الغيار الاول لا يأتي علي السرعات العالية

[م.أحمد الدسوقي]

السلام عليكم

انا كنت في اخر حصصي التدريبيه في السواقه والحمد لله اصبحت قادر علي القيادة وحمايه السيارة وسط الطرق الصعبه

وكنت متوقع اني اعرف كل شيء عن الاساسيات الا اني اتفاجأت وانا سايق علي الرابع ولاقيت ان الطريق وقف بعيد فقمت دايس ديبرياج مع شعره فرامل وقولت هات الاول عشان حتيجي قدام وتقف

فحاولت اجيب الاول الفتيس مرضاش يدخل مكانه

فالمدرب قالي علي السرعات العاليه نسبيا الغيار الاول بيقفل لو عاوز تسقط غيار وانت بتجري هات التاني

علما اني كنت ساعتها علي 80 كم/س

فجيبت التاني عادي ولما وقفت جيبت الاول ومنغير مشاكل

السؤال بقي ماهو السبب العلمي ان الفتيس مجابش الاول معايا وانا علي 80 كم/س

علل؟؟

برجاء جاوب وخد راحتك انا فاهم في هندسه العربية شوية علي قدي كده

[Mamoud salah H]

طبيعي جدا ان الاول ميجيش عشان سرعة العربية كدة عالية جد علي النسبة الاولي
وحتي التاني كمان السرعة كدة برضة عالية عليييه كن المفروض حضرتك تمور العربية وتشعر فرامل لحد اما السرعة تنزل وتبدا تجيب بقي اول او تاني حسب السرعة
ودة اكييد طبعا لحماية الفتيس والموتور

[borio1704]

كل العربيات المانيوال دلوقتي بيحصل فيها الكلام ده

الموضوع ده بيسموه "علب التروس المتزامنة" و بالانجليزي "Synchronized Transmission"

علشان تعرف تعشق الغيار لازم ترفع سرعة الموتور على الأقل لحد الحد الأدنى لسرعة الغيار..

مثلا..

لو انت ماشي على 80 .. كل الغيارات هتعشق ما عدا الأول واحتمال التاني كمان.. علشان الأول أقصى سرعة يوصلها بتبقى حوالي 40.. والتاني في حدود 70-80

طبعا.. كل عرببة بتختلف عن التانية في الحدود القصوى لكل غيار.. وكمان لو عندك العربية 4 أو 5 أو 6 سرعات.. ده كمان بيفرق في معظم العربيات

[م.أحمد الدسوقي]

كل العربيات المانيوال دلوقتي بيحصل فيها الكلام ده

الموضوع ده بيسموه "علب التروس المتزامنة" و بالانجليزي "synchronized transmission"

علشان تعرف تعشق الغيار لازم ترفع سرعة الموتور على الأقل لحد الحد الأدنى لسرعة الغيار..

مثلا..

لو انت ماشي على 80 .. كل الغيارات هتعشق ما عدا الأول واحتمال التاني كمان.. علشان الأول أقصى سرعة يوصلها بتبقى حوالي 40.. والتاني في حدود 70-80

طبعا.. كل عرببة بتختلف عن التانية في الحدود القصوى لكل غيار.. وكمان لو عندك العربية 4 أو 5 أو 6 سرعات.. ده كمان بيفرق في معظم العربيات

يا هندسه والله بستني ردودك ديما

طب ماشي انا فهمت

لكن تفصيل البناء الداخلي لعلبه التروس بيبقي ازاي في التروس المتزامنه دي

[amrelsaqqa]

ما تتعبش نفسك في تفاصيل فنية اوى في المرحلة دى ، انت كنت عاوز تجيب الاول على سرعة 80 بجد !
احمد ربنا انه ماجاش معاك كان الفتيس والموتور راحوا اساسا !


بس عامة لو حابب تفهم شوية في طريقة عمل الفتيس ممكن تشوف الموضوع ده وان شاء الله يفيد حضرتك :)

http://www.nilemotors.net/Nile/189618-a.html

[م.أحمد الدسوقي]

ما تتعبش نفسك في تفاصيل فنية اوى في المرحلة دى ، انت كنت عاوز تجيب الاول على سرعة 80 بجد !
احمد ربنا انه ماجاش معاك كان الفتيس والموتور راحوا اساسا !


بس عامة لو حابب تفهم شوية في طريقة عمل الفتيس ممكن تشوف الموضوع ده وان شاء الله يفيد حضرتك :)

http://www.nilemotors.net/nile/189618-a.html

مش عارف فهمتني ولا لا

انا اقصد اجيب الاول وافضل دايس ديبرياج لحد ما اقف وبعدين اشيل ديبرياج وامشي تاني

مش كنت حجيب الاول وانا علي 80 واوصل ديبرياج والخبط الدنيا