زيت موبيل مغشوش

[abo_lamar]

السلام عليكم ورحمه الله وبركاته
هو يا شباب ممكن يكون في زيت موبيل مغشوش ؟؟
الحكاية اني من يومين غيرت زيت موبيل xhp في محطة بنزين موبيل اللي في ميدان النعام في المطرية ,
ولاحظت ان الزيت المرة دي مش اصفر ذهبي زي كل مرة لكن لونه مائل قليلا جدا للرمادي حتى انا استغربت ولمست الزيت بطرف صباعي مش عارف حسيت انه في زي ذرات تراب .
طبعا اتخانقت معاهم بس هما اكدوا ان الزيت مفيهوش حاجة وهو كده طبيعي , العربية ماشية كويسة بعد غيار الزيت بس مش عارف انا بصراحة مقلق اوي وخايف ليكون الزيت ده مغشوش ويحصل مشكلة بعد كده في العربية ....
أعمــــــــل أيــــــــه دلــــــــوني ؟؟
وشكراً

[أبومعاذ]

ممكن يكون متخزن بقاله فترة او في ظروف سيئة او الاتنين عموما البنزينة دي من ايام ما كانت اسو وهي زي الزفت

[abo_lamar]

عموما البنزينة دي من ايام ما كانت اسو وهي زي الزفت

والله حضرتك جبت من الأخر بس باين عليك من أهل المنطقة يعني جاري

[mhmdalsaadany]

فعلا في زيوت بتكون مغشوشه وبيضاف ليها لون بس عمرها ما بترجع للونها الاصلي وبيعاد قفل الجركن مره اخري بس انت لو فكيت الجركن من القفل اللي تحت من غير ما تكسر البرشام وطلع معاك بسرعه اعرف انه مغشوش لكن لو سليم الغطا من تحت بيكون ماسك نفسه كويس ولازم البرشام بتاع الجزء اللي فوق يتكسر ويفك الغطا معاك والله اعلم
دي تجربه حصلت معايا والميكانيكي جربها قدامي وقالي ان الراجل دا بيبيع زيت مغشوش وانا مصدقتش قام جايب جركن من عنده وعمل كدا وطبعا بيتقفل زي ما كان ورجعه وجاب من واحد تاني طلع سليم والله اعلم
بس عموما دا بيحصل لو جبت زيت من بره مش من بنزينه ودا للعلم فقط

[mr_sameh]

ممكن يكون مغشوش لية لا

[Abo_Lina]

بيبان من صوت الموتور

[eng.m7md.ali]

للاسف مبحطش بنزين من عندهم حتى علشان اللي عملو في عربية صحبي حطولو 90 بدل 92

[salmabash]

انا موظف في الشركة و مستحيل اننا نغش الزيت لان عندنا سياسة جودة ممتازة و علي العموم يا ريت تكلم 27916200خدمة العملاء للزيوت و قدم شكوي و حيتحقق فيها و يتم الرد عليك

[amro1965]

انا النهاردة غيرت زيت فيسكو 2000 بعد ماقرات عنه
بصراحه الزيت لونه ذهبى عكس زيت موبيل اللى كنت مغيرة
كنت بغير موبيل الابيض اللى ثمنه الان 60 جنيه على 1500 : 1800 كيلو
اما زيت فيسكو 2000 ثمنه 75 جنيه ولما سالت فنى البنزينة قالى يعمل معاك 6000 كيلو وفى المنتدى بيغيروه على 10000 كيلو
بحسبه بسيطة خلينا على الاقل 6000 كيلو بيبقى ممتاز

[abo_lamar]

انا موظف في الشركة و مستحيل اننا نغش الزيت لان عندنا سياسة جودة ممتازة و علي العموم يا ريت تكلم 27916200خدمة العملاء للزيوت و قدم شكوي و حيتحقق فيها و يتم الرد عليك

شكرا لأهتمام حضرتك بالموضوع

[د.محمود صلاح]

حتى الزيت وصل له الغش ؟؟!!

[amro1965]

نصيحة خدتها من المنتدى العظيم
قبل ماتعمل حاجة فى عربيتك اسأل واستشير قبل الوقوع فى المحظور
وبسم الله ماشاء الله عندنا نخبه ممتازة وفاهمه وتقدر تدل على الصح

[rocker]

السلام عليكم ورحمه الله وبركاته
هو يا شباب ممكن يكون في زيت موبيل مغشوش ؟؟
الحكاية اني من يومين غيرت زيت موبيل xhp في محطة بنزين موبيل اللي في ميدان النعام في المطرية ,
ولاحظت ان الزيت المرة دي مش اصفر ذهبي زي كل مرة لكن لونه مائل قليلا جدا للرمادي حتى انا استغربت ولمست الزيت بطرف صباعي مش عارف حسيت انه في زي ذرات تراب .
طبعا اتخانقت معاهم بس هما اكدوا ان الزيت مفيهوش حاجة وهو كده طبيعي , العربية ماشية كويسة بعد غيار الزيت بس مش عارف انا بصراحة مقلق اوي وخايف ليكون الزيت ده مغشوش ويحصل مشكلة بعد كده في العربية ....
أعمــــــــل أيــــــــه دلــــــــوني ؟؟
وشكراً

اسحب مقاس الزيت وخد منه عينة
وبعد كدة احكم علية
وطبعا انتا معاكش فاتورة من المحطة بالزيت يعنى مش حتعرف ترجع عليهم بأى حاجة
يبقى الحل العينة وتتأكد من ان الزيت تمام او لا
وصوت المكنة عامل ايه
وعوضك على ربنا

[amado318]

الى بيغش الزيت مش المحطه نفسها العما ل الى فى المحطه اصل صحبى كان شغال فى موبيل فرع كدة فى مكان شعبى بيخلطوا الزيت الغالى بزيت رخيص ويسرقوا فرق الفلوس علشان كدة لونه بيكون متغير متخفش مش هيعمل حاجه فى العربيه بس اخرك 2000 كيلو وغيرة وتعيش وتاخد غيرها ولما تشترى زيت اتاكد انه محكم وياريت تفتحه بنفسك لان العامل بيجيب الزيت وزى الحاوى هبه اتفتح قدام عينك شغل محترفين بقه

[أبومعاذ]

حتى الزيت وصل له الغش ؟؟!!

يا دكتور اللي خلاهم يغشوا لبن الاطفال مش هيغشوا الزيت