زيت الفتيس

[PAYOO]

يا عبدالله زيت الفتيس 90 ده أخف زيت فتيس في مصر بعد كده في زيت 140 وبعد كده في 200 بس ده بقى بتاع النقل

المهم كان لازم تغير زيت الفتيس أول ما جبت العربيه طالما انها أستعملت من قبل لانك مش عارف إللي قبلك مشي على الزيت ده قد أيه
وزيت الفتيس لازم يتغير كل 30ألف كم تقريبا
وإذا كان الفتيس أوتوماتيك يتم تغيير الزيت كل 10ألاف كم

الفتيس مبيحتجش تغيير زيت اصلا.. كل اللى بتحتاجة انك تراجع مستوى الزيت و تكملة لو نقص...
MMamdouh

معلش يا محمد مافيش حاجه أسمها زيت مايتغيرش أبدا

على العموم يا عبدالله أقرا اللينك ده كويس وشوف القصة إللي أنا حكيتها في الموضوع ده وانت تفهم قصدي

http://www.nilemotors.net/Forum/viewtopic.php?t=6899

[MMamdouh]

[size=18][color=blue][b]
ومعلش يا محمد مافيش حاجه أسمها زيت مايتغيرش أبدا

انا كنت فاكر كدة بس لقيت فى كتالوج العربية ان زيت الفتيس مبيتغيرش... انت بس بتراجع على مسوى الزيت كل 5000 كيلو تقريبا

فى ناس بررت الموضوع دة ان زيت الفتيس مبيتحرقش زى زيت الموتور و بالتالى بيحافظ على خواصة... يا ريت لو حد عندة مقالات علمية عن الموضوع دة يشاركنا المناقشة و يبعتلنا المقالات دى

MMamdouh

[PAYOO]

ومعلش يا محمد مافيش حاجه أسمها زيت مايتغيرش أبدا

انا كنت فاكر كدة بس لقيت فى كتالوج العربية ان زيت الفتيس مبيتغيرش... انت بس بتراجع على مسوى الزيت كل 5000 كيلو تقريبا

فى ناس بررت الموضوع دة ان زيت الفتيس مبيتحرقش زى زيت الموتور و بالتالى بيحافظ على خواصة... يا ريت لو حد عندة مقالات علمية عن الموضوع دة يشاركنا المناقشة و يبعتلنا المقالات دى

MMamdouh

طبعا يا محمد باشا فعلا زيت الفتيس مابيتحرقش زي زيت الموتور
عشان كده بكلام منطقي يتغيير كل 30ألــــــــــــــــــــــــــف كيلومتر يعني أكتر من سنة

بس مش ممكن زيت يفضل طول العمر محتفظ بلزوجته وسيولته وخواصه كما هي دون ادنى تغير ، وللا أيه ؟

[Abdallah]

طيب يا محمد متقدرش تبعتلى الزيت دة فى بيجو او اى حاجة من الكلام دة ؟

[PAYOO]

طيب يا محمد متقدرش تبعتلى الزيت دة فى بيجو او اى حاجة من الكلام دة ؟

يا عبدالله زيت الفتيس مابيبقاش في جراكن زي ما أحنا متعودين مع زيت الموتور ده بيبقى في مضخه عند عامل البنزينه عشان يضخه داخل الفتيس مباشرة

يعني حتى لو فرغنا كميه في جركن مش هاتقدر تحطه في الفتيس إلا عن طريق مضخة والمضخة دي بتبقى عند ورشة تغيير الزيوت فقط ومش هاينفع يفرغ المضخة بتاعته عشان يحط 2 أو 3 كيلو زيت

[Abdallah]

موجود منه فى جراكن يا هانى, انا كنت حطيت منه قبل كدة ونزلته تانى علشان طلع تقيل, والله يا اخوانا انا قلبى وجعنى من الحوار دة مش عارف اعمل فيه ايه.

[mohsen]

طب لو سمحت امال الطبة الى غطاها عبارة عن مسمار وعلى راسه نص كرة جلد سوداء فى الفارغة بتاعة الفتيس مش دى الى بنزود منها زيت الفتيس

[Abourayya]

أنا معترض إن زيت الفتيس يتغير كل 10000كم بس في الأوتوماتيك. الللانوس الأوتوماتيك بتاخد من 11 إل 13 كيلو زيت فتيس أوتوماتيك، ثمن الكيلو حوالي 24 جنيه و التغيير كل 10000 مش منطقي.

أنا غيرت الزيت في موبيل و حطولي معاه محسن أداء (2 كيلو بـ 26 جنيه الكيلو) ضمن الـ 11 كيلو، يعني 9 كيلو زيت + 2كيلو محسن أداء.

و تغيير زيت الأوتوماتيك بيبقى كل 40 ألف كيلو تقريباً زي ما بتوع موبيل قالولي.

و مافيش مقياس ظاهر لزيت الفتيس الأوتوماتيك لكن بيتشاف من تحت عند كارتيرة الفتيس. و التغيير بياخد وقت شوية لأنه لازم يفك الكارتيرة (حوالي 11 مسمار) و يستحسن نبص على الجوان بتاعها لو محتاج تغيير (هو غالي شوية بـ 70 جنيه). و بينزل الزيت كله و يغسل الكارتيرة كويس قوي و ينظف مغناطيس الشوائب و يغسل مكان الزيت بالبنزين كويس بعدين يربط الكارتيرة كويس جداً و يحط الزيت الجديد (مدخل الزيت الجديد واضح تحت الكابوت).
العملية دي مصنعيتها حوالي 40 جنيه في موبيل.

هذا للعلم و شكراً

محمد أبوريـــا

[Abdallah]

الجوان بيتعمل عمولة بـ 5 جنيه وتقريبا الخامة واحدة.