استفسار عاجل بخصوص زيت الفتيس

[MEMOAHMED14]

معايا لانوس 2007
من اربع أيام بالضبط كنت بضبط كام حاجة فى العربية عشان مسافر مطروح إن شاء الله فجر السبت..
المهم روحت لبتاع الزيت وقلتله شيك على زيت الفتيس وزيت الماتور لسه ميعاده مجاش..
الراجل زود ربع كيلو زيت فتيس الاول وبعدين زود ربع تانى وبص تحت العربية لاقها جابت زيت وقالى الربع التانى ده كان زيادة عشان كده نزل من تحت...
مشيت من عنده وروحت وتانى يوم اكتشفت ان العربية تحتها زيت واليومين اللى فاتوا كل ما امشى الاقى بقعة زيت تحتيها مرة صغيرة ومرة كبيرة...
ارجو الرد والاطمئنان من الزملاء والخبراء عشان انا مسافر خلاص بكره فجر السبت ...
ياريت الرد ...اطمن كده وامشى ولا ايه ... وشكراااا وعيد سعيد للمنتدى الغالى ..

[blazer]

اتاكد انه ربط كويس على مسامير القياس

[Ahmed Amin]

هوا زود زيت الفتيس من فوق ولا من تحت ؟

[aldesha989]

اتاكد ام مقاس الزيت مظبوط ولو مظبوط يبقى تتأكد من زيت الفتيس وما تمشيش فى كلتا الاحوال بيها لانك يا هتحرق الفتيس يا هتدمر الماتور

[MEMOAHMED14]

هو زود الفتيس من فوق وبعدين ازاى ممشيش بيها

[mero100]

فتيس اللانوس فيه طبه لقياس منسوب الزيت تحت في الفتيس بجوار العجله الشمال ... تأكد انها مربوطه كويس .

انزل تحت العربيه و شوف تسريب الزيت منين ... هل من جوان الكارتيره و لا مصدره ايه؟


راجع علي الطبه اللي فوق اللي بيتحط منها زيت الفتيس .


طبعا متسافرش بالعربيه الا لما تعرف مصدر الزيت منين ... و تعالجه ... و تتأكد هل ده زيت فتيس و لا زيت موتور ...اهم حاجه انك تعمل الموضوع ده لانه مهم جدا جدا ... و خطر السفر بالعربيه و فيها زيت بيسرب .

و ان شاء الله تطلع حاجه بسيطه .

(الصور اللي في المشاركه منقوله من الزميل / عصام غنايم )

[Mohamed ELOoL]

والله يا باشا حصل معايا نفس الي حصل معاك بظبط بس انا لما غيرت طقم دبرياج و زودت زيت

غيرت اولسيه كبالن و غيرت جوان كارتيرة و برده مافيش فايدة ( لغاية مازهئت و بقيت بمشي بيها كدة و بزوده كل فترة )

.................................................. .................................................. .................................................. .............................................

العيب علي فكرة فيه اولسيه ب10 جنيه في الفتيس مكانه تحت البطارية علي طول و لازم يتحل الفتيس عشان تتعمل

[Ahmed Amin]

صح عيب التسريب في الغالب بيكون من ال oil seal بتاع الفتيس, زي ما أستاذ محمد قال’’
وأنا عشان كدا سألتك هوا زود من فوق ولا من تحت, عشان لو مزودش من تحت يبقي مش مشكلة طبة لأن في ناس بتزود من تحت بطريقة بدائية كدا,

وأنت طالما زود لك من فوق, ومفكش حاجة تحت, يبقي الموضوع مش موضوع طبة, وفي الغالب الأويل سيل. وهوا تغيرة مقرف بس لازم تغيره لو فضلت تسرب معاك,,

وراجع برضع علي الطبة, ممكن يكون الزيت كان ناقص عندك, ولما زودو وبقي مظبوط بقي يهرب من الطبة,
لو مش من الطبة يبقي تبص عال الأويل سيل.

[MEMOAHMED14]

ياجماعة النهاردة حصل معايا الاتى:
روحت بعد الصلاة مشوار صغير كده بالعربية ورجعت عالطول على الساعة 2
نزلت بعد ساعة ابص تحت العربية لقيت بقعة زيت بس صغيرة اوى قرب العجلة الشمال عكس حجم البقع اللى كانوا موجودين اليومين اللى فاتوا ...
كلمت الميكانيكى اللى بتعامل معاه وحكتلوا قالى الزيت ده كان الزيادة اللى حطها الراجل وهو بيزود وكانوا بينزلوا وطمنى وقالى سافر وإن شاء الله مفيش حاجة....

[Mohamed ELOoL]

صح عيب التسريب في الغالب بيكون من ال oil seal بتاع الفتيس, زي ما أستاذ محمد قال’’
وأنا عشان كدا سألتك هوا زود من فوق ولا من تحت, عشان لو مزودش من تحت يبقي مش مشكلة طبة لأن في ناس بتزود من تحت بطريقة بدائية كدا,

وأنت طالما زود لك من فوق, ومفكش حاجة تحت, يبقي الموضوع مش موضوع طبة, وفي الغالب الأويل سيل. وهوا تغيرة مقرف بس لازم تغيره لو فضلت تسرب معاك,,

وراجع برضع علي الطبة, ممكن يكون الزيت كان ناقص عندك, ولما زودو وبقي مظبوط بقي يهرب من الطبة,
لو مش من الطبة يبقي تبص عال الأويل سيل.

هو لو غسل الموتور او من غير مايغسله حتي .... و ركز علي الفتيس من فوق بعد مشوار هيلاقي الزيت جي من فوق لتحت من عند الاويل