حد جرب زيت التعاون xpl sl

[ahmedezzat666]

انا اول مره استعمل زيت التعاون xpl sl
اللى هو لونه اصفر و ب 68 جنيه
بس مش عارف اغيره على كام كيلو و هل هو زيت كويس ولا اى كلام
انا اشتريته لما لقيت مكتوب عليه لزوجه 50

[ahmadhussein]

بصراحة انا مجربتهوش بس شوفته قبل كده وسالت عليه الراجل بتاع الزيت قالى ان سعره 68 ج وبيقعد من 2500 كم لـ 3000 كم والاحسن انك تنزله على 2500 كم احتياطى .

بس احب اقولك ان زيت فيسكو 2000 بيقعد 5000 كم وبــ 72 ج فقط واحسن بكتير من التعاون وبيعادل موبيل XhP

انا عن نفسى بستعمله وعلى فكرة انا معايا نفس عربيتك ريجاتا 85 S

[ابوهاشم]

انا كنت بستعمله دايما وهو كويس جدا وبتوع البنزينه
بيقولو تغيره على 5000ك لكن طبعا انا كنت بغير على
3000ك كفايه لكن دلوقتى بستعمل فيسكو 3000
وشكلى كده هستمر عليه لان ادائه افضل

[m000dy]

الجركن الازرق هو اللى بيقعد 3000 كيلو
والاصفر بيقعد 5000 كيلو
والزيت عموما لزوجته كويسه وشغال كنت بستخدمه وفى ناس كتير بتستخدمه
واللى محدش كتير يعرفه بما انى ساكن جنب شركات البترول وزميلى كمان شغالين فيها كتير
ان التكنولوجيا اللى بيتصنع بيها زيت شل هى هى اللى بيتصنع بيها زيت التعاون الا ان الموضوع بيفرق فى درجات التكرير والنقاء
لكن بصفه عامه الزيت ده اتنقل نقله كبيره شكلا وموضوعا من 6 سنين لو تفتكروا زيت التعاون كان ايه
ده كان الزيت السايب احسن منه هههههههههههه