زيت التعاون 10000 ذو الجركن البرتقالى

[blackmirror]

السلام عليكم ورحمة الله وبركاته
انا غيرت إمبارح زيت الموتور وحطيت زيت التعاون 10000(مكتوب كده على الجركن)
والعامل فى البنزينة بيقولى ده 1000 كيلو
هوه تمنو 50 جنيه ولون الجركن برتقالى
كنت عايز أعرف الزيت ده هيمشينى كام كيلو ؟؟؟؟؟
وجزاكم الله كل خير

[amribrahim]

يا عم التعاون بتغش في البنزين تيجي إنت تحط زيت التعاون

[blackmirror]

انا اول مرة أعرف موضوع الغش ده
يريت توضح بتغش فى إيه بالظبط علشان انا دايما بتعامل معاها
وياريت لو حد عنده فكرة عن موضوع الزيت ده يفيدنى بارك الله فيكم

[amribrahim]

انا اول مرة أعرف موضوع الغش ده
يريت توضح بتغش فى إيه بالظبط علشان انا دايما بتعامل معاها
وياريت لو حد عنده فكرة عن موضوع الزيت ده يفيدنى بارك الله فيكم

البنزينة اللي في شارع صلاح سالم عند عمارات العبور ديه بتغش عيني عينك ... بيخلطوا البنزين بالمية و ساعات يحطو 90 مع 92 و يبعهولك على إنو 92 و زمان أيام لما ال 80 كان موجود نفس الحكاية مع 80 يحطوه مع ٩٠ و يتباع على إنو ٩٠


بعد كدة خليك ماشي في السليم و جيب موبيل أو حتى بتاع الامارات

[blackmirror]

انا بتعامل مع إللى فى الدقى ,, بيتهيألى نظيفة
وعلى اى حال انا بحط 80 ;)
فمفتكرش إنهم هيغشو
وياريت يا جماعه حد يفيدنى فى موضوع الزيت ده

[mo7a_mo7a]

الزيت ده بيقعد 2000 كيلو

وانا جربت زيت التعاون xpl اللي في عبوة صفراء بيقعد 5000 وبمقارنته مع موبيل hpx التعاون افضل 100 مرة وادائه احسن

[salsat]

الزيت ده بيقعد 2000 كيلو

وانا جربت زيت التعاون xpl اللي في عبوة صفراء بيقعد 5000 وبمقارنته مع موبيل hpx التعاون افضل 100 مرة وادائه احسن

كلام حضرتك مظبوط

[مواطن مصرى]

انا باستخدم التعاون الازرق (3000 كيلو) أو التعاون غاز كوب (2000 كيلو) لانى محول عربيتى غاز طبيعى و الاثنين اكثر من ممتازين

اخويا بيستخدم التعاون الاصفر و بيقعد معاه 5000 كيلو و ممتاز جداً

[mrastra]

لا يمكن تلاقى جركن زيت مكتوب علية بيمشى العربية اد اية لا يمكن وكلها اجتهادات مننا لكن ما فيش جركن زيت بيتكتب علية كام كيلو وجربها بنفسك روح اسال على جركن زيت معين ونفس الجركن اسال علية فى حتة تانية هتلاقى الكلام مش واحد ودة زى ما التلك انة كولة اجتهادات مننا
شوف .....موضوع الزيت دة حاجة من اتنين يا تحط زيت معدنى لو عربيتك موتورها خفيف او بيرشح زيت ودة عشان ما تخسرش فلوس على الفاضي يا اما لو الموتور حالتة تمام ما فيش بخرة او ترشيح انصحك تحط زيت تخليقى واجودهم طبعا شل وساعتها اضمنلك ان الزيت يتغير على 20000 كم ايوة عشرين الف كيلو متر فيما فوق وعلى مسؤليتى ولو عاوز تعرف تجارب انا عملتها بنفسي انا تحت امرك

[Silenty]

لا يمكن تلاقى جركن زيت مكتوب علية بيمشى العربية اد اية لا يمكن وكلها اجتهادات مننا لكن ما فيش جركن زيت بيتكتب علية كام كيلو وجربها بنفسك روح اسال على جركن زيت معين ونفس الجركن اسال علية فى حتة تانية هتلاقى الكلام مش واحد ودة زى ما التلك انة كولة اجتهادات مننا
شوف .....موضوع الزيت دة حاجة من اتنين يا تحط زيت معدنى لو عربيتك موتورها خفيف او بيرشح زيت ودة عشان ما تخسرش فلوس على الفاضي يا اما لو الموتور حالتة تمام ما فيش بخرة او ترشيح انصحك تحط زيت تخليقى واجودهم طبعا شل وساعتها اضمنلك ان الزيت يتغير على 20000 كم ايوة عشرين الف كيلو متر فيما فوق وعلى مسؤليتى ولو عاوز تعرف تجارب انا عملتها بنفسي انا تحت امرك

معنى كلام حضرتك لو الموتور قديم بس حالتة كويسة احطلة زيت تخليقى ؟؟!!

[mrastra]

ايوة قديم من جديد مش فارقة الزيت لازم يكون تخليقى فى الحالتين بس بيفرق لو الموتور بيرشح مثلا وبتضطر تزود زيت يبقى حرام نرمى فلوس فى الارض انما العبرة بحالة الموتور تمام ولا مش تمام لان الفروقات مش كبيرة بين المواتير الانجشكش والكربراتير دة نظان تغذية باالوقود مش اكثر انما دورة التزييت واحدة فى الاتنين مختصر الكلام ان ما فيش فرق بين المواتير الحديثة والمواتير القديمة
ارجو التواصل للوصول الى نققطة خلاف بعتبرها من اكبر نقط الخلاف بين الناس وللاسف احنا اكتسبنا خبراتنا من تجار كل همة انة يخليك تغير زيت عمال على بطال

[magyver]

طيب انا عايز زيت يمشيني 2000 كيلو
وتمنة مايزدش عن 60 جنية ويكون زيت حلو
انا بستخدو موبيل 1000 بجيبة ب55 جنية بس بيمشيني ال 1000 وبحس ان خلاص جاب اخرة