زيت فتيس 140 w

[Bruce]

انا معايا عربيه لادا سمارا 2007
كنت حاطط فيها زيت 90 و مشيت عليه 116 الف كيلو
طبعاً مش حلو ابداً الي حصل
و كل في التروس جامد
بس عملت حاجه كده و يا رب تنفع
انا غيرت زيت الفتيس بزيت فتيس 140 w اماراتي
لزوجه الزت عاليه اوي الزيت عامل زي العسل كده في الجو البارد
و قعدت حوالي ساعه الا ربع علي ما حطيت الزيت كله لان العربيه خدت 4 لتر و نص و زيت
العربيه اول ما تدور بتبقي الغيارات ناشفه شويه او بمعني اصح لما بيبقي الجو بارد و المكنه بارده
لكن بعد عشر دقايق مثلاً و مع ارتفاع درجه الحراره الغيارات بتتحسن اوي
الميزه بقي مش ده كله
الميزه ان صوت الغتيس قل جداً و خصوصا لما بزود جامد علي الغيار لحد RPM 3 و 3 و نص
الصوت نسبياً اقل من قبل كده و كذلك الرجه او الهزه كانت موجوده و قلت دلوقتي
انا قولت اعرف الناس الي حابه تغير زيت و تعرف المعلومه
الزيت الي لزوجته عاليه هيديك صوت ناعم و مكتوم للغيارات
بس في الجو البارد الغيارات بتبقي رخمه شويه

[amr_naser]

يا اخى شوف الكتالوج اوصى بإية واعملة انما كدة غلط
شوف انا معرفش زيت الفتيس عندك المفروض اية لكن لو الزيت غير مناسب وتقيل بالشكل دا حيسبب فى عدم تزيت بسبب ضيق الخلوص بين التروس غير ان هو حيعمل حمل على الفتيس بمعنى انة حيعمل مقاومة لحركة الفتيس يعنى تزيت سئ وتحميل زيادة كمان
وطبعا هو كتم الصوت لانة عمل عزل كمان بسبب تقلة
يا اخى دا فى عربيات من توصيات الكتالوج انك اذا ملقتش زيت فتيس الوكالة تحط زيت 10-30 متصور

[Bruce]

سحب العربيه هو هو
و صوت الموتور و الفتيس اتحسن و قل و مش خشن
و بعدين حضرتك اعرف العربيه الاول
السمارا تروسها خشنا اصلاً ! و عزلها وحش اوي فانت محتاج توصل لحل
ضيف علي ذلك ان زيت الفبريكه كان 95 مليش انا دعوه بقي ببتوع ال30 دول !
و الزيت ال95 مشيت عليه اكتر من 100 الف و بالتالي لازم تلحق التروس عشان التأكل
و انا اكيد لو عارف ان فيها ضرر علي العربيه مش هعملها
نظرياً و عملياً شغاله

[amr_naser]

سحب العربيه هو هو
و صوت الموتور و الفتيس اتحسن و قل و مش خشن
و بعدين حضرتك اعرف العربيه الاول
السمارا تروسها خشنا اصلاً ! و عزلها وحش اوي فانت محتاج توصل لحل
ضيف علي ذلك ان زيت الفبريكه كان 95 مليش انا دعوه بقي ببتوع ال30 دول !
و الزيت ال95 مشيت عليه اكتر من 100 الف و بالتالي لازم تلحق التروس عشان التأكل
و انا اكيد لو عارف ان فيها ضرر علي العربيه مش هعملها
نظرياً و عملياً شغاله

ههههههههه يا اخى انت مالك متحامل عليا اوى لية كدة ؟
انا بقول لك رأيي مش بفرضة عليك

[Bruce]

انا جيت جنبك ؟ انا بس قولتلك الي انت مش عارفه
انا بس قولت رايي انا كمان