تغيير زيت الفتيس

[bmya]

السلام عليكم ورحمه الله وبركاته
انا عامل حاليا 75000 وهغير زيت الفتيس قريب ان شاء الله عاوز اعرف بقه ايه افضل كطريقه تغير للزيت يعني افك الطبه ولا اشفط الزيت
سمعت ان الشفط بينزل الزيت كله اما فك الطبه مش بينزل كله ياترى ده صح ولا ايه

[mohamed_rhem]

خلي الحركات ده للتوكيل يا شريف

ثمن الزيت زي برا

المصنعية 50 جنيه

انا غيرت الزيت برضه عند ال 75 الف كم بس انا مانيوال

معرفش عندك هيغير فلتر ولا ايه عموما خليك مع التوكيل

[bmya]

للاسف يا محمد انا مقاطع التوكيل من صيانه ال 25 الف :) ومش هضرب مشوار للعبور ولا ابو رواش مخصوص عشان اغير زيت الفتيس وهو اصلا مش حوار انا بس عاوزز اعرف افضل طريقه للتغير الشفط ولا فك الطبه

[mohamed_rhem]

والله يا شريف معنديش فكرة انا سبتلهم العربية واقعدت فوق

كانت صيانة ال 80 الف عملتها عند ال 75

غيرت زيت فرامل وفتيس ومياه تبريد وسير المجموعه وفلتر هواء

البوجيهات قالولي مش موجوده وماشي عليها اهوه

المصنعيات كانت 50 جنيه لكل بند واخدت خصم في الاخر بتاع شهر ابريل

بس اعتقد عادي حتي لو مروحتش الضمان من حقك تغير اللي انت عايزه عندهم مهي عربيتهم

[bmya]

اه منا عارف اني ممكن اعملها عندهم بسالفكره اني مش هضرب المشوار مخصوص عشان اغير الزيت للفتيس
انا برده غيرت مياه التبريد والسير والتيل لخلفي والبوجيهات عامل بها حاليا 12 الف كنت جايبها ngk من شركه التوفيق وهغيرها ان شاء على 15 الف كده فاضلي زيت فرامل و زيت فتيس بس المشكله اني سمعت ان في طريقه احسن من طريقه انا اعتقد ان فك الطبه افضل لو العربيه راكنه فتره على اساس الزيت هيبقى راكد فيها

[أبو عبدالله]

فك الطبة يا شريف ونزل الزيت وبس
سخن العربية او بعد ما تيجي من مشوار وقفها على ارض مستوية فتره حوالي 15 دقيقة
وبعدين فك ونزل الزيت

[bmya]

ابو عبد الله جبتلي من الاخر راس البر بتسلم عليك بس الطريق الدولي بقه زباااااااااااااااااااااااااااااااااااااااااااااااا اااااااااااله

[khaledshaheen]

فط الطبة أحسن من الشفط لأن بالعكس الشفط مش بينزل الزيت كله أما فك الطبة بينزل كل حاجة شريطة أن تقف على أرض مستوية بس ياترى حتجيب زيت فتيس وفرامل نوعهم إييييييييه ؟ شوف وقولنا بقه

[bmya]

شكرا يا استاذ خالد على رد انا بالنسبه للفتيس محتار اجيب زيت تويوتا ولا جايب موبيل ولا اجرب حاجه من الزيت الجديد زي ليكوي مولي وجاسترول وفالفولين

[khaledshaheen]

أنا مؤخرا حطيت زيت بيزول الألمانى الأخضر وعلى فكرة هو كويس جدا لغاية دلوقتى وطى صوت الموتور بمقدار جيد ولكن إستهلاك البنزين ماحسيتش بفرق كبير وبفكر أجيب من عندهم زيت الفتيس ومنظف الإنجيكشن حشوف سعرهم كام وحقول لحضرتك