الميكانيكى غيرلى زيت الفتيس من 90 الى 140

[benmatar]

وياترى اشترى منين شحم للفيتيس واحطة بعد اول لتر من الزيت ولا فى الاخر وشكرا

أنبوبة ليكوي مولي دي تلاقيها عند أي موزع لمنتجاتهم وزيوتهم، شارع دمشق فيها موزع وشارع فيصل والدقي ومدينة نصر الحي السادس واكتوبر والعاشر والمعادي. وغيرهم
والمادة لونها رمادي ومش تقيلة زي الشحم بس لها لزوجة عالية جدا وحجمها زي اتبوبة معجون الاسنان. اللي عملته إني لما جبت زيت فيتيس موبيل فتحت عبوة من التلاتة وفضيت الانبوبة فيها ورجيتها، وحطيت 3 عبوات زيت موبيل إلا ربع (2.7 لتر) وقفلت طبة سلك السرعة اللي بنحط فيه زيت الفيتيس، وتوكلت على الله ومشيت بيها والفرق هتحسه لما تمشي مشوارين تلاتة طوال.

[أحمد جودة]

بالنسبة للزيت
90 مناسب للفليشيا أكتر من الـ 140
الزيت الـ 140 بيتحط لعربيات النقل والنقل التقيل
سألت مرة ميكانيكي على زيت الـ 140 قالي بيتحط فى حالة واحدة بس لو حالة الفتيس تعبانة
وأعتقد الزيت مالوش علاقة بالصوت لاني حطيط 140 فى مرة وكان الصوت العادي بتاع العربية

[EngAhmedSayed]

انا كل اللى اقدر اقوله لسياتك
التزم بالكتالوج و موصفات العربية

[Amr_Azab]

بالنسبة للزيت
90 مناسب للفليشيا أكتر من الـ 140
الزيت الـ 140 بيتحط لعربيات النقل والنقل التقيل
سألت مرة ميكانيكي على زيت الـ 140 قالي بيتحط فى حالة واحدة بس لو حالة الفتيس تعبانة
وأعتقد الزيت مالوش علاقة بالصوت لاني حطيط 140 فى مرة وكان الصوت العادي بتاع العربية

+1111
كلام مظبوط جدا
عربيتك تحطلها 75w90 موبيل عامل دلوقتي 88 جنيه 3 لتر تقريبا
لكن 140 ده لعربيات النقل ويمكن يستخدم في الملاكي لو الفتيس فيه عيب أو صوت وعايز تتلافاه غير كده حتلاقي الغيارات تقيلة جدا معاك

[aw2100]

السلام عليكم
من يومين غيرت طقم الدبرياج وكنت جايب الساكس على 500 جنية المهم العربية سحبها بقا كويس ولكن لحظيت الاتى
صوتها بقى غريب كل مدوس بنزين بحس انى مركب تربو فى العربية او راكب عربية نص نقل
النقلات بقت تقيلة
كنت ماشى على الطريق السريع وجايب بيها سرعة 120 لكن كان صوتها عالى جدا جدا

اكتشفت ان الميكانيكى غيرى زيت الفتيس من 90 الى 140 وقالى دة المناسب للعربية بتاعتك. مش عارف هو مأثر فى العربية ولا دية تهيئات منى

زيت الفتيس 140 ده بيبوظ فتيس الفليشيا وبيحرق مجموعة تروس الخامس لانها اعلى حاجة فى الفتيس والزيت ده تقيل فمبيوصلش لمجموعة الخامس فبتتحرق يريت تغيره فورا وانصحك تحط زيت شل 90/80 افضل بالنسبة للصوت العالى من الواضح ان الميكانيكى كسر حاجة فى الجاكمان وهو بيشتغل وعلشان كده بتحس صوت التيربو ده من الجكمان والزيت 140 ده بيتحط فى الفتيس العادى للعربيات الفيات القديمة واللادا والكارونة بتاعت العربيات الدفع الخلفى انا كنت بحطه فى ال128 طبيعى ومرة حطيت غلط زيت 90 وخلى الفتيس بتعها خشن قوى ونزلته وحطيت ال 140 ومبروك على طقم الدبرياج !!!

السلام عليكم ورحمة الله وبركاته
اعتذر عن دخولى على موضوع حضرتك بس عشان انا جديدة فى المنتدى معرفتش اوصل للمواضيع وكمان يمكن الموضوع له علاقة
العربية انا جايباها مستعملة طبعا فيورا 127 موديل 85 وطبعا دى اول تجربة ليه
بس هى بتنزل زيت والمياكنيكى العفشة قال ده من الفتيس وغير كاوتشه كده بصراحة معرفش اسمها ايه وبعدين لقيتها بتنزل تانى رجعت له قال محتاجة اونسيل جيبناه وركبها وزود الزيت وع ذلك لسه بتنزل زيت وقالى لو فضلت تنزل يبقى الزيت بيقع من الكارتيرة
عايزة نصيحتكم هل فى مشكلة لو مشيت بيها كده ولو كان من الكارتيرة دى اعرف منين وبعدين هو انا هقعد اجرب كل الاماكن اللى ممكن يقع منها زيت ولا اعمل ايه
وشكرا و اسفة مرة تانية لصاحب الموضوع

مبروك على العربية انصحك تروحى لميكانيكى فاهم وعموما الزيت اللى بينزل ده لو من الفتيس محتاج كاوتشات زيت وليها 3 مقاسات لازم الميكانيكى يفك الأكس ويجيب نفس مقاسه ولو ركبت اى مقاس تانى حيخر برضة ولو الزيت من الموتور يبقى محتاج جوانات للكارتيرة ورداخ البنزين وممكن يكون فية اويل سيل الكرنك بيخر نقص الزيت خطير ياريت تشوفى الموضوع ده بسرعة !!

[tameromarw]

عايز اضيف حاجه اوصلت اليها وشبه متأكد منها وهي
ان زيت الفتيس في منه احادي اللزوجه مثلا 90
فلو عربيتك زيرو هيبقي ممتاز احادي اللزوجه 85/90
لو عربيتك قديمة شوية ومش هتعرف تحدد حالة الفتيس يبقي زيت متعدد اللزوجه
وعلي سبيل المثال موبيل 85/140 وده بيعطي للفتيس درجة اللزوجه المطلوبة
بمعني لو فتيسك محتاج درجة لزوجه 85 هيكون كويس ولو الفتيس حالته تعبانه شوية ومحتاج لزوجه 140 فهو مصمم لكده من 85 لزوجه الي 140 لزوجه فهو مناسب للفتيس بجميع حالاته

ممكن واحد جرب ال140 لزوجه وبيقول تقيل وعمل مشاكل هرد عليه انك اشتريت موبيل او شيل جركن مغلق ولا رحت عند محل او بنزينة وبالطرمبة وعبي وانت لا تعلم ايه نوع الزيت ده ولا درجة اللزوجه بتاعته ..
فبلاش بشكل نهائي تزويد زيت الفتيس عند المحلات العادية للزيوت واللي بيزودو بالطرمبه البرتقالي لان معظمهم الا القليل غشاشين وبيحطوا زيت من اردأ الزيون وممكن زيت قديم علي شحم
ولو سألته عن درجه اللزوجه هيجابوك اي كلام وهيريحك بالدرجه اللي انت عاوزها وكله غش والزبون يدفع ومع السلامه
الخلاصه .. زيت الفتيس لازم جركن مغلق موبيل او شيل او اي نوع محترم

كنت عايز اغير زيت الفتيس وبعد البحث وصلت للكلام السابق
واشتريت موبيل 85/140 متعدد اللزوجه ب93ج 4 لتر

[adiaa222]

انا قلت اكمل التجربة بقالى كام يوم مبقتش احس بتقل فى النقلات وزى ما فى ناس قلتلى استنى تمشى بيها 500 كيلو عشان تحكم وخصوصا احنا فى الصيف والزيت اكيد لزوجتة هتقل وفعل حصل دة وبشكر كل من ساهم فى الموضوع.
بس فى استفسار عندى الار بى ام على الشرطة اللى بعد الصفر تقريبا اكيد المقصود بيها 5 هو كدة السلانسية واطى ولو كدة هو هياثر معايا فى اية بالظبط؟ وشكرا

[أحمد جودة]

السلام عليكم ورحمة الله وبركاته
اعتذر عن دخولى على موضوع حضرتك بس عشان انا جديدة فى المنتدى معرفتش اوصل للمواضيع وكمان يمكن الموضوع له علاقة
العربية انا جايباها مستعملة طبعا فيورا 127 موديل 85 وطبعا دى اول تجربة ليه
بس هى بتنزل زيت والمياكنيكى العفشة قال ده من الفتيس وغير كاوتشه كده بصراحة معرفش اسمها ايه وبعدين لقيتها بتنزل تانى رجعت له قال محتاجة اونسيل جيبناه وركبها وزود الزيت وع ذلك لسه بتنزل زيت وقالى لو فضلت تنزل يبقى الزيت بيقع من الكارتيرة
عايزة نصيحتكم هل فى مشكلة لو مشيت بيها كده ولو كان من الكارتيرة دى اعرف منين وبعدين هو انا هقعد اجرب كل الاماكن اللى ممكن يقع منها زيت ولا اعمل ايه
وشكرا و اسفة مرة تانية لصاحب الموضوع

أولا لو التنقيط من الفتيس اكيد هيبقي فيه مشكلة حتي لو لم تظهر بعد هتلاقي الفتيس بقي تقيل والغيارات بتيجي بصعوبة وصوت الفتيس عالي
لو مش من الفتيس تابعي مقاس الزيت أول بأول

أول حاجة لازم تغيرها بعد الكلام دة هوة الميكانيكي نفسه

اتعاملي مع واحد تاني المفروض حضرتك تغسلي عفشة العربية من اسفل وتمشي مشوار وتروحي لميكانيكي تاني هيقدر يحدد الزيت بيجي منين بالظبط

بدل مايغير اى حاجة يشك فيها ومصنعيات وقطع غيار وكل دة على الفاضي ويسيب المكان الحقيقي اللى بينقط الزيت

تحياتي لحضرتك

[أحمد جودة]

دي معلوماتي عن زيت الفتيس

أولا بالنسبة للزيت لزوجة 140 أنا حطيط منه للفتيس كان اتخبط ولحمته وملقتش 90
اضطريت احط 140 وكنا فى الشتا

ومحستش بأى فرق بينه وبين 90

بس بعد فترة غيرت لـــ 90 تاني

وحطيط 90 نوع شل أحمر الجركن بـــ 25 جنية لتر واحد

الفتيس أخد بالظبط 3 جراكن بــ 3 لتر بـــ 75 جنية

وأنا غيرت أحسن من السايب وكمان علشان عندي حالة الفغتيس كويسة مش محتاج لزوجة 140

علشان ميكانيكي قاللي لو حالة الفتيس تعبانة يفضل تحط الــ 140
بس يفضل طبعا يكون ماركة محترمة

تقبل تحياتي