Tweet
هل في فلتر للزيت الاتوماتك ولو في بيتغير كل اد اية وممكن اغيره عند اي حد ولا عايز متخصص؟
-
Mahmoud_Peugeot سابقاً
Houda سابقا -
اه طبعا فى زيت للاتوماتيك وتغيره مهم جداااااا لان ده لو اتنسى مصاريف تصليح الفتيس الاتوماتيك غاليه جدااا وتقريبا بيتغير كل 20 الف كيلو وممكن يتغير فى البنزينه وانصح بشيل احسن حاجه وشكرا -
السؤال هوه "هل فيه فلترزيت للفتيس الاوتوماتيك؟"المشاركة الأصلية كتبت بواسطة mazgangyThanks
Ahmed Hassan
[I][SIZE=3][SIZE=2]When all you have is a hammer, everything looks like a nail
[/SIZE][/SIZE][/I][CENTER][SIGPIC][/SIGPIC][/CENTER]Comment
-
معظم العربيات الأتوماتيك ليها فلترخارجى لسائل ATF
يتم تغيير الفلتر مع تغيير الزيت حسب الموصى به للسيارة
لا ينصح بتغيير زيت الفتيس الأتوماتيك فى البنزينة حيث ان عملية التغيير تعتبر فنية وليست بسيطة كما هو الحال فى الفتيس اليدوى
يفضل القيام بها فى مركز خدمة متخصص أو ميكنيكى محترم
فى النزينة لن يغيروا اكتر من نصغ الزيت الموجود فى الفتيس و يبقى نصف الككمية من الزيت القديمأخوكم/ أبو حمزهComment
-
شكرا ومع احترامى لسعتك برضوا بنزينه شيل اللى على كورنيش المعادى كويسه جدا وانا كنت بغير عندها زيت لنوبيرا اتوماتيك وكانت كويسه وناس محترمين وكمان انا اعرفهمComment
-
عفوا لا يوجد فلتر خارجي لزيت الفتيس الاوتوماتيكالمشاركة الأصلية كتبت بواسطة sabbagh
الفلتي (الصفاية) بيبقى جوة الفتيس مش برة
و بيتغير كل كذا زيت ATF مش كل تغيير و بيتفك كارتيرة الفتيس الاوتوماتيك من تحت و بيتفك الفلتر(بيبقى تحت خالص جوة الفتيس داخل الكارتيرة) و يركب فلتر جديد و يتحط زيت جديد
ولازم في مركز خدمة او ميكانيكي محترم قوي قوي قوي
و في كل الاحوال لما بتغير زيت الفتيس الاوتوماتيك انت فقط بتغير نصف كمية الزيت
لأنك بتنزل الزيت اللي في كارتيرة (حله) الفتيس لكن الزيت اللي في القربة مش بينزل الا لما الفتيس و القربة يتحل برة العربية خالص في حالة الأصلاح (ربنا يكفيكم شرة)
الفلتر دة بيبقى عبارة عن علبة صاج او بلاستيك رقيقة شبة علبة السجاير كدة بس اكبر شوية و فيها فتحة من فوق و فتحة من تحت الزيت بيمشي جواة و بيعدي على راق ورق بيصفي الشوائب
وينزل من تحت
انا لسة مغيرة من اسبوع في الفرونتيرا و جبتة من عشم نوار اللي في دمشق ب 140 جنية (أصلي)
و الفلتر دة مفروض يتغير كل فتة كبيرة او كيلومتر كتير مثلا 60 او 70 الف او اكتر
و لما يكون محتاج يتغير بيبقى مسدود و بتحس ان العربية فتيسها مكتوم و لما تدي غيار تغيب لغاية الغيار ما يلقط ومش بتسحب كويسComment
-
احسن زيت فتيس ATF تجيبة و انت متطمن انك بتصون عربيتك الاوتوماتيك هو زيت شل ديكسترون اللي بييجي الكيلو في جركن صغير اسود و علية تكت اخضر صناعه كندا
و أوعى تجازف بزيت اي كلام مش مضمون و لو مكتوب علية صناعة امريكا بالذات انت كدة تبقى بتجازف بفتيسك الاوتوماتيك و بكذا الف جنية غير حرق الدم و العطلة
ملحوظة : مرة زمان جيت اشتري زيت ATF البياع قاللي عندي ماركة "أبرو" امريكاني 100% مضمون بابص عالتيكت اللي عالعلبة مكتوب فعلا Made in USA بس على حرف الورقة لقيت سطر بخط صغير مكتوب فية حاجة شبةc:\MyDocument\My pictures\ashraf
هههههههههههههههه
طبعا و لا أشتريتة
بس بصراحه كان مفروض اشترية و احتفظ بالورقة دي و ابلغ حماية المستهلك او انشرها عالنتComment
-
في زيت امريكي ابيض شفاف في علبه لونها اصفر
بتتباع دائما في بنزينات كالتكس بأربعين جنيه[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]Comment
-
طب بالنسبة للفتيس المنيول هو برضة بيتغير نص الكمية ولا اة وهل ممكن فى بنزينة زى شل أغيرةIbrahim Reda سابقاComment
-
دة اكيد حاجة تانية مش زيت فتيس اوتوماتيكالمشاركة الأصلية كتبت بواسطة أبو عبدالله
زيت الفتيس الاوتوماتيك = زيت الباور = زيت ATF (Automatic Transmission Fluid) وهو زيت أحمر في كل الاحوالComment
-
الفتيس المانيوال قصة تانية خالص لا فية قربة مليانة 3 او 4 كيلو زيت وفية لا طلمبة زيت و لا رشاش زيت و مش بياخد زيت ATFالمشاركة الأصلية كتبت بواسطة Ibrahim Reda
و زيت الفتيس المانيوال بينزل كلة (تقريبا) مع تغيير الزيت
و تقريبا دي لأن طبعا فية نسبة ضئيلة من الزيت بتوك على شجرة التروس و عالحلة مش بتنزل بسبب لزوجه الزيتComment
-
أخى "Adham"
الفلتر الداخلى ده فى لانسر الجديدة من 2004
اما عندى فهو خارجى وظاهر جدا و يتم تغييره مع غيار الزيت
انت قلت
عفوا الكلام ده غير صحيح على الأقل فى عربيتى (لانسر 99) و بعض العربيات الأخرىو في كل الاحوال لما بتغير زيت الفتيس الاوتوماتيك انت فقط بتغير نصف كمية الزيت
لأنك بتنزل الزيت اللي في كارتيرة (حله) الفتيس لكن الزيت اللي في القربة مش بينزل الا لما الفتيس و القربة يتحل برة العربية خالص في حالة الأصلاح (ربنا يكفيكم شرة)
لكن تغيير الزيت بالكامل مش بسيط و بيتم و الموتور داير عشان يتغير بالكامل و عشان كده مش عملية بسيطةأخوكم/ أبو حمزهComment
-
اول مرة اسمع ان فية فتيس اوتوماتيك فلترة من برة
انت متأكد انة مش فلتر زيت الموتور
لو ممكن تصورة صورة اشوف الفتيس و الفلتر دة
و انا برضة بكرة حاصورلك صورة لفلتر زيت الفرونتيرا و اوريلك شكلة اية علشان تعرف انة مش ممكن يتحط برة الموتور
و بالنسبة لموضوع دوراة العربية و انت بتغير زيت الفتيس دة برضة مش معناه انك بتغير زيت الفتيس بالكامل
و انما برضة التغيير بيبقى جزئي
وانا برضة باغير زيت الفرونتيرا بعد مافك الطبة و ننزل الزيت بارفع العجلتين اللي ورا و ادور العربية و اعشق مارشدير علشان الفتيس يسحب بقيت كمية الزيت من طلمبة بتغذي زيت للفتيس من تحت و بعد ما يتكلي بنقفل الطبة و ننزل العربية
بس برضة دة بيغير 4.5 لتر زيت و مش بيغير كل كمية الزيت اللي هيه اكتر من ضعف الكمية دي
علشان الزيت اللي في القربة استحالة ينزل ما لم يتفك الفتيس برة وتتفك القربةComment
-
بص يا استاذى انا مش با اكدبك
انا بقول ان العربيات منها بفلتر داخلى و منها بفلتر داخلى وكل واحد يشوف عربيته فيها ايه و يتصرف على الأساس ده
و ان شاء الله اصور الفلتر و اجيب الصورة
اما عن تغيير الزيت بالكامل فممكن ولكن مش بنزيل الزيت من الطبه
بيتم عن طريق انك تنزل الزيت من مخرج مبّرد الزيت مع صب كمية الزيت الجديد لحد ما تنزل كمية القديم بالكامل وتزود شوية عشان تبقى متأكد ان كل الزيت جديد طبعا و العربية دايرة زى ما انت بتعمل
و طبعا وارد جدا ان من عربية للتانية النظام و الطريقة تختلفأخوكم/ أبو حمزهComment
-
ولا انا باكدبك ياباشا بس انا عمري ما شفت و لا سمعت عن فلتر زيت فتيس خارجي علشان كدة عاوز اشوف صورة الفتيس و الفلتر دة من باب العلم بالشيء
ومنكم نستفيد ياباشا, و الانسان كل يوم بيشوف و يتعلم جديد
و بالنسبة للطريقة بتاعة سحب الزيت من دورة تبريد الزيت اللي في اسفل الرادياتير, ايوة ممكن فعلا بالطريقة دي, بس عمري ما سمعت ان حد بيعملها, كل الناس بتغير عن طريق الطبة بتاعه كارتيرة الفتيس, و حتى صانعي السيارات كلهم عاملين الطبة علشان تغيير الزيت كدة و محدش ذكر اتباع الطريقة دي لتغيير الزيتComment
Comment