ارجو المساعده - مشكله فى فتيس الباسات

[seoood]

السلام عليكم

فتيس الباسات كرهنى فى حياتى ومش لاقييلو حل

الموضوع بدأ فجأه وبدون اى مقدمات بدور العربيه الصبح ومشيت ميكملش 5 دقائق بينقل تمام لحد الرابع وبعديها ثبت على الرابع وال P R N D بيتلونو احمر كلهم على التابلوه . طفيت العربيه ودورت تانى مشى تمام واقل من دقيقه وقف على التالت . ومنفس المشكله تتقرر ممكن مره على التالت وومكن على الرابع وممكن على التانى وفى كل الحالات ال P R N D بيتلونو احمر كلهم . المهم شويه وبقت العربيه مش بتطلع غير مع دوسه قويه مع خبطه ز وبعد شويه مبقتش تمشى قدام خالص بس بترجع ورا عادى
المهم ودتها لمكانيكى قالى الفتيس لازم يتغير وطبعا هنا فى الامارات مفيش تصليح ولا هباب شيل وحط وخلص نفسك
المهم جبت فتيس استعمال نظيف جدا طالع من نفس العربيه نفس الموديل وراكب على نفس المكنه بس الرقم مختلف ( القديم AZY - الجديد DES ) وركبنا الفتيس ونفس المشكله بالظبط بس مع خبطه قويه جدا فى الرجوع لورا . المكانيكى قالى المشكله ان الرقم مش واحد لازم اجيب الكومبيوتر بتاع الفتيس الجديد . المهم جبت الكومبيوتر ونفس المشكله . وفى الاخر المكانيكى مش عارف الحل وبيتحجج ان العيب من رقم الفتيس وان لازم اجيب نفس رقم القديم
طبعا عملت اسكان على الكومبيوتر ميت مره ودى الاكواد الى بتجيلى

الفتيس القديم كان بيجيب
Incorrect Gear Ratio : P0730 - static - No indication on display

والفتيس الجديد بيجيب
Incorrect Gear Ratio : P0730 - static - No indication on display
و
Transmission input Speed Sensor (G182) : Implausible Signal : P0716 - Intermittent

غيرت حساس السرعه ومسحت الكود وبردو نفس المشكله والكود رجع تانى . قولت يمكن الحساس الجديد بايظ . غيرتو تانى ونفس الوضع الاكواد هيا هيا ونفس المشكله . غيرت الكومبيوتر بنفس الرقم 3 مرات وبردو نفس المشكله . والله فعلا زهقت من العربيه دى ومش عارف فيه ايه تانى اعملو فيها

العربيه فولكس باسات مودل 2003 2.8 v6
6 سلندر

ياريت اى حد حصل عندو عطل زى ده او عندو خبره يفدنى

[seoood]

43 مشاهده ومفيش ولا رد يا جماعه ؟ !!!!

[reda elgohary]

الموضوع جديد ،، انا أول مرة أسمع عنه .
ربنا ييسر لك الخير ،، وإن شاء الله عندي ثقة أن الموضوع حله بسيط وتافه .

[reda elgohary]

متابع .

[seoood]

والله بقالى داخل على شهر رامى العربيه فى الشارع ومش عارف ليها حل
ياريت اى حد عندو خبره او عدى عليه عطل زى ده يفدنا

[seoood]

الموضوع جديد ،، انا أول مرة أسمع عنه .
ربنا ييسر لك الخير ،، وإن شاء الله عندي ثقة أن الموضوع حله بسيط وتافه .

شكرا على متابعتك . ربنا سمع منك ويكون الحل بسيط

[zendo]

ممكن اصلا المشكله مش فى الفتيس ممكن يكون المشكه فى الكنترول بتاعة الفتيس اللى انت غيرتة هات الكنترول بتاعة ممكن المشكله تتحل وممكن الفتيس القديم سليم ومحتاج كنترول برضة

[seoood]

ممكن اصلا المشكله مش فى الفتيس ممكن يكون المشكه فى الكنترول بتاعة الفتيس اللى انت غيرتة هات الكنترول بتاعة ممكن المشكله تتحل وممكن الفتيس القديم سليم ومحتاج كنترول برضة

شكرا على الرد

الفتيس القديم انا اشتريتو بالكومبيوتر بتاعه وبتاع القطع غيار فكو من عربيه قدامى ومتأكد ان الكومبيوتر بتاعو وهوا نظيف جدا ماشى مكملش 60 الف

[seoood]

اقصد الفتيس الجديد انا اشتريتو بالكومبيوتر بتاعه وبتاع القطع غيار فكو من عربيه قدامى ومتأكد ان الكومبيوتر بتاعو وهوا نظيف جدا ماشى مكملش 60 الف

[mafify]

المشكلة دى كانت عندى
ضفيرة الفتيس

[pharonicking]

حرام كدة "" انت دفعت عالعربية اكتر من تمنها "" بيعها وهات حاجة يابانى "" انت فى الخليخ "" يعنى انسى الاوروبى خالص ""

[seoood]

المشكله انى بحب العربيات دى قوى ومش بقبل اليبانى :):)

ربنا يصلح الحال والمشكله الاقى ليها حل