اغير ولا ما اغيرش زيت فتيس النوبيرا

[ahmedsehimy]

السلام عليكم

انا نعايا نةبيرا 2 موديل 2002 و ماشية 220 الف و كنت اخر مرة غيرت فيها زيت الفتيس كان عند 70 الف و غيرت معاه فلتر و من بعدها كنت بزوده فقط من مدة لمدة لما كان بينقص.

لما جيت اغيره دلوقتي اختلفت الاراء بين اني اغيره و بين اني لو نزلت الزيت القديم الفتيس مش هيشتغل تاني و لما شفت كذا واحد مغير هنا في المنتدى و بعد كيلومتر عالي زيي و الموضوع نجح قولت اخد الراي و المشورة تاني,, اعمل ايه اغيره ولا اسيبه لحد لما يبوظ؟؟
علما باني بكشف عليه لون الزيت احمر و انا استخدامي للعربية مش بجري و مش بحرق خالص و الحمد لله الفتيس كويس مفهوش نتشة او خلافه بس على السرعة العالية مثلا 120 و انت طالع بحس ان العربية بتزعق جامد و جايبة اخرها هل ده من زيت الفتيس و لا حاجة تانية؟

وشكرا ليكم مقدما

[ahmedsehimy]

ايه الصحرا دي يا جماعة
هوة الموضوع صعب كدة

[svneleven]

مش لاقي اي مبرر أن تغيير الزيت هيخليه يبوظ. أنا غيرت الزيت علي 80 ألف تقريبا و الدنيا اتحسنت كتير و الفتيس بقي يتحرك و ينزل نقلات من غير كيك داون. اتوكل علي الله.

[carrier]

ادامك حل من اتنين لا تالت لهما

يا تلحق تغير الزيت

يا تغير الفتيس لانه بكده هيبوظ

[Karim_Monir]

غير الزيت فورا طبعا
تقدر تجيلي ورشه نايل موتورز في الحرفيين تاخد زيت وولفر الالماني
وهنا تجربه ممتازة للزيت

http://www.nilemotors.net/Nile/419919-a.html

وعنوان ورشتنا بلوك 20 الحرفيين بجوار مدرسة عمار ابن ياسر
01115151578
احمد قدورة
وفي ميكانيكي ينزلك الزيت وتحط الزيت الجديد لان فتيسك كدة بيتدمر

[ahmedsehimy]

كدة تمام

انا ان شاء الله اغيره بس عايز اعرف هية هتاخد قد ايه زيت و سعر اللتر من زيت وولفر كام..

شكرا كريم منير و كل اللي ساعدوني

[tito32]

غير الزيت فورا طبعا

[Karim_Monir]

احسن زيت موتور ليك نص تخليقي 10/4
15/40 لو الموتور قديم شوية
بتاخد 3.75 ليتر
زيت الموتور ديكسرون 3 اللي هو ATF 3000
بتاخد كمية غريبة قوي
Automatic Transmission
Service Refill Capacity: 11.5 Litres.
ايوة 11 ليتر ونص
سعر اليتر 70 جينه
مش متاكد من معلومة ان ال 11 ليتر ونص هاينزلو كلهم ولا بينزل جزء بس ممكن تسئل في قسم دايو

[AlGazar2]

بما انى من دايو
لو الفتيس بتاعك عادى مش كهرباء ده بياخد 7 لتر زيت من الزيت الاحمر atf3 الى كريم قالك عليه

لو الفتيس كهرباء او فتيس مدفع ده بياخد 11.5 زيت ابيض و ده سعره حوالى 100 جنية تقريبا

لو عربيتك تجميع مصرى يبقى الفتيس بتاعها عادى - لو خليجى او اوروبى يبقى فتيس كهرباء

[Karim_Monir]

شكرا يا جزار علي المعلومة لانهم كاتبين علي الموقع 11.5 بس كاتبين زيت عادي مش كهربا
مجابوش سيرته خالص

[zendo]

انا معايا نوبيرا 2اوتو فتيس كهربا وانا لسه مغير زيت الفتيس النهارده وبياخد 4لتربس مين قل ان الفتيس الكهربا بياخد 11 لتر ليه يعنى وبعدين بياخد زيت احمر مش ابيض انا لسه مغيرلة 4 لتر موبيل 220 اللتر ب35 جنية وشغال حلاوة الزيت الابيض ده للعربيات الحديثة زى الباسات والتيوتا الكورولا والمرسيدس والهوندا موديلات 2010 وانت طالع غير كده كله زيت احمر

[ahmedsehimy]

الحمد لله غيرت الزيييييييت

جبت زيت ليكوي مولي 1100 الماني من عند الموزع (نفس مواصفات اللي مكتوب في كاتالوج العربية) اللي لونه احمر (خاص بالفتيس الواير التجميع المصري) اللتر ب 65 و غيرت الفلتر اصلي جي ام ب 55.
كنت حاطط ايدي على قلبي لا تحصل مشكلة بس الحمد لله ربنا ستر...و اخدت 4 لتر
الزيت الابيض بتاع فتيس الكهرباء اللتر ب 85 ليكوي مولي برده

شكرا لكل الناس اللي شجعتني على التغير و عرفتني الصح و ان كلام الصنايعية معظمه اونطة..

[carrier]

الحمد لله غيرت الزيييييييت

جبت زيت ليكوي مولي 1100 الماني من عند الموزع (نفس مواصفات اللي مكتوب في كاتالوج العربية) اللي لونه احمر (خاص بالفتيس الواير التجميع المصري) اللتر ب 65 و غيرت الفلتر اصلي جي ام ب 55.
كنت حاطط ايدي على قلبي لا تحصل مشكلة بس الحمد لله ربنا ستر...و اخدت 4 لتر
الزيت الابيض بتاع فتيس الكهرباء اللتر ب 85 ليكوي مولي برده

شكرا لكل الناس اللي شجعتني على التغير و عرفتني الصح و ان كلام الصنايعية معظمه اونطة..

الف مبروك طمنتنا

طلع صدفة ولو جنيه لله شكرا لستره عليك وكرمه

مرة تانية الف مبروك