معتمد في شارع دمشق " اعتقد برضوا الزيت هتلاقيه عند اي موزع قطع غيار تويوتا يعني مش شرط من شارع دمشق



بعد كدة اشتريت جوان ! لان طالما هنفك الفلتر وننضفه لازم جوان جديد

من هنا لهنا حوالت اجيب الجوان المصري ! نظرا لانه مش مستاهلة جوان اصلي ! بس ملقتش

فجبت الجوان الاصلي بتاعها وده سعره 50 جنيه




بعد كدة حاولت اركبه في اي بنزينة مارضوش !! في البنزينات بيقولو عشان تنضف الفلتر وتفك الكارتيرات لازم ميكانيكي !!

رحت لمركز صيانة جمب البيت عندي بتعامل معاه بقالي مدة

الصانيعي فك مصفة الزيت من تحت ! اول حبة نزلو من المصفى بصراحة كان الزيت مسود !!!

بعد كدة بدا بفك الكارتيرة والجوان

وهوووب راح مطلع الفلتر !! بس بصراحة حبة الزيت اللى نزلو مع الفلتر كان لونه طبيعي ويكاد يكون نفس لون الزيت اللى اتحط !!

لكن هي مش بتتقاس برضوا باللون وبس

نضفنا الفلتر بالبنزين وبعد كدة ركب يا معلم وركب الجوان وكله تمام

نزلنا العربية

والزيت بيتزود من مقياس زيت الفتيس حطينا ال 4 لتر كلهم بالتمام والكمال

للاسف كنت مصور صور اثناء التركيب وشكل الفلتر بس اتمسحت مني بالغلط

عموما بالنسبة للانطباع بعد التركيب :

احساس النقلات مافرقش كتير كذلك وكذلك تسارع العربية الفرق بسيط للاحسن طبعا

لكن النتشة اللى على السرعات العالية راحت كذلك التاخير في ال Kick down مابقاش موجود الحمد لله

وطبعا اهم حاجة ان الحمد لله مشكلة ال 160 اتحلت ودي صورة كدة على السريع ومعلش لانها مش موضحة اوي



ياريت فعلا الناس تاخد بالها من موضوع زيت الفتيس لان فيه ناس كتير للاسف بتركز فقط على زيت الماتور !!

انا شايف انه كواحد سواقته عادية وهادية ينزل الزيت على 60.000 هينزل معاه بدون مشاكل ان شاء الله ومش هيكون محتاج ينزله قبل كدة

اما لو واحد بيحرق كتير فممكن ينزله على 40 او 50 الف على حسب طبيعة سواقته وعلى حسب هو حاسس بمشاكل في النقلات او تقل فيها ولا لاء !!

اما بالنسبة لفلتر زيت الفتيس فهو بيتغير مع التغيرة التانية

وطبعا مش هوصيكم -- Highly recommended انك تحط زيت الفتيس بتاعها !! دون عن اي زيت تاني

[mohammadrashee]

اولا الف مبروك على تغيير الزيت
ثانيا الفتيس مبياخدش 4 لتر ابدا بياخد اقل من كده شوف المانيوال ولا تتهاون في انك تقلل الكميه لأن الزيت الزياده خطر زي قلته بالظبط
ثالثا لازم تقعد فتره تحاول تبص تحت العربيه بعد ما تطلع عشان تشوف في تسريب ولا لأ
ودلوقتي اقدر اقولك متبعش العربيه لأن الحمد لله جابت 160 الحمد لله

[me_medoo]

ََََََََََََ

أحمد باشا الف الف مبروك يا باشا
على تغير الزيت الفتيس وتقرير رائع ... وهيا شركة العالمية شركة محترمة ... وحاجتهم نضيفة ... بس انا أعتقد ياباشا أن الزيت ده صناعتوا أمراتي مش ياباني . هو لو ياباني يبقى في الجون ... بس عامةً كل زيت من زيوت تويوتا ممتاز .

ًًًًًًًًًً

أنا ناوي أنشاء الله أغير زيت المتور ومحتار في فلفين ولا كاستروا ولا لوكي مولي ... بس وحياتك بسم الله مشاء الله تويوتا تويوتا ... حتى لو حطينا فيها زيت عباد الشمس كريستال ولا زيت جنة أو عافية ولا حتى محطناش زيت خالص وحطينلها حتت زبدة أو معلقة سمنة هههههههه .
بسم الله مشاء الله ... تسلم أيدك ياباشا
وتقرير رائع . وربنا يباركلك فيها يارب ويكفيك ويحميك من شر الطريق .

@@@@@@@@

[S O P H O S]

الف مبروك
علي تغير الزيت يا دكتور

[swimmer25]

يا خبر 4 لتر ازاي...دي بتاخد 2.5 لتر بس

[swimmer25]

شوف المشاركة دي لمعرفة طريقة قياس مستوي زيت الفتيس

http://www.nilemotors.net/Nile/285641-160-2.html#post3874275530

[S O P H O S]

طب لو كده يبقي لازم الزيت الزيادة ينزل تجنب اي ضرر
ياريت تاخد بالك من الموضوع ده يا ابو حميد ...

[Dr_Life]

ارجوا المساعدة

انا عربيتى يارس و عايزة اغير زيت الفتيس اوتوماتيك مش عارفة اغيره فين ارجو المسااااااااااااااااعدة

[mohammadrashee]

انا عربيتى يارس و عايزة اغير زيت الفتيس اوتوماتيك مش عارفة اغيره فين ارجو المسااااااااااااااااعدة

عربيتك عامله كام الف وحضرتك ساكن فين

[Ahmod]

انا عربيتى يارس و عايزة اغير زيت الفتيس اوتوماتيك مش عارفة اغيره فين ارجو المسااااااااااااااااعدة

بعد قراية كتير في الموضوع ده اكتشفت ان الياريس مش محتاجة تغير زيت الفتيس - تحت ظروف القيادة العادية -

وان الزيت اللى فيها Life long

[mohammadrashee]

بعد قراية كتير في الموضوع ده اكتشفت ان الياريس مش محتاجة تغير زيت الفتيس - تحت ظروف القيادة العادية -

وان الزيت اللى فيها Life long

أزيك يا احمد
الزيت ﻻزم يتغير بس مش كتير زي العربيات التانيه يعني كل 60 او 80 الف في اﻻول واقل كن كده بعد كده مع تغيير الفلتر
وفي نفس الوقت مش life time زي البي ام

[Ahmod]

أزيك يا احمد
الزيت ﻻزم يتغير بس مش كتير زي العربيات التانيه يعني كل 60 او 80 الف في اﻻول واقل كن كده بعد كده مع تغيير الفلتر
وفي نفس الوقت مش life time زي البي ام

لا Life long وده مش بس مكتوب في الكتالوج !! ؟ لا ده كمان مكتوب على مقياس زيت الفتيس اللى في حوض الماتور

لو فتحته تبص عليه هتلاقي مكتوب بالبولد

No need to change automatic transmission fluids under normal driving conditions

الكتالوج بيوصي بتغيره كل 80 الاف لحالات معينة فقط :

واحد مثلا بيحرق على العربية كتيير وبيمشي كتير على سرعات عالية
واحد بيستخدم العربية في قطر عربيات تانية

اما السواقة العادية مش محتاج

[Dr_Life]

انا متشكرة جدا للاهتمام طيب هوه انا ممكن اكشف على زيت الفتيس و اطمن مثلا؟؟؟

[Ahmod]

انا متشكرة جدا للاهتمام طيب هوه انا ممكن اكشف على زيت الفتيس و اطمن مثلا؟؟؟

ليه مقياس عامل زي مقياس زيت الماتور

ممكن تخرجيه من حوض الماتور وتكشفي على الزيت

بس هو ليه طريقة معينة انا مش فاكرها بالظبط بصراحة !! ؟

اعتقد لازم الاول تحركي الفتيس على جميع الغيارات وبعدين تخرجي المقياس عشان يديلك القراية الصحيحة

[asemx1]

ياااه انا سايب علامه فى المنتدى بس بصراحه فى بعض النفوس مش تمام هنا كل ما انزل موضوع تحصل حاجه
يلا الحمدلله
ثانيا
نصيحه غير الزيت افضل ماتغير فتييس