تقرير مصور عن تغيير زيت الفتيس والفلتر لنيسان صني 2007 خارج التوكيل

[ahmedamgad18]

الف شكر لحضرتك على هذا الموضوع القيم ... بس لى سؤال ... الفتيس عندك طبعا اتوماتيك ؟
عشان انا معايا صنى 2008 بس مانيوال وكنت ناوى اغير لها زيت الفتيس ؟

[Silent~Dream]

شكرا لنقل التجربه

[bRo]

تقرير رائع يستاهل مليون تحية

[هيثم عابدين]

السلام عليكم
أنا لِسَّه مغير زيت الفتيس الاوتوماتيك للمره التالته و كمان فكينا الكارتيره و نضفنا الفلتر الاول بالكمبريسور و بعد كده بعلبه زيت باور رخيص بعشره جنيه بدل البنزين اللي نصحوني بلاش عشان ممكن يسبب تاكل الفلتر
الزيت المستخدم Transmissions junk automatic علبه صفرا أمريكي حوالي لتر الا حاجه بسيطه و ألعربيه حدت طبعا خمس علب العابه بعد الاكراميه 75 جنيه وبصراحة. الزيت ممتاز و ألعربيه رجعت تمام الحمد لله

[MOSTAFA2410]

ماشاء الله تقرير هايل وشجعنى اغير الزيت بنفسى
شكر وتقدير لجميع الزملاء بالموقع لنقل تجاربهم الينا .

[sherif010]

موضوع ممتاز

[juba8]

شكرا على الصور و الشرح

[ahmed313]

عايز اغير زيت الفتيس
انا اشتريت العربية مستعملة من سنة و عاملة ١١١ الف كم
اشتريتها من وسيط
معرفش المالك و لا اعرف اذا كان غيره من الاساس او لا
و لو غيره قبل كدا هل غيره من اى نوع
و شفت موضوع ممثال على هئه اللينكات فعمل لبث معى

http://www.nilemotors.net/Nile/380750-a.html

http://www.nilemotors.net/Nile/375416-a.html

كلمت السبع اسألهم فجعلوا مهندس من نيسان يتصل بى و للاسف واضح انه مش فاهم اى شئ و لا مستوعب اللى بقوله و غالبا هو مش بيقدر يفرق بين انواع الزيوت لما سألته هل الافضل انزل الزيت من الكرتيرة و لا انزله شفط و هل استخدم زيت تخليقى كامل و لا نصف تخليقى و لم اصل معه لنتيجة و كان ملخص كلامى معه انى اذهب بالسيارة لتوكيل السبع للصيانه


المهم
انا كنت اتصلت بمهندس اعرفه من وولف للزيوت
و رشح لى زيت تخليقى كامل سعر اللتر ١٥٠ جنيه
و كمان كنت عنلت مشاركة على صفحتهم على فيس فأدمن الصفحة رشح لى زيت نصف تخليقى و لما كتبت له ان على التليفون رشحوا لى التخليقى الكامل فتراجع و قال انه هو الافضل


المشكلة حاليا
ان انا معرش نوع الزيت الموجود فى الفتيس حاليا
و غالبا مش هينزل كله
و اى صنف جديد هحطه هيفصل مع بقايا الزيت القديم

هل اشترى من وولف
و لو هشترى من وولف هل اشترى النصف تخليقى و لا التخليقى الكامل
و هل انزل الزيت القديم من الكارتيرة و لا شفط عشان اضمن نزول اكبر كم من الزيت القديم


و هل المفروض هستخدم كم لتر
و لا استخدم غيار و انزله و ارجع اغيره تانى