ايه رأيكم فى زيوت كالتكس ؟

[sherif_84]

كنت عايز أعرف رأيكم فى زيت كالتكس اللى بيقعد 5000 كم وسعره 80 جنيه
ده كويس ولا أخلينى فى موبيل سوبر اللى بـ 85 جنيه والجركن بتاعه بيبقى مسروق منه الربع ؟؟؟!! بجد بيبقى مسروق منه ربع الكمية وبيقعد 3000 كم
فانا محتار بين كالتكس أو موبيل سوبر

[eng_mkhalaf]

طب لية مفكرتش فى شل

[HESHAM AMIN]

ما قولتليش يا باشمهندس محمد اخبار زيت شل معاك اية

[eng_mkhalaf]

هشام بية - انا بصيت على الزيت عندى لقيتى كويس يعنى قدامة بتاع 1000 كيلو مستريح - فقولت حرام 100 بندق أدفعهم دلوقتى أستنى شوية علشان مبقاشى مفترى - بس أوعدك ممكن قريب لما المرتب ينزل ممكن أسخن وإعملها

[HESHAM AMIN]

هو فية بندق بيتوزع مع المرتب ولا اية
اصل الشركة عندنا بتدى كل اول شهر عصافير
وبطير منى يوم ما اخدها

[eng_mkhalaf]

هو فية بندق بيتوزع مع المرتب ولا اية
اصل الشركة عندنا بتدى كل اول شهر عصافير
وبطير منى يوم ما اخدها

:D:D
أنت بيطيروا منك أنا بكلهم كلهم وبالذات على طلبات الحكومة التى لا تنتهى

[Nader]

شريف انا دلوقتي حاطط زيت كالتكس اللي انت بتقول علية وكنت حاطط قبلة موبيل xhp بس دلوقتي الموتور صوتة انعم معرفش لية ... يعني لو عاوز تغير يا تحط
كالتكس يا تجرب شيل بس بلاش موبل احسن.

[sherif_84]

شكرا يانادر باشا على الرد خلاص أنا هحط كالتكس اللى بيقعد 5000 كم وان شاء الله يكون كويس وهى شكلها كده مش هحط موبيل تانى
محمد خلف شكرا لردك وان شاء الله أجرب شل هيليكس ألترا فى النوبيرا

[eng_mkhalaf]

على البركة مستنيين التقييم بتاعك

[Ahmad Allawy]

هات كالتكس.. هافولين ولا ديلو جولد.. واقعد بيه علي الاقل 10000 ايوة 10 الاف كيلو وانت مطمن..
ولو مش واثق في الرقم.. تابع المقال اللي موجود علي المنتدي العام..

[Hossam.Hamdy]

زيت كالتكس زى الفل انا بستخدمه دائما و مفيش منه مشاكل..
ازيك يا Allawy

[Dr_Smart]

يعني كالتكس احسن ولا توتال ؟؟؟؟ للناس اللي جربو الاتنين

اصل توتال كوارتز 5000 لزوجته مش مرتاحلها

[أبو_حمزة]

[يعني كالتكس احسن ولا توتال ؟؟؟؟ للناس اللي جربو الاتنين]

انا استخدمت ال2 و عمرى ما حسيت بفرق بينهم

[mohamed777]

طيب مين الاحسن للناس المجربة شيل الاصفر ولا كالتكس ؟

[agwaa]

طيب مين الاحسن للناس المجربة شيل الاصفر ولا كالتكس ؟

السلام عليكم
إزاياك يا متر
المازدا عاملة معاك إيه لو عزت أي شئ فيها قوللي
بالنسبة للزيوت بقى شل لا يعلى عليه بكل أنواعه وعن تجربة في كذا نوع في الشل
_ مثلاً لو العربية موتورها خفيف وأياً كان نوعها وموديلها يبقى شل x100 وبشهادة الجميع أو شل d50 السايب أبو جركن أبيض والكيلو ب 11 جنيه
_ أنا بعد ما عملت نصف عمرة هستخدم إن شاء المولى شل الأصفر الجركن 4 لتر ب 98 ( السعر دة كان بالأمس ) وبيتغير بعد 5000 كيلو
_ أما كالتكس كان ليا جار زمان كان عنده تاكسي وكان بيقول أن كالتكس بيبقى عامل زي التراب ( أعتقد إن الكلام ساعتها كان على الكالتكس العادي )