أرجو الافادة فى زيت فيسكو

[ahmadhussein]

السلام عليكم ورحمة الله وبركاته ....

يا جماعة انا امبارح كنت بغير زيت وحطيت زيت فيسكو موتور اويل بعد ما ناس كتير قوى فى المنتدى شكرت فيه وبالفعل دى تانى مرة احط فيها الزيت بس المرة الاولى العامل فى البنزينه قالى انه بيقعد 3000 كم وهنا فى المنتدى المهندس الفاضل كان قايل لى انه بيقعد 5000 كم بشرط سلامة الماتور ..... المهم انا نزلته على 3000 كم وحطيت امبارح تانى منه بس المرة دى غيرته عند الميكانيكى بتاعى ...

المهم اول ماجيبت الجركن وبغير الزيت الميكانيكى اول كلمة قالها الزيت ده لزوجته خفيفه قوى ( ده اخف من موبيل ) قولته له طيب وفيها ايه قالى استحالة ده يقعد 5000 كم او حتى 3000 كم ده بكتيره تقعده 2000 كم بس . وقالى هو ممكن يبقى زى موبيل يبقى خفيف بس لما تمشى بالعربية بيتقل شويه وبالفعل روحت مشوار ورجعت له بص عليه وشافه قالى لاء يا بيه الزيت عامل زة الميه نصيحتى قعده 1500 او 2000 كم بالكتير ...

انا بصراحه مش عارف يا جماعه اعمل ايه واسمع كلام مين ؟؟؟؟ فياريت لو حد مجربه كتير ومتاكد منه يفيدنى فى الموضوع ده وهل لو غيرت لفيسكو 2000 هيبقى احسن ولا لاء ولزوجته اعلى ولا لاء ؟ واغيره على كام علشان ابقى فى المضمون ...

ارجو الافاده من اهل الخبرة ...

وشكرا جزيلا مقدما لكل الاعضاء الكرام .

[M.Zaher]

انت بتحط زيت فسيكو ايه
فيسكو ngv ده 3000 كلم
فيسكو 2000 ده معدني وبيقعد ل 5000 كلم
فيسكو 3000 نصف تخليقي و بيقعد ل 8000 كلم
فيسكو 5000 تخليقي وبيقعد 15000 كلم

مع العلم ان فيه ناس جربوا اكتر من كده و كان الزيت نازل تمام

[ahmadhussein]

- فيسكو موتور اويل هو زى فيسكو Ngv بس ده للبنزين مش للغاز .

- المشكلة مش فى الزيت اللى نازل ... لاء ده الميكانيكى بيعترض على الزيت اللى لسه بيتحط هو جديد بيثولى انه خفيف قوى واستحالة يقعد معاك لــ 5000 كم او حتى 3000 كم ده بكتيرة 2000 كم .

[M.Zaher]

ياباشا سيبك من الميكانيكي و روح حط الزيت في محطة الغاز احسن
وبعدين هما ادري بالزيت بتاعهم مش كده ولا ايه

[أبو صلاح]

فيسكو 5000 تخليقي وبيقعد 15000 كلم

مع العلم ان فيه ناس جربوا اكتر من كده و كان الزيت نازل تمام

سعره كام ده ؟

[fouaa]

انا سمعت حاجه كده وعايز اعرف دى حقيقه ولا لا سمعت ان زيت فيسكو ده اصلا زيت كاسترول وعشان هو ممنوع من دخول مصر بيعبوه فجراجن باسم فيسكو وعن تجربه زيوت فيسكو هو ممتاز بجد بس هل فعلا هو كاسترول ؟ ولا ده حاجه تاينه

[M.Zaher]

سعره كام ده ؟

215 جنيه

[M.Zaher]

انا سمعت حاجه كده وعايز اعرف دى حقيقه ولا لا سمعت ان زيت فيسكو ده اصلا زيت كاسترول وعشان هو ممنوع من دخول مصر بيعبوه فجراجن باسم فيسكو وعن تجربه زيوت فيسكو هو ممتاز بجد بس هل فعلا هو كاسترول ؟ ولا ده حاجه تاينه

فعلا الكلام ده صحيح
كاسترول علامه تجاريه من شركه pb بتاعت فيسكو

[yuyu0000yuyu]

انا سمعت حاجه كده وعايز اعرف دى حقيقه ولا لا سمعت ان زيت فيسكو ده اصلا زيت كاسترول وعشان هو ممنوع من دخول مصر بيعبوه فجراجن باسم فيسكو وعن تجربه زيوت فيسكو هو ممتاز بجد بس هل فعلا هو كاسترول ؟ ولا ده حاجه تاينه

ايه الكاسترول وليه ممكنوع من دخول مصر

[ahmadhussein]

ياباشا سيبك من الميكانيكي و روح حط الزيت في محطة الغاز احسن
وبعدين هما ادري بالزيت بتاعهم مش كده ولا ايه

ياباشا يعنى مغيرش لفيسكو 2000 احسن ولا هو هو نفس اللزوجه ولا ايه ؟؟؟ ياريت تفيدنى وهل هو 3000 كم ولا 5000 كم زى ما المهندس الفاضل اللى شغال فى Bp بيقول هنا فى المنتدى ؟؟؟؟؟؟؟

[hobaz]

اللي اعرفه ان موتور اويل بيعد 3000 كيلو والله اعلم......

[M.Zaher]

ياباشا يعنى مغيرش لفيسكو 2000 احسن ولا هو هو نفس اللزوجه ولا ايه ؟؟؟ ياريت تفيدنى وهل هو 3000 كم ولا 5000 كم زى ما المهندس الفاضل اللى شغال فى bp بيقول هنا فى المنتدى ؟؟؟؟؟؟؟

بص خش على الموضوع بتاع محمد التازي و خد رقم تليفونه و اتصل بيه وهوه يفيدك اكتر

[khaled_sabry]

بص خش على الموضوع بتاع محمد التازي و خد رقم تليفونه و اتصل بيه وهوه يفيدك اكتر

ياريت تقولنا وصلت لأيه لأنى بفكر احط الزيت ده المره اللى جايه فى تغيير الزيت

[أبو صلاح]

انا في عربيتي البرايد اللي كانت معايا
كنت بروح احط الزيت السايب
كان بيقولي في المحطة انه تصنيع اماراتي

بس كان جميل جدااااااااا
كان مظبطلي آداء العربية

كان الليتر ب 12.5

وجربته في لانسر كريستالة وسافر بيها شرم وشكر فيه جدا

اما بخصوص اللي بيقعد 15000 لسه عايز اجربه

[A.Saad]

انت جايبه منين الاول
علشان ما يكونش تقليد