عايز زيت فتيس اوتو للنوبيرا

[eslam.maghawry]

أفضل زيت فتيس أوتوماتيك للنوبيرا 1
والفتيس بياخود كام لتر وهل محتاج اغير فلتر بالفتيس وجوان الكارتير

[kantofanto]

انا مزود للفتيس زيت موبييل عن بتاع الزيت و على ماعتقد لتر و نص بس او لترين لو تزويد و مش غالى على فكرة و مفيش فلتر بتغيره

[eslam.maghawry]

انا مزود للفتيس زيت موبييل عن بتاع الزيت و على ماعتقد لتر و نص بس او لترين لو تزويد و مش غالى على فكرة و مفيش فلتر بتغيره

انا بحثت عن موضوع تغيير الزيت ده ولقيت أن العربية بتاخود حوالي ٤لتر إلا ربع زيت وغيرت الفلتر بالفعل
عايز اقولك انى مصور فلتر زيت الفتيس وعليه برادة المعدن المصنوع منه الفتيس أو كلشات حاجة كدا
وبيكون فيه في كارتير الزيت مغناطيس عشان يمسك الحاجات دي بس كان عليه كمية زيت بقى زي الشحم غير طبيعية
والراجل خد مصنعية ١٠٠ج

[broadband]

بص يا باشا انا لسه مغيير زيت فتيس سعودى اسمه ريفر علبة لونها ابيض و ده لدرجات الحرارة العالية و اخدت 4 لتر تقريبا
و ده ممكن تغييره فى محطات شل او موبيل

لكن لو عايز تنظف الفلتر يبقى لازم تروح لبتاع الفتيس الاتوماتيك علشان يفك البادى بلف و ينظفه و يركبه تانى
مش اى ميكانيكى يشتغل فى الفتيس الاتوماتيك و ده نصيحة عن تجربة مريرة و هى دى القصة اللى بتخللى كل الناس يقولوا ان فتيس النوبيرا وحش و زى الزفت و طبعا مش النوبيرا بس

التعامل مع الفتيس عن دراية بيجنب مشاكل كتير و الصيانة فى مواعيدها
انا مثلا باغيير زيت فتيس كل 20 الف كيلو ده انا باعمله فى خلال سنة و نصف تقريبا
و تحت امرك

[kantofanto]

انا بحثت عن موضوع تغيير الزيت ده ولقيت أن العربية بتاخود حوالي ٤لتر إلا ربع زيت وغيرت الفلتر بالفعل
عايز اقولك انى مصور فلتر زيت الفتيس وعليه برادة المعدن المصنوع منه الفتيس أو كلشات حاجة كدا
وبيكون فيه في كارتير الزيت مغناطيس عشان يمسك الحاجات دي بس كان عليه كمية زيت بقى زي الشحم غير طبيعية
والراجل خد مصنعية ١٠٠ج

معلش انا كان ردى على حضرتك و مأخدتش باللى ان عربيتك اتومتيك مش مانوال زاىى عشان كدا قولت بيأخد 2 لتر بس بصراحة أستفدت من خبرة حضرتك و عرفت انه بياخد 4 لتر فى الاتوماتيك و ان المصنعية 100ج على التغير و ان بيتغير له فلتر كمان و ياريت لو توضح لنا نوع الزيت اللى حضرتك غيرته و ثمنه كام ؟؟
و اشكرك حضرتك جزيلاً و أدينا بنتعلم من حضرتك .

[eslam.maghawry]

معلش انا كان ردى على حضرتك و مأخدتش باللى ان عربيتك اتومتيك مش مانوال زاىى عشان كدا قولت بيأخد 2 لتر بس بصراحة أستفدت من خبرة حضرتك و عرفت انه بياخد 4 لتر فى الاتوماتيك و ان المصنعية 100ج على التغير و ان بيتغير له فلتر كمان و ياريت لو توضح لنا نوع الزيت اللى حضرتك غيرته و ثمنه كام ؟؟
و اشكرك حضرتك جزيلاً و أدينا بنتعلم من حضرتك .

ولا يهمك ده يكفي ان حضرتك اهتميت ورديت :)
نوع الزيت موبيل atf 320 سعر اللتر ٥٥ج وسعر الفلتر ٦٥ج

[eslam.maghawry]

صورة لمخ أو عقل الفتيس زي ما بيقولو الصنيعية وده بيبان لما بتفك كارتير زيت الفتيس

[eslam.maghawry]

ودي صورة لفلتر زيت الفتيس الاوتوماتيك
وباين عليه الرايش

[eslam.maghawry]

صورة زيت الفتيس

[kantofanto]

ولا يهمك ده يكفي ان حضرتك اهتميت ورديت :)
نوع الزيت موبيل atf 320 سعر اللتر ٥٥ج وسعر الفلتر ٦٥ج

متشكر لذوق حضرتك و على الافادة على سعر الزيت و الفلتر و الصور كمان جامدة اووى .

[edebawy]

ممكن حضرتك أعرف اشتريت الفلتر الجديد منين لانى لما سألت على الفلتر عند اكثر من مكان لم اجده وده بالنسبه للنوبيرا 2 وبدا عليهم و كانى بسال عن شئ غريب و عجيب لم يسمعوا به من قبل .