ضروره تغيير زيت الفتيس

[harshofa]

كتير من الناس ماتعرفش الموضوع دا وحبيت اكتبه علشان المفتيين كتير حتى فى بعض مراكز الخدمه.
تغيير زيت الفتيس هل هو ضرورى ولا لأ؟
زيت الفتيس ضرورى جدا تغييره للحفاظ على الجيربوكس وتغييره بيختلف من عربيه للتانيه لكن متوسط زمن تغييره 50,000 كيلو.
طيب ....ايه الللى بيحصل علشان نغيره؟
بتلاقى عضه فى النقلات فى بعض الحالات والبعض الاخر الفتيس بيرجع بعد مابتديله النقله وفى بعض الحالات بياخد نقله بعد مابيرجع.
الفتيس بيبقى مش مضبوط فى الحالات دى وممكن يكون تلف لاقدر الله وممكن يكون لسه بيشاور نفسه فلابد نلحقه ونغير الزيت.
الحاجات دى بتحصل كلها نتيجه وجود جزيئات صغيره من حديد الفتيس تاكلت مع مرور الوقت والجزيئات دى بدات تاخد مكان الزيت مع كل نقله فتاثر على النقلات وتقصر من عمر الفتيس.
وانا قريت كتير فى مواقع عربى واجنبي عن الموضوع دا .....
واللى عايز يقرا عنه مفيش مانع ودا موقع من المواقع دى:
Tip! Oil servicing gearboxes
هل فيه انواع مختلفه من الزيوت؟
طبعا كل عربيه ليها نوع معين على حسب درجه لزوجه ومواصفات الزيت نفسه.والاوتوماتيك غير المانيوال.
وربنا يوفق الجميع
ويحميكوا من الشر.
والسلام عليكم ورحمه الله وبركاته

[saddam]

صديقي المواطن
كلام في مجمله سليم ومن المهم جدا تغيير زيوت الفتيس والكورونة حتى عند شراء سيارة مستعملة ولكن هناك أخطاء شائعة وهي وضع زيت 140 في السيارات الملاكي اللي بتاخد 90 مثلا وده بيدمر العربية
وبالتوفيق وإلى اﻷمام
ودمتم للنضال

[harshofa]

صديقي المواطن
كلام في مجمله سليم ومن المهم جدا تغيير زيوت الفتيس والكورونة حتى عند شراء سيارة مستعملة ولكن هناك أخطاء شائعة وهي وضع زيت 140 في السيارات الملاكي اللي بتاخد 90 مثلا وده بيدمر العربية
وبالتوفيق وإلى اﻷمام
ودمتم للنضال

كلامك مضبوط وانت اكيد قريت اللى انا كاتبه وهوان كل نوع عربيه له زيت معين والمانيوال غير الاوتوماتيك

[gmslem]

كلام رائع و شكراااا لكم

من فضلكم ما افضل زيت فتيس للفيرنا مانيوال ؟؟؟

[exact]

من اهم الارقام المهملة في زيت الفتيس غير اللزوجة هو الكود بتاعه GL كام؟؟؟.... هو اغلب المتوفر للملاكي GL4 or GL5 والاتنين لا يمكن تبديلهم مكان بعضهم لأن رقم 5 غير مناسب للفتايس اللي فيها نحاس

[AHMED ROUSHDY]

انا معايا اوبترا عايز اعرف نوع زيت الفتيس الى مناسب ليها واغيره فين وانا عامل 90000ك هل لازم اغيره ولا لا ارجو الافاده مع الشكر

[fosta123]

لأو فتيس أوتوماتيك أنصح :
1- فالفولين ماكس لايف Valvoline Max life ATF - أعلي زيت في المواصفات . 90 جنية الكيلو .
2- ليكوي مولي توب تك 1200 LiquiMoly TopTec ATF - زيت تخليقي 80 جنية الكيلو أو 385 جنيه جركن 5 لتر .
3- ليكوي مولي توب تك 1100 LiquiMoly TopTec ATF - زيت تخليقي 40جنية الكيلو أقل في المواصفات من الـ1200 ولكن أحسن من أي زيت محلي .
والبعد عن موبيل وشل وأي زيت ATF محلي .
أما في حالة الفتيس المانوال :
بأي زيت تخليقي GL4 - GL5 لزوجات 75w90 أو 80w90 وموجود منه ليكوي مولي وفالفولين

[Karim_Monir]

زيوت ليكوي مولي لا انصح بها اطلالقا في مصر عن سابق تجربة وكمان زميلنا دكتور مصطفي عياد الشهر بفورميلاتور كاتب عنها تقرير زي الزفت برضه في الفتيس

عن تجربة وممتازة انصح بوولف البلجيكية وتجيبها من توكيلهم ويغيرهالك بنفه ويدلوك علي اللزوجة المناسبة لعربيتك واقف في المركز مهندسين مش بياع مش فاهم ويقولك خد ده حلو وممتاز وهو مش مناسب لعربيتك اصلا
رقم وولف 19728 ومكانهم في الحي السادس
وعندهم امكانية الكشف عن الزيوت كمان وصلاحياتها مش مقاس بس
https://www.facebook.com/NileMotors#!/WolfLubeEgypt

[م.محمد خاطر]

تسلم علي المشاركة والله بس حبيت حد يقولي هل محتاج اغير زيت الفتيس اول ما احس بالعضعضة دي او مشكلة ان النقلة الاقل بتعلق فترة ولا بعدد الكيلوات فقط مع العلم ان عربيتي ماروتي 2009

[MHussein]

عندي فيرنا أوتوماتيك 2011 - عاملة 43000 - سعر لتر زيت الفتيس العادي تقريباً بكام

[ALshahba]

عندي فيرنا أوتوماتيك 2011 - عاملة 43000 - سعر لتر زيت الفتيس العادي تقريباً بكام

العادي الاحمر = 5 ج للتر الواحد
لا انصح به

[ahmedrezk79]

انا عندى عربيه اوتوماتيك فتيس cvt, وحصلتلى مشكله ف الفتيس بتاعها ونزل الزيت بتاع الفتيس كله - وماكنش معايا فلوس احط بيها زيت ال cvt لانه مكلف, راح الميكانيكى حطيلى زيت اوتوماتيك عادى وقالى مافيش مشكله لو انا مشيت بالزيت العادى 2000 كيلو او اقل!! ها الكلام ده صحيح ولا فعلا ف مشكله؟

[osamalatef]

عندى شاهين 2004 لسة شاريها مستعملة و زيت الفتيس بتاعها لم يتم تغييرة حتى الان من الزيرو ( زيت الفبريكة ) اى منذ 10 سنوات و فعلا ملاحظ عضة فى النقل بس العضة بتبقة باينة اوى لمة العربية بتبقى باردة و لما تسخن العضة تروح هل لازم اغيرة و لما احب اغيرة اى زيت تنصحوا بة .......و شكرا .

[amr 3355]

عندى شاهين 2004 لسة شاريها مستعملة و زيت الفتيس بتاعها لم يتم تغييرة حتى الان من الزيرو ( زيت الفبريكة ) اى منذ 10 سنوات و فعلا ملاحظ عضة فى النقل بس العضة بتبقة باينة اوى لمة العربية بتبقى باردة و لما تسخن العضة تروح هل لازم اغيرة و لما احب اغيرة اى زيت تنصحوا بة .......و شكرا .

غير زيت فتيس و كارونه
لو الفتيس تمام حط 90 ولو الفتيس فيه صوت او ونه او فيه اي مشكله حط 140

[Khalid _omar]

عايز اعرف متي يتم تغير زيت الفتيس في لانسر شارك ﻷول مره وماهو الزيت المستخدم