عاوز رايكو فى انواع زيوت الموتور

[cyber007]

دلوقتى يا جماعه بعد ما الزيوت غليت بتاعة المحرك والموبيل كل يوم لفوق الواحد بدء يفكر فى انواع تانيه زى توتال و شيل و اسو و كالتكس بس مش عارف هل الاسماء دى كويسه والا الموبيل غالى فعلا عشان مميز عنهم

انا بحترم جدا توتال من شكل محطات البنزين بتاعهتها دايما نضيفه و الزيت بتاعهم بتع ال 3000 بيعمل 65 تقريبا زى الشيل مقابل 87 للموبيل , انا كنت بستعمل موبيل 1 وبغير كل 10000 وسعره تقريبا دلوقتى 220 على ما اظن لو مكنش زاد كمان ياعنى ممكن اغير زيت توتال 3 مرات خلال ال 10000 دول وهيبقو ب 195 جنيه بس الزيت هيتغير 3 مرات احسن ما يفضل ال 10000 مره واحده ولو غيرت 3 مرات موبيل هيبقو ب 260 جنيه


هل فرق السعر يستاهل ؟

[sab3aawy]

الشيل اكثر من ممتاز بس اسعاره هى اساعر موبيل تقريبا

عندك برضه توتال وإمارات مصر ممتازين وارخص

[cyber007]

لا شيل تقريبا ب 65 برضه مش زى موبيل

بس شيل احسن من توتال ؟ وايه وضعهم من موبيل

[sab3aawy]

انا فى رأييى وتجربتى الشخصية ان شيل وتوتال احس من موبيل

لكن ده مجرد رأى شخصى من خلال احساسى بأداء سيارتى، ليس رأي مبنى على خلفية منهجية او تجارب علمية

[Dr_Smart]

مالها زيوت مصر للبترول والتعاون ؟؟؟؟؟؟؟؟ ;)

[Hossam_Hassan]

عن تجربة شخصية و بصفتى واحد عنده هسهس الأحصاء، ارشحلك زيوت امارات مصر ثم شل.

[sab3aawy]

مالها زيوت مصر للبترول والتعاون ؟؟؟؟؟؟؟؟ ;)

انا كنت زمان بحط مصر للبترول فى ال128 وكان مش بطال بس معرفش ايه ظروفه ديلوقتى

لكن التعاون معجبنيش خالص، كنت بستعمل التعاون الثقيل درجة SAE50 للمحركات القديمة كان بيتبخر بسرعة وبيحل بسرعة جدا، فى حين ان مثيله من نفس الدرجة SAE50 من شل( إسمه شل X100)اكثر من رائع بشوية ، فى نفس المحركات كان بيقعد لحد ما اكرهه لا يتبخر ولا يحل

[Islam_galal]

مالها زيوت مصر للبترول والتعاون ؟؟؟؟؟؟؟؟ ;)

ابعد عن الشر و غنيله

(انا فى رأييى وتجربتى الشخصية ان شيل وتوتال احس من موبيل)

نفس الرأي بس علي امارات مصر

[cyber007]

بصراحه امارات مصر والاسم لوحده كفايه انا بحب اى حاجه فيها امارات

بس فى مشكله ان معندناش امارات مصر خالص فى المنصوره ومحطاتها فى القاهره وطرق اسكندريه بس

عندنا موبيل وتوتال وشيل واسو والتعاون بقه والحاجات دى

امرات مصر دا مش عارف عندنا فين لو حد يعرف

[badblood]

شل ممتاز ممتاز من اقدم الشركات في مجال الزيوت وبحسه انه افضل نوع
وهو 68 جم 3000 ;)

[cyber007]

محدش كده قال كلمه وحشه على شيل

[paladin]

i am using co-op for over 2 years with no problem

[eng_mkhalaf]

أنا بحط موبيل XHP من زمان بس ناوى أن شاء اللة اجرب شيل 3000 وأشوف النتيجة

[cyber007]

انا ناوى اعمل حملة لمقاطعة موبيل :D


بأذن الله من المره الجايه اغير ل شيل او احاول اجيب امارات مصر من حد جاى من القاهره

[معاذ الشرباصى]

انا استعملت توتال و هو ممتاز (اللى بيتغير كل 10الاف)