استشارة فنية فى تغيير زيت فتييس

[peter magdy]

مساء الخير على احلى شباب فى المنتدى
كل سنة و حضراتكم بخير
دلوقتى انا فى حيرة و ارجو من حضراتكم الافادة
انا معايا عربية byd - f3 موديل 2013 و كنت عايز اغير زيت الفتيس لنوع زيت والف
فى واحد زميل هنا جربة و قال فرق شاسع بينة و بين اللى جاى مع العربية من حيث نعومة الغيار و سحب العربية علما بأنى مغير زيت للموتور بزيت فالفولين تخليقى 5w40 و فعلا فرق عن موبيل بتاع التوكيل
المهم
الكتالوج بينصح بنوع زيت gl4 لكن شركة والف مش متوفر عندهم غير gl5
و على ما عرفت ان gl5 بيعمل مشكلة لما الفتيس يبقى فية نحاس مع المدى الطويل
و لما كلمت الفنى فى التوكيل قالى الزيت فية اضافات تمنع التأكل بس انا مش مقتنع بكلامة
لكن شركة فالفولين منزلة زيت gl4 بس للاسف محدش جربة
فحضراتكم اية رأيكم احط gl5 من شركة والف وواحد مجربة و شكر فية - هو لسة حاطة جديد-
ولا احط زيت gl4 من شركة فالفولين و يبقى مع مواصفات العربية الصح بس مش متجرب
علما بأن الاتنين زيوت تخليقيةو تقريبا نفس التمن
ارجو الافادة و الرد - و اسف على الاطالة
شكرا

[mavrck75]

Gl4

[blazer]

حط الى الكتلوج كاتيه طبعا

[gmslem]

حط الموجود في الكتالوج وهو gl4

[carrier]

عن تجربة وممتازة انصح بوولف البلجيكية وتجيبها من توكيلهم ويغيرهالك بنفه ويدلوك علي اللزوجة المناسبة لعربيتك واقف في المركز مهندسين مش بياع مش فاهم ويقولك خد ده حلو وممتاز وهو مش مناسب لعربيتك اصلا
رقم وولف 19728 ومكانهم في الحي السادس
دا راى كريم منير
خد بيه لانه اهل للثقه

https://www.facebook.com/WolfLubeEgypt

[abouzaid555]

gl4

[peter magdy]

انا متشكر جدا لحضراتكم
انا فعلا اتصلت بشركة والف
لكن للاسف ملقتش غير gl5 و حتى فالفولين ماسيبتش رقم موزع متصلتش بية و بردو مافيش
و صديق ليا معاة نفس العربية و حط gl5 من شركة والف - و بيشكر فية جدا من ناحية العضة و نعومة الغيار و هو ماشى بية دلوقتى قرب 5000 كم - لكن هو مكنيش يعرف حكاية الارقام دى
لكن انا لحد دلوقتى مش عارف اعمل اية برضو