كلام غريب عن زيت الفتيس

[م.احمد زكريا]

امبارح كنت عند الميكانيكي بعمل شوية شغل في العربية والاخ فضى زيت الفتيس

ولقيتة بيحط 2 كيلو زيت موتور تعاون عادة الاحمر وقالي انه هو هو زيت الفتيس الخفيف الي بيتحط لفتيس البيجو 405 وانه عادي

بصراحة انا لضيق الوقت سمعت كلامه ومشيت الموضوع على اساس اني اروح اقرب محطة واجيب زيت فتيس خفيف وابدل الزيت

بس ايه رايكو في الموضوع الغريب ده ...... مع العلم ان الميكانيكي كان بيشتغل في توكيل بيجو وبيقول كنا بنحطه في التوكيل عادي؟؟؟؟

[the-hero]

حتى لو عادى انا ليه اعرض نفسي لمخاطر الأفتكاسات وفتى الشعب المصري
يعنى هيكون بيفهم اكتر من اللى بيصنعوها وجاب التيهة
لازم تنزله عشان تبقي ضامن اداء العربية وتتفادى مخاطر العطلة على الطريق

[waleedabbas]

لا طبعا زى ما قالك استاذ هيرو الافضل تنزله وتحط زيت فتيس ويا ريت تجيبه من بتاع قطع غيار بيجو عشان الزيت عمر الميكانيكى ما هيقدر يحكم عليه انه نفس نوع الزيت هى مش بالشكل ولا باللون ده بيبقى ليه مواصفات ودرجة معينة لو اختلفت رقم واحد بياثر على الاداء
الناس ال صنعت العربيات دى تعبت كتييير على ما وصلوا لكل مسمار فى العربية دى يطلعوه بالشكل النهائى يجى عندنا الميكانيكية الاذكياء يفتوا ويخربوا العربيات ويرجع يقولك اصل العربية دى وحشة دى معقدة ده فتيسها وحشويطلع ان الفتيس بيبوظ لسبب تافه جدا عمره ما يجى فى فكر هؤلاء الاذكياء

[dodino2006]

الناس ال صنعت العربيات دى تعبت كتييير على ما وصلوا لكل مسمار فى العربية دى يطلعوه بالشكل النهائى يجى عندنا الميكانيكية الاذكياء يفتوا ويخربوا العربيات ويرجع يقولك اصل العربية دى وحشة دى معقدة ده فتيسها وحشويطلع ان الفتيس بيبوظ لسبب تافه جدا عمره ما يجى فى فكر هؤلاء الاذكياء

+1111111111

[the-hero]

لا طبعا زى ما قالك استاذ هيرو الافضل تنزله وتحط زيت فتيس ويا ريت تجيبه من بتاع قطع غيار بيجو عشان الزيت عمر الميكانيكى ما هيقدر يحكم عليه انه نفس نوع الزيت هى مش بالشكل ولا باللون ده بيبقى ليه مواصفات ودرجة معينة لو اختلفت رقم واحد بياثر على الاداء
الناس ال صنعت العربيات دى تعبت كتييير على ما وصلوا لكل مسمار فى العربية دى يطلعوه بالشكل النهائى يجى عندنا الميكانيكية الاذكياء يفتوا ويخربوا العربيات ويرجع يقولك اصل العربية دى وحشة دى معقدة ده فتيسها وحشويطلع ان الفتيس بيبوظ لسبب تافه جدا عمره ما يجى فى فكر هؤلاء الاذكياء

الله ينور عليك هو ده الكلام

[محمد ابراهيم 1]

أكتر بلد فيها إفتاءات هى بلدنا الحبيبة

[ahmed_khalil]

مفروض العنوان يبقى (كلام تهجيص عن زيت الفتيس) :d:d

[م.احمد زكريا]

مفروض العنوان يبقى (كلام تهجيص عن زيت الفتيس) :d:d

ها ها ها ............... جامده مووووووووووووووووووووت

[khaled_rafea]

يا شباب عادى , انا فضلت 4 سنين احط نفس زيت الموتور فى الفتيس المانوال, كانت عربية ماذدا 323 و مفيش اى مشاكل, معرفش طبعا البيجو ايه نظامها, بس اللى اعرفه ان زيت الموتور و الفتيس واحد بس الاختلاف فى درجة التقل بس

[the-hero]

مفروض العنوان يبقى (كلام تهجيص عن زيت الفتيس) :d:d

هو ده الشغل
عنوان مبهر لجذب الأعضاء
هههههههههههههههههه

[waleedabbas]

يا شباب عادى , انا فضلت 4 سنين احط نفس زيت الموتور فى الفتيس المانوال, كانت عربية ماذدا 323 و مفيش اى مشاكل, معرفش طبعا البيجو ايه نظامها, بس اللى اعرفه ان زيت الموتور و الفتيس واحد بس الاختلاف فى درجة التقل بس

مش مسألة بيجو يا باشا هى صحيح البيجو والعربيات الاوروبى عموما حساسة من ناحية قطع الغيار الاصلية وخصوصا زيت الفتيس لكن الفكرة هى الفرق بين العربيات القديمة والجديدة زمان كانت كل انواع الزيت متشابهة لكن دلوقتى بقى الزيت بيتعمل بمواصفات خاصة لكل عربية وده بعد فكر ودراسات لتحسين اداء العربيات وعشان يوصل لافضل اداء بالعربية والا كان سابها عادى تشتغل باى زيت
ومش بس المازدا حضرتك مثلا عربية زى البيجو 504 لو حطيتلها زيت تموين هتمشى عادى ومش هتشتكى
وعربية زى البيجو 104 وال 205 زيت الموتور والفتيس واحد يعنى بتغيره من مكان واحد والفتيس والموتور مفتوحين على بعض تحط زيت فى الموتور بيدخل على الفتيس من غير مانت تحط زيت للفتيس
بس فى العربيات الجديدة الموضوع اختلف كتير سواء بيجو او فولكس او مرسيدس او مازدا او تويوتا

[the-hero]

مش مسألة بيجو يا باشا هى صحيح البيجو والعربيات الاوروبى عموما حساسة من ناحية قطع الغيار الاصلية وخصوصا زيت الفتيس لكن الفكرة هى الفرق بين العربيات القديمة والجديدة زمان كانت كل انواع الزيت متشابهة لكن دلوقتى بقى الزيت بيتعمل بمواصفات خاصة لكل عربية وده بعد فكر ودراسات لتحسين اداء العربيات وعشان يوصل لافضل اداء بالعربية والا كان سابها عادى تشتغل باى زيت
ومش بس المازدا حضرتك مثلا عربية زى البيجو 504 لو حطيتلها زيت تموين هتمشى عادى ومش هتشتكى
وعربية زى البيجو 104 وال 205 زيت الموتور والفتيس واحد يعنى بتغيره من مكان واحد والفتيس والموتور مفتوحين على بعض تحط زيت فى الموتور بيدخل على الفتيس من غير مانت تحط زيت للفتيس
بس فى العربيات الجديدة الموضوع اختلف كتير سواء بيجو او فولكس او مرسيدس او مازدا او تويوتا

كلام سليم ليس عليه غبار

[khaled_rafea]

أفادكم الله, جزاك الله خير

[waleedabbas]

جزانا واياكم
من بعض ما عندكم يا باشا