الى الأستاذ سميرعياد بخصوص زيت فيسكو

[medo980]

السلام عليكم
استاذى الفاضل سمير بك رياض انا كنت عايز اعرف اخبار زيت فيسكو معاك ايه انا متابع مواضيعك ومستنى تقيمك للزيت عشان عايز اغير بس خايف فياريت تقولنا اخبار الزيت معاك ايه وانطباعك ايه عنه واخبار الموتور معاه

[samirayad]

الحقيقه زيت فيسكو

الى الآن عملت بيه حوالى 700 كم

وأنا شايف الزيت ده

لا يقل فى الجوده عن الشركات العريقه زى موبيل أوشيل

بل قد يمتاز عنها

فى الأحساس بهدوء صوت المحرك النسبى

بالأضافه لكونه أقل سعرا

وخصوصا فيسكو 2000 مقارنه بموبيل xhp


وجارى متابعة الآداء

كما أن ملمس الزيت يشعرك بتوافر نسبة لزوجه أكثر من موبيل حقا

[medo980]

الف شكر يا يشمهندس على اهتمامك وسرعة الرد

[essam_shaaban]

احب اؤيد كلام العضو الفاضل سمير حيث اني استعملت زيت فيسكو2000 مرتين وكل مرة كنت بنزله علي 5000 كيلو وعامل البنزينة اللي مش كار جاس بنزينة اخري يقولي حضرتك بتنزله ليه خسارة ده لزوجته زي ماهيه ، اقوله كفاية كده عليه
فهو زيت قوي فعلا وعرقه شديد ولزوجته عالية الي جانب انه مناسب لاجوائنا وسعره مناسب اعتقد 74 جنيه

لكن للاسف انا نقلت علي زيوت عادية تقيلة لان الزيت بينقص وانا مش عارف بينقص من ايه لسه هكشف كلام يقول طقم شنبر وكلام يقول تسريب اولسيهات وجوانات مش عارف لسه ...

انما زيوت الامارات بصراحة لزوجتها وكثافتها مش عالية بحس انها بتتبخر بعد فترة ولزوجتها مش قوية

والله تعالي اعلا واعلم

ورمضان كريم

[semsem_inside]

السلام عليكم

هو زيت فيسكو 2000 ده يا جماعة معدنى ولا تخليقى

[samirayad]

زيت معدنى ولا يقل فى الجوده عن موبيل xhp

وأقل منه فى السعر حوالى 30 ج فى الجركل

[Ahmad]

ممكن أعرف أماكن بيع زيت فيسكو ؟
و كمان أنواعه و كل نوع بيتغير كل كام كيلو؟

شكرا.
أحمد

[samirayad]

أطلع على هذا التوبيك

http://www.nilemotors.net/Nile/124594-a.html

[semsem_inside]

شكرا على الرد

عندى استفسار كمان بعد اذنك

أنا حاليا بستعمل زيت توتال 3000 . هل ده كويس ولا فى حاجة فى السوق أفضل منه

يعنى مثلا بالمقارنة بينه وبين فيسكو 2000 و موبيل xhp ايهم أفضل

والنقطة الأخيرة هى أنا كنت بشترى زيت توتال كان مكتوب على العبوة توتال كوارتز 3000 لما جبته آخر مرة لقيت مكتوب على العبوة توتال موتور أويل فهل هو نفس الزيت ولا مختلف