زيت شل الترا و صوت الموتور !!!

[tareq_khamesy]

بعد ما عملت صيانة ال 1000 كيلو بسلام و غيرت الزيت و اخترت زيت شل الترا 10000
لاحظت ان صوت الموتور اصبح اعلى من ذى قبل
فهل زيت شل الترا هو السبب ولا حد عنده معلومة اخرى ؟

[ecybrarian]

هي عربيتك اتوماتيك؟؟؟ انا مش هاقدر ااكد لك اذا كان السبب هو الزيت. بس هاحكيلك على تجربتي. انا كنت حطيت زيت إمارات مصر (إللي بيتغير كل 5000) وبيحطوه بجهاز مش من جركن ومجاش في بالي ابص على عداد الجهاز علشان اعرف حط كام لتر. ومن بعدها يا معلم وصوت الموتور عالي والـRPM كمان عالي على النقلات مش زي ما انا متعود على عربيتي (اتوماتيك) قلت يمكن من زيت الموتور مش عشان الأتوماتيك بيقيس العزم (التورك) على الموتور، لكن عشان ده إللي حصل من أول ماخرجت من بنزينة إمارات مصر. قمت مغير الزيت لموبيل XHP وكله رجع تمام التمام بحمد الله وفضله

[tareq_khamesy]

لا انا عربيتى مانيوال و الزيت كام من جركن مش جهاز

و شكرا جدا على اهتمامك

[اسلام المصرى]

مبروك حضرتك صيانة الألف :-) ربنا يباركلك فيها.
بالنسبة لموضوع الزيت حضرتك أول واحد أسمع منه أنه حط زيت شل الترا و قال أن صوت الموتور أعلى من الأول :roll: كل الاخوة هنا فى المنتدى و عن تجارب أجمعوا بعد أستخدام زيت شل الترا صوت الموتور وطى! واحد صاحبى معاه فيرنا و حط زيت شل و أول حاجه قالى عليها صوت الموتور وطى! أنا عن نفسى بحط زيت موبيل وان و صوت الموتور عندى عادى و الحمد لله هو هو من يوم ماجبتها. ممكن حضرتك تراجع مقاس الزيت فى الصباح من باب الاحتياط , يمكن الزيت زيادة عندك و ده أعتقد ممكن يخلى صوت الموتور أعلى من المعتاد. خير ان شاء الله لا تقلق. ربنا معاك.

[tareq_khamesy]

انا فعلا اخترت زيت شل بناء على كلام الزملاء ده بس يمكن الزيت اللى كان فيها احسن من شل ..ده زيت الشركة برده
او يمكن اقتراحك ده صح و اهجربه

والف شكر على اهتمامك يا اسلام باشا ... و علم و جارى التنفيذ

[إسلام شاهين]

هو حضرتك أول مرة تغير الزيت ؟

أنا كنت زيك كده وأول لما غيرت الزيت ما حستش بفرق خالص ولكن مع الوقت والاستعمال صدقني هتحس بفرق كويس أنا ديه تاني مرة أغير الزيت وأداء العربية بيتحسن كل شوية وصوتها فعلا بيهدأ بس خلي بالك إن الانسر عموما كلها صوتها عالي مش زي ما حضرتك متخيل ، عموما إنت اخترت وأحسنت اختيار زيت شل لأنه مستورد غير أي زيت تاني بيعبأ في مصر وصدقني مش هتندم .

تحياتي

[tareq_khamesy]

متشكر قوى يا استاذ اسلام على اهتمامك و انا كنت قريت فعلا موضوعك عن تحسن اداء العربية بعد 8000 كيلو
و ارجو ان اداء عربيتى يتحسن انا كمان
و انا فعلا دى اول مرة اغير فيها زيت لان دى كانت صيانة ال1000 كيلو الاولى ... عشان كده انا لاحظت علو صوت الموتور على طول

[اسلام المصرى]

لا شكر على واجب يا أخى العزيز :-) طبعا الزيت اللى جاى من اليابان ده مايتعوضش!!!! على فكره نسيت أقولك أن فى المقابلة اللى فاتت المهندس طارق "مصراوى جدا" قال أن العربية مع تغيير الفلتر بتاخد 3 ك و تلت زيت فقط لا غير , طبعا ما تسألنيش العلامة المفروض تكون فين على مقاس الزيت :roll: :mrgreen: :roll: يوجد فى مقاس الزيت علامتين ولا يجب أن يكون مستوى الزيت أعلى من العلامة التانيه و الله أعلم.

[Nader]

الزيت لازم لا يقل عن العلامة الاولى ولا يزيد عن التانية يعني يبقى بينهم<<.

[اسلام المصرى]

الزيت لازم لا يقل عن العلامة الاولى ولا يزيد عن التانية يعني يبقى بينهم

شكرا جزيلا يا نادر على التوضيح :-)
هو ده النظام فى كل السيارات صح؟ أقصد هو ده المتعارف عليه؟

[Nader]

الزيت لازم لا يقل عن العلامة الاولى ولا يزيد عن التانية يعني يبقى بينهم

شكرا جزيلا يا نادر على التوضيح :-)
هو ده النظام فى كل السيارات صح؟ أقصد هو ده المتعارف عليه؟

ايوة يا اسلام في كل السيارات ومعظم المقايس كمان ... يعني قربة المية قربة زيت الفرامل، زيت الباور،...