الزيييييت الزيييييييت خلاص قرفت

[mr57444]

ياريت تفيدوني يا شباب ايه الزيت الأنسب للماتريكس 2006 مانيوال ؟
جربت موبيل وان ابو 3000 كيلو ب100 جنيه و جربت نوع 10000 كيلو مش فاكر اسمه ب 235 جنيه و حاسس ان كله شبه بعضه
في ناس بتتكلم على كالتكس 2000 كيلو و بـ 35 جنيه
ده كويس و لا في انواع تانية احسن و أوفر ؟؟

[Lion_Heart]

طبعا افضل حاجة هوه الزيت التخليقى شل الترا و ده بيعمل حوالى 220 جنيه وده حد اقصى ليه 9 - 10 شهور او 10000 كم

زيت معدنى شل هيلكس الجركن الاصفر ب 100 جنيه وده حد اقصى ليه 5 -6 شهور او 3000 كم

لو حالة موتورعربيتك ممتازوبحالته استخدم تخليقى
لو مش اد كده و مستهلك او مش ضامنه استخدم معدنى

زيوت شل هى الافضل الان بالسوق
و استقر على زيت واحد ومش كل مرة تغير الانواع
عند تغير نوع الزيت غير الفلتر كمان بالمرة

[mr57444]

ايه الفرق بين التخليقي و المعدني بإختصار لو سمحت عشان مش فاهم ؟؟

[SAMEH_FOUAD]

زيت شيل الترا ب235 جنية ودة زيت تخليقى
وطبعا احسن بكتير للمواتير الحديثة
والفرق بين الزيت المعدنى والتخليقى باختصار
الزيت التخليقى فى اضافات اكتر ,بيقعد اكتر ,بيحافظ على الماتور اكتر,عملية التزييت فية سريعة وبيستحمل الشغل فى درجات حرارة عالية لحد 50 درجة ,وفى البرودة لحد 5 درجة

[SkyBird]

انا سمعت ان اللي بيستخدم معدني ميغيرش لتخليقي
لان الزيت التخليقي بيتعب الموتور اللي تعود على المعدني

ياريت حد من الخبراء يؤكد المعلومة دي او ينفيها

[SAMEH_FOUAD]

لاينصح بتخليط الزيوت حتى لو من شركة واحدة بس طبعا الانواع مختلفة
بالنسبة للتحويل من معدنى الى تخليقى او العكس عادى جدا
بس بتعمل حاجة اسمها فلاشنج للماتور وبتضيف المادة دية على الزيت اللى هايتم تغيرة وبعد كدة تفتح الطبة هاتنزل كل الزيت اللى موجود فى العربية مش هتخلى فية نقطة وبعد كدة تحط الزيت الجديد وطبعا معاة الفلتر بس طبعا موضوع الفلاشنج دة مضر للماتور لو استعملتة اكتر من مرة
بس اهم حاجة بعد كدة تثبت على نوع زيت معين

[SkyBird]

لاينصح بتخليط الزيوت حتى لو من شركة واحدة بس طبعا الانواع مختلفة
بالنسبة للتحويل من معدنى الى تخليقى او العكس عادى جدا
بس بتعمل حاجة اسمها فلاشنج للماتور وبتضيف المادة دية على الزيت اللى هايتم تغيرة وبعد كدة تفتح الطبة هاتنزل كل الزيت اللى موجود فى العربية مش هتخلى فية نقطة وبعد كدة تحط الزيت الجديد وطبعا معاة الفلتر بس طبعا موضوع الفلاشنج دة مضر للماتور لو استعملتة اكتر من مرة
بس اهم حاجة بعد كدة تثبت على نوع زيت معين

تمام ياباشا
كلام منطقي

[mr57444]

انا بستخدم موبيل وان 10000 كيلو ده كويس ؟؟

[kemoelord]

يعني يا جماعه زيت ال 10000 ك بيقعد من 9-10 شهور فقط مش يعني 6 شهور زي ما الناس بتقول او سنه كامله ؟!؟

[SAMEH_FOUAD]

ينصح ان اى كان نوع الزيت مايقعدش فى العربية اكتر من 8 شهور ودة عشان التفاعل الكيمياىء وعوامل الاكسدة مابين مكونات الزيت ومكونات الماتور

[M.Zaher]

جرب الفيسكو
ملهوش حل زيت جامد جدا جدا

[m.aligamal]

ايه الفرق بين المعدنى و التخليقى انا بستخدم موبيل 1000

[m.aligamal]

و ياريت يجماعه توضيح هل هناك طريقه لمعرفه تغير الزيت غير عدد الكيلوات

[SAMEH_FOUAD]

لما يسود ,ويبقى عامل زى المية حتى والعربية باردة

[م.محمد مختار]

انا سمعت ان اللي بيستخدم معدني ميغيرش لتخليقي
لان الزيت التخليقي بيتعب الموتور اللي تعود على المعدني

ياريت حد من الخبراء يؤكد المعلومة دي او ينفيها

أي حد يقولك إن الماكينات بتتعود على حاجة فهو بيضحك عليك...
العربية لا بتتعود على البنزين ال80 ولا ال90 و لا الموتوربيتعود على نوع الزيت و لا حتى الغسالة بتتعود على مسحوق الغسيل....
كل ده وهم وخداع....
الماكينات مابتتعودش على حاجة.
لو استخدمت أحسن حاجة في الدنيا حتصونها... ولو حطيت بعدها حاجة زبالة ممكن تتعب و لو رجعت لحاجة كويسة الضرر هيتوقف وترجع تشتغل عادي.... كده يعني لكن مش مسألة تعود...
وبالنسبة للبنزين (للي بيحط 80ساعات) برضه المسألة مش تعود لكن ال80 له ضبطة كهرباء و ال90 له ضبطة تانية
فلو ظبطه كل ماتحول من ده لده مش حتحس بفرق (طبعاً لو العربية قديمة فقط) ولو قعدت تديها 95 سنة كاملة ورجعت بعد كدة لل80 مش حتزعل منك ولا حتخاصمك لأنها مكنة مش بتحس ولا بتتعود!!