زيت كاسترول والميجان

[Elsarrawy]

انا بقالي فترة بعمل الصيانة الدورية للميجان بنفسي بره التوكيل جنبنا في صقر قريش واحياناً في الحرفيين

وكنت بحط زيت موبيل 1 بقالي مرتين كده بعد التوكيل ما كان بيحط زيت توتال

المهم انا كنت قرأت الموضوع دا عن زيت كاسترول
http://www.nilemotors.net/Nile/153782-a.html
ودا عن زيت فيسكو
http://www.nilemotors.net/Nile/124594-a.html

والاثنين من انتاج شركة British petroleum والكاسترول بيتعبأ في الامارات لكن موبيل 1 بيتعبأ في مصر

والصراحة الناس الي جربوا الزيوت دي بتشكر فيهم جداً عن الزيوت الي احنا بنستخدمها

قولت اشوف ابه الحكاية روحت دخلت على الموقع بتاعهم دا وقولت اشوف الميجان بيتحطلها زيت ايه http://www.castrol.com/castrol/iframe.do?categoryId=9033469&.......Id=7061487

لاقيت كاسترول ايدج انسب زيت ليها وكمان كاتبين نوع زيت الفيتيس الاوتوماتك المناسب ليها ايه

امبارح نزلت عند الفاخوري في الحرفيين وجبت زيت كاسترول ايدج سعر الخمسة لتر 345 جنيه (سعر الـ 4 لتر 260 جنيه واللتر 85 جنيه) والزيت دا زيت تخليقي ممكن تغيره عند 15000 كم بدون اي مشاكل او قلق ومكتوب في الموقع انه ممكن يفضل في الميجان لحد 30000 كم كحد اقصى او 12 شهر

التجربة مفيدة جداً لأن فعلاً صوت الموتور هادي جداً عن الأول بشكل ملحوظ ومقارنة بزيت موبيل 1 عند بداية تغييره فهو اهدى أيضاً بس مش بشكل كبير

انا حبيت انقلكم الصورة وان شاء الله اثناء استخدامه وعند تغييره هاقولك ملاحظاتي عليه

[ecybrarian]

حاول برضه تراقب نسبة البخر عن طريق مستوى الزيت في العداد..هو انا سمعت إن الزيت مش بيتبخر لكن خواص إعادة تخليق الزيت هي إللي تخللي مستوى الزيت يقل..الكلام دا صح ولا فتي؟؟

[Ahmedhussein007]

شكرا ليك على نقل تجربتك بس ايه اخبار ازيت معاك يعنى مشيت بيه كام الف لسه صوت الماتور ناعم ولا لا وهوه افضل ولا توتال لانى هاغير زيت قريبا جدا

[yalahwy2010]

والله انا قدامى يا اشرف 2000 كم واعمل صيانة ال 1200000
فا هغير زيت ان شاء الله....فا فى ال 2000 كم دول اعمل حسابك تدينى تقرير كامل عن الزيت ده...عشان لو كدة هغير موبيل واجيب كاسترول ان شاء الله
وربنا يسهل ويطلع كويس

[Elsarrawy]

حاول برضه تراقب نسبة البخر عن طريق مستوى الزيت في العداد..هو انا سمعت إن الزيت مش بيتبخر لكن خواص إعادة تخليق الزيت هي إللي تخللي مستوى الزيت يقل..الكلام دا صح ولا فتي؟؟

والله يا هشام باشا انا اول مرة اجربه بس من كتر الناس ما بتشكر فيه قولت اجرب واشوف ايه الي ممكن يحصل

والراجل الي روحت عنده علشان افضى الزيت القديم واحط الزيت دا برغم انه عنده زيوت كتير جداً وماعندوش زيت كاسترول بس شكرلي فيه جامد جداً وقالي انه زيت ممتاز ومن احسن الزيوت الي في السوق بس فيه ناس كتير ماتعرفوش

وبرغم اني كنت متوقع يقولي العكس انه زيت وحش والأنواع الي عندي احسن وكلام من هذا القبيل

وكمان الشركة المنتجة bp من اشهر الشركات البترولية الانجليزية في العالم في الوقت الحالي والناس بتشكر في خدماتهم وكون ان شركة كاسترول تقول في موقعها ان الزيت ممكن يفضل في الميجان 30000 كم او 12 شهر دي في حد ذاتها مسئولية قانونية عليهم ودي مش شركة صغيرة علشان تحط نفسها في موقف زي دا علشان تبيع

وطبعاً فولكس فاجن مش شركة صغيرة علشان تخاطر باسمها مع منتج زيت زي كاسترول وتوصي بيه في جميع سيارتها على مستوى العالم

وانا مقتنع بكلامك في موضوع التبخر دا وان شاء الله هاتابعه واوافيكم بنتيجة التجربة حتى النهاية بإذن الله تعالى

[Elsarrawy]

شكرا ليك على نقل تجربتك بس ايه اخبار ازيت معاك يعنى مشيت بيه كام الف لسه صوت الماتور ناعم ولا لا وهوه افضل ولا توتال لانى هاغير زيت قريبا جدا

الزيت لسه جديد بالنسبالي واول مرة استعمله كان من يومين ودا نتيجة تجربة زملائنا الأعضاء في اللينكات بالأعلى

لكن ان شاء الله هابلغكم بالنتيجة مع الوقت وعند تفريغه ان شاء الله

[Elsarrawy]

والله انا قدامى يا اشرف 2000 كم واعمل صيانة ال 1200000
فا هغير زيت ان شاء الله....فا فى ال 2000 كم دول اعمل حسابك تدينى تقرير كامل عن الزيت ده...عشان لو كدة هغير موبيل واجيب كاسترول ان شاء الله
وربنا يسهل ويطلع كويس

يا باشا اعتبر التقرير في ايدك من دلوقت ما تقلقش

بس بما انك بتعمل في مجال البترول ايه رأيك في شركة bp وسمعتها في العالم

[yalahwy2010]

احنا الشريك الأجنبى للشركة اللى انا بشتغل فيها هى ال bp
وسمعتها جامدة جدا جدا جدا.....يعتبر تانى شركة او تالت شركة على مستوى العالم
بس يعنى الزيت ده متوافق مع طبيعة الجو فى مصر ....؟؟؟
ولا ايه؟؟؟؟

[Elsarrawy]

احنا الشريك الأجنبى للشركة اللى انا بشتغل فيها هى ال bp
وسمعتها جامدة جدا جدا جدا.....يعتبر تانى شركة او تالت شركة على مستوى العالم
بس يعنى الزيت ده متوافق مع طبيعة الجو فى مصر ....؟؟؟
ولا ايه؟؟؟؟

يا باشا فولكس فاجن اعتمدته بالفعل لسيارتها الي في مصر

يعني حضرتك لو روحت اي فرع من فروع فلوكس فاجن الي في مصر او المراكز المعتمدة هاتلاقي زيت كاسترول بيستخدم هناك

مش بس كده

دا الباسات التربو الجديدة بيتحطلها زيت كاسترول ايدج سبورت ودا زيت ممتاز جداً (افضل زيت كاسترول على الاطلاق) خاصة للعربيات التربور الحديثة ودا سعر الـ 4 لتر 350 جنيه يعني بتمن الـ 5 لتر بتوع عربيتنا

وخلي بالك التربو يعني حرارة عالية جداً أعلى من درجة حرارة المواتير العادية بتاعتنا لأنه بياخد من العادم ويتضغط الهواء في المحرك

عموماً يا فهمي باشا انت لسه قدامك 20000 كم اكون انا عملت على الأقل زيهم بعربيتي واقولك على النتيجة ان شاء الله

[osamasindbad1]

ممكن يا استاذ اشرف تعرفنا بتعمل الصيانه عند مين في صقر قريش وبتغير الزيت عند اللي بتعمل عنده الصيانه ولا بتغيروا في بنزينه لاني انا لسه شاري العربيه من 3 شهور وعايز اغير لها الزيت على اخر الشهر لاني مسافر وها انزل مصر على اخر الشهر وبالنسبه لموضوع 12 شهر انا باسافر 6 شهور في السنه عشان كده استهلاكي في العربيه مش كبير يعني بالكتير 10 الاف كيلو في السنه يبقى برضه اغيره كل 12 شهر وشكرا

[Ahmedhussein007]

الزيت لسه جديد بالنسبالي واول مرة استعمله كان من يومين ودا نتيجة تجربة زملائنا الأعضاء في اللينكات بالأعلى

لكن ان شاء الله هابلغكم بالنتيجة مع الوقت وعند تفريغه ان شاء الله

شكرا ليك على المتابعه بس احنا ممكن نحط الايدج سبورت اللى بيتحط بالبسات طالما هو افضل ولا انت رايك ايه

[Elsarrawy]

شكرا ليك على المتابعه بس احنا ممكن نحط الايدج سبورت اللى بيتحط بالبسات طالما هو افضل ولا انت رايك ايه

لا الي اعرفه انه ما ينفعش لأن كل عربية وليها الزيت المتوافق معاها

دا الرابط بتاع موقع كاسترول والي بتختار منه نوع وموديل وسعة محرك العربية وهو يحددلك الزيوت المناسبة ليها

http://www.castrol.com/castrol/iframe.do?categoryId=9033469&.......Id=7061487

في نوعين من الزيت ممكن يتحطوا للميجان

النوع الأول كاسترول ايدج ودا زيت تخليقي بالكامل وسعر الـ 4 لتر 260 جنيه

والنوع الثاني كاسترول ماجنتيك ودا نصف تخليقي وسعر الـ 4 لتر 210 جنيه

[Elsarrawy]

ممكن يا استاذ اشرف تعرفنا بتعمل الصيانه عند مين في صقر قريش وبتغير الزيت عند اللي بتعمل عنده الصيانه ولا بتغيروا في بنزينه لاني انا لسه شاري العربيه من 3 شهور وعايز اغير لها الزيت على اخر الشهر لاني مسافر وها انزل مصر على اخر الشهر وبالنسبه لموضوع 12 شهر انا باسافر 6 شهور في السنه عشان كده استهلاكي في العربيه مش كبير يعني بالكتير 10 الاف كيلو في السنه يبقى برضه اغيره كل 12 شهر وشكرا

هو حضرتك معاك ميجان؟؟ اصلها مش واضحة في انواع السيارات المكتوبة في البروفايل بتاعك

عموماً الزيت بتشتريه من عند الفاخوري الي في الحرفيين (خلف حديقة بدر) وبتغيره في اي مكان كويس انت شايفه وبتحاسب فقط على تفرغ الزيت ووضع الجديد مكانه

لكن بصراحة الي انا غيرت عنده الزيت في صقر مش فاكر اسمه انا اعرف بس اروحله ازاي لكن وقت ما حضرتك تحب قولي وانا اجي معاك انا ساكن قريب من هناك

بالنسبة للصيانة ففي اكثر من حد بتعامل معاه في الميجان يعني مثلاً الكهربائي والميكانيكي والعفشجي وبتاع التكيفيات وبتوع قطع الغيار فشوف حضرتك عاوز تعمل ايه وقولي وانا اقولك تروح لمين

عموماً انوي بس انت وانا اجي معاك لو الظروف تسمح او ممكن ابعتلك على الخاص تليفوناتهم على الأقل

بالنسبة للزيت فهو طبقاً لكلام الموقع بتاع كاسترول المفروض ما يفضلش في الميجان اكثر من 12 شهر

وانا تحت أمرك في أي طلب طالما اقدر اعمله

[yalahwy2010]

يا باشا اعتبر التقرير في ايدك من دلوقت ما تقلقش

بس بما انك بتعمل في مجال البترول ايه رأيك في شركة bp وسمعتها في العالم

ال بى بى الشريك الاجنبى للشركة اللى انا شغال فيها....وهى شركة تقيلة اوى اوى اوى
تانى او تالت شركة على مستوى العالم
تقدر تقزل ان اقتصاد بريطانيا معتمد عليها
وسمعتها كويسة....مع انها اتعرضت لكارثة فى خليج المكسيك دفعت فيه لامريكا تعويضات وصلت ل 40 مليار دولار
بس ولا الهوى...الشركة شغالة عادى جدا ولسة عاملة اتفاقية مع مصر ب 9 مليار دولار فى البحر المتوسط
فلوس يا معلم

[osamasindbad1]

انا متشكر جدا لردك معلش اصل انا لسه جديد في الميجان وكمان على نايل موتورز وماعرفش موضوع الخاص ده ازاي وبالنسبه للبروفيل ها احاول اعمل له update وياريت لو تسمح تبقى تبعت لي ارقام الناس دي في صقر قريش لاني مش عايز اتعب حضرتك معايا يعني انزلك من البيت مخصوص عشان تيجي معايا صعبه شويه كتر خيرك. بجد الناس هنا في الموقع ما شوفتش تعاون واحترام اكتر من كده ربنا يبارك فيكم