عاجل جدا: محتار أغير زيت الفتيس ولا لأ

[mmahermf]

روحت النهاردة الصبح لأبو الحسن اشتريت فلتر فتيس وجوان لأن العربية عاملة 126000 وكسور وهي عربية كوري استيراد و1500 مش 1600 ودي حاجة مستغرب منها شوية.

كلمت حسن الصغير عند محمد عبده اتفق معاه على ميعاد النهارده بس قال لي حاجة قلقتني جامد هو فاكرني من أول مرة وفاكر ان الفتيس اوتوماتيك كهرباء بخاصية الهولد وزر مكوب عليه باور وأنا عمري مفكرت اجربهم لأني مش فاهم استخدامهم ولا حتي النقلات 1 ، 2 ،3 اللى بعد نقلة d فلو على الهامش كده حد يفهمني يبقي كتر خيره.

المهم حسن قال لى الفتيس ده بلاش تغير الزيت بتاعه لأن زيته هايدروليك وهو مش ضامن بتاع السوق المصري؟!!!!!!!!

أنا محتار : الخبراء بيقولوا ان الكتالوج بيقول غير بعد 40000 والفلتر طبعا.

أنا خايف بعد ماغير الفتيس يحصله حاجة ... يبقي الواحد نفسه يحافظ العربية والناس تخوفه ومش عارف انه الصح وانه الغلط .. وكله إلا الفتيس مقدرش اتعلم فيه لأنه لو باظ يبقي عليه العوض في العربية.

الحاجة انا شاريها زي ماقلت ،،،، أغير ولا لأ؟ وهل زيت الفتيس هو زيت البور ونوع ايه اللى نوعا ما مضمون للفتيس الكهربا مش اللى راكب في النوبيرا الاوتوماتيك المصري..

مستني رد عاجل لأني ميعادي معاه الساعة 5 النهارده

وشكرا...

[mmahermf]

يارب يامسهل

[SBkr]

بص يا اخي أولا العربية 1500 دة عادي لأن اغلب الكوري كدة انا برضة عندي البريميوم 1500 سي سي موش 1600 لكن هية 16 صباب زي النوبيرا العادية ثانيا بالنسبة للنقلات 1و2و3 دول بتعني ان يلتزم الناقل الأتوماتيكي بالنقلة المحددة كحد اقصي وليس اعلي وهذا حماية للناقل من التلف بسبب تردد النقل للنقلات الأعلي والعودة في المطالع الطويلة فمثلا علي اثنين فإن الناقل سيعمل في نطاق الأول والثاني فقط ولن ينتقل للثالث ايا كان الضغط علي دواسة السرعة وهكذا بالنسبة للأول والثالث ولا يوجد 4 لأن السيارة بطبيعة الحال أربع سرعات أتوماتيكية النقل وليس خمسة مثل التاقل اليدوي ثالثا زر الهولد دة مفيد جدا في السفر الطويل وعند ضغطة سيتم تثبيت سرعة السيارة عند السرعة التي انت عليها عند ضغطة إلا ان مجرد لمس ايا من دواستي الستزويد او الفرامل فإن عملة يتوقف فورا أما زر باور او مايعرف ب Over Drive فهو يعطي طابع قيادة رياضي نسبيا بتأخير النقل للنقلة الأعلي مما يعطي تسارع أعلي ولكن سيكون هناك استهلاك اكبر في الوقود انصحك بعدم تفعيلة ثالثا الزيوت في الفتيس الأتوماتيك هامة جدا جدا جدا بل وخطيرة ويجب فورا تغيرها عند الكيلومتر المقرر مع الفلتر لأنها روح الفتيس و موش عاوز اخوفك من فتيس النوبيرا الأتوماتيك تحديدا لازم الزيت والفلتر في مواعيدة واجتهد في البحث عن زيت محترم و يفضل خليك في موبيل من المحطات وليس المحلات واعتقد هوة نفسة زيت الباور وهو كثافات وانواع حاول مراجعة دليل السيارة او البحث عالنت لمعرفة مواصفاتة والأنواع التجارية المطابقة لكن لازم يتغير في معادة علشان زعل الفتيس الأتوماتك وحشششششش

[mmahermf]

بص يا اخي أولا العربية 1500 دة عادي لأن اغلب الكوري كدة انا برضة عندي البريميوم 1500 سي سي موش 1600 لكن هية 16 صباب زي النوبيرا العادية ثانيا بالنسبة للنقلات 1و2و3 دول بتعني ان يلتزم الناقل الأتوماتيكي بالنقلة المحددة كحد اقصي وليس اعلي وهذا حماية للناقل من التلف بسبب تردد النقل للنقلات الأعلي والعودة في المطالع الطويلة فمثلا علي اثنين فإن الناقل سيعمل في نطاق الأول والثاني فقط ولن ينتقل للثالث ايا كان الضغط علي دواسة السرعة وهكذا بالنسبة للأول والثالث ولا يوجد 4 لأن السيارة بطبيعة الحال أربع سرعات أتوماتيكية النقل وليس خمسة مثل التاقل اليدوي ثالثا زر الهولد دة مفيد جدا في السفر الطويل وعند ضغطة سيتم تثبيت سرعة السيارة عند السرعة التي انت عليها عند ضغطة إلا ان مجرد لمس ايا من دواستي الستزويد او الفرامل فإن عملة يتوقف فورا أما زر باور او مايعرف ب over drive فهو يعطي طابع قيادة رياضي نسبيا بتأخير النقل للنقلة الأعلي مما يعطي تسارع أعلي ولكن سيكون هناك استهلاك اكبر في الوقود انصحك بعدم تفعيلة ثالثا الزيوت في الفتيس الأتوماتيك هامة جدا جدا جدا بل وخطيرة ويجب فورا تغيرها عند الكيلومتر المقرر مع الفلتر لأنها روح الفتيس و موش عاوز اخوفك من فتيس النوبيرا الأتوماتيك تحديدا لازم الزيت والفلتر في مواعيدة واجتهد في البحث عن زيت محترم و يفضل خليك في موبيل من المحطات وليس المحلات واعتقد هوة نفسة زيت الباور وهو كثافات وانواع حاول مراجعة دليل السيارة او البحث عالنت لمعرفة مواصفاتة والأنواع التجارية المطابقة لكن لازم يتغير في معادة علشان زعل الفتيس الأتوماتك وحشششششش

بارك الله فيك على المعلومات المفيدة جدا

ولله يا أخي الفاضل انا احترت وكلام حضرتك مقنع في وجوب تغيير الزيت والفلتر بس تخيل الميكانيكي خايف يشتغل فيه وده راجل شغال في التوكيل لما يقولك الزيت اللى فيها ما يعوضش وخلينا نشوف لزوجة الزيت الموجود الأول ولو ناقص نزوده!!!!!!!!!!!!!
كلامه قلقني جامد خايف اغيره ابقي جنيت عليه ويكون زيت تعبان لأن في موبيل قالوا ان الزيت هو زيت الباور وأنا مش مقتنع بموضوع الزيت بتاع كله ده.

لو حضرتك خضت تجربة تغيير الزيت لو عربية حضرتك اوتوماتيك ممكن تقولي فين وزيت ايه والزيت الجديد بقاله قد ايه ماشي بيه.

وأكون شاكر لحضرتك جدا

[mmahermf]

الحمد لله رحت امبارح لمحمد عبده وكان هناك من الصبح وواخد أجازة وغيرت كارتير الزيت لأن الطبة كان مكانها مفوت وغيرت زيت الفرامل وتيل أمامي وقال لى الزيت اللى في الفتيس اكمنه كهرباء (مش زي المصري بسلك) ومقفول بالكامل عمره ماحتعوضه لأنه زيت هايدروليك زي الأوناش والأوكتافيا وده زيت غالي جدا يصل الكيلو ل250 جنيه وعمره الأفتراضي طويييييييييييييييييييييل.

وبالتالي مش حغيره خلاص.. حبيت أقولكم للإفاده لو حد عنده فتيس كهرباء.

[morabet79]

هيا اللانوس الهيدروماتيك سلك ولا كهرباء

[nodey]

السلام عليكم
اخي احب ان اسدي لك نصيحة لوجه الله
من واقع تجارب اخونا السعوديين هنا بالسعودية دول بقي ناس بيركو العربيان من سن سنتين وطالع
المهم في واحد كان بيحكي علي موضوع مشابه لموضوعك بالضبط بس العربية كانت لاندكرورز جير اتو وكان حبب يغير زيت الجير وكانت ماشية مسافه كبيرة
المهم كانت طريقة حل المشكلة كالتالي
شال 2لتر من زيت الجير وزود 2 لتر جديد
وبعد اسبوع شال 2 لتر من الجير وزد2 لتر تاني وبعد اسبوع شال الزيت كله وركب زيت جديد مع الفلتر وكله كان تمام
تقبل مروري / ابو خالد

[akramlail]

اعرف منين ان الفتيس كهرباء ولا عادى انا عندى فى اللانوس زرار الباور دة بس الهولد دة بيبقى فين ؟

[mmahermf]

السلام عليكم
اخي احب ان اسدي لك نصيحة لوجه الله
من واقع تجارب اخونا السعوديين هنا بالسعودية دول بقي ناس بيركو العربيان من سن سنتين وطالع
المهم في واحد كان بيحكي علي موضوع مشابه لموضوعك بالضبط بس العربية كانت لاندكرورز جير اتو وكان حبب يغير زيت الجير وكانت ماشية مسافه كبيرة
المهم كانت طريقة حل المشكلة كالتالي
شال 2لتر من زيت الجير وزود 2 لتر جديد
وبعد اسبوع شال 2 لتر من الجير وزد2 لتر تاني وبعد اسبوع شال الزيت كله وركب زيت جديد مع الفلتر وكله كان تمام
تقبل مروري / ابو خالد

بارك الله فيك يا أخي أبو خالد ... طبعا في فرق كبير بين السعودية ومصر من ناحية كفاءة وجودة قطع الغيار والمحروقات ..الخ. وأنا فاكر لحد دلوقتي حتى فروق الأكل والشرب وأنا كنت في السعودية من سنة 1973 وحتى 1980 يعني من سن سنة تقريبا وراجع حوالي 8 سنين ولسه فاكر تنوع الأكل والشرب المستورد والوالد في الفترة دي ركب 5 عربيات

المقدمه دي علشان أقولك أن حتي الميكانيكي اللى شغال في التوكيل نصحني مجيش جنبه لأن الزيت هيدروليك ودورته مقفوله والأهم بقي حتت عدم الثقة في الزيوت الى جوه مصر لأن المضروب متوفر بكثرة.

وربنا يسترها معنا جميعا

[mmahermf]

اعرف منين ان الفتيس كهرباء ولا عادى انا عندى فى اللانوس زرار الباور دة بس الهولد دة بيبقى فين ؟

أنا معرفش في اللانوس بصراحة بس زر الهولد عندي على يمين عصايا الفتيس ناحية الكرسي اللى جنب السائق

[Eslam.Adly]

اعرف منين ان الفتيس كهرباء ولا عادى انا عندى فى اللانوس زرار الباور دة بس الهولد دة بيبقى فين ؟

بص يا ريس اللانوس مافيهاش زر Hold ولكن فيها زر Over Drive وبس الى هو بيزود فى مدة النقلة بيحرق يعنى ومابيشتغاش الا على سرعة 80 KM يعنى تقدر تقول وانت بتكون على النقلة الثالثة الى بيتحرق عليها.اما موضوع الفتيس كهرباء ولا سلك ديه نستنى راى الخبراء.
ياريت كلا من أ/محمد ممدوح & م/سمير يفدونا ويوضحه الفرق.
متابع............................................. .

[akramlail]

سؤال ليك يا استاذ اسلام انت غيرت زيت الفتيس انا شاريها استعمال وبقالها سنتين معايا ومش عارف اغيرة او اقيسة ازاى ونوع الزيت اية

[SBkr]

اخي انا عارف ان الزيوت الأصلية بالسيارة محترمة وكويسة بس ليها عمر افتراضي ولازم تتغير فحاول تبحث براحتك دون تعجل عن مصدر زيت هيدروليك محترم تغير بية وعلي فكرة فعلا زيت الهيدروليك للناقل الأتوماتيككي هو نفس زيت الباور وهو زيوت تتحمل الضغوط العالية ولا تنضغط مثل باقي السوائل ولكن تختلف في مستوي التحمل للضغط و اللزوجة حسب المواصفات المطلوبة منها

[samirayad]

بص يا ريس اللانوس مافيهاش زر Hold ولكن فيها زر Over Drive وبس الى هو بيزود فى مدة النقلة بيحرق يعنى ومابيشتغاش الا على سرعة 80 KM يعنى تقدر تقول وانت بتكون على النقلة الثالثة الى بيتحرق عليها.اما موضوع الفتيس كهرباء ولا سلك ديه نستنى راى الخبراء.
ياريت كلا من أ/محمد ممدوح & م/سمير يفدونا ويوضحه الفرق.
متابع............................................. .

شوف يا أستاذ : أسلام .....كل العربيات المزوده بفتيس أوتو من بعد التسعينات تقريبا بتعمل من خلال تحكم ألكترونى فى نقلات الفتيس....... والفتيس ليه وحدة تحكم زى بتاعة المكنه تقريبا .....ومن خلال أشارة الحساسات المختلفه بالفتيس وحدة التحكم بتاعة الفتيس بتعرف الحمل ووقت النقل بالضبط وبكده بتفتح سولونويد مرحلة التعشيق المطلوبه (يعنى كله أوتوماتيك وبحسابات وحدة التحكم )مش نظام سلك للتحكم فى النقلات زى فتايس التمانينات...........وبالنسبه لكلامكم عن الأوفر درايف .........فهو عشره على عشره .....وياريت الأقلال من الأوفر درايف (حفاظا على كلاتشات مراحل التعشيق المختلفه وأطالة عمر الكلاتشات ) .................وبالنسبه لموضوع غيار زيت الفتيس .....فلابد من الألتزام بميعاده حفاظا على الفتيس ......وأدى موضوع أنا عامله فى المنتدى التعليمى ومترجمه بالنص من كتالوج خاص بالتويوتا http://www.nilemotors.net/Nile/showthread.php?t=73601

[akramlail]

الله عليك يابشمهندس ربنا يفتح عليك كمان وكمان يا مغذينا بالمعلومات