تغيير الزيت من شل إلي كاسترول ماجنتيك

[albasha]

بعد طول تفكير والبحث في المنتدي والدخول علي موقع شركة كاسترول أعجبت به والحقيقه السبب الرئيسي للتفكير في التغيير هو سوء آداء زيت شل بالإضافه لإرتفاع ثمنه دائماً بدون أسباب فقررت التغيير
ملاحظتي أن الموتور أنعم نسبياً نعومه غير ملحوظه
أعتقد أن الحكم سوف يكون في أخر 1000 كيلو وليس في البدايه

[nodey]

نصيحة لوجه الله
لا تضع زيت كاستول بسيارتك سمعته هنا بالسعودية زفت ومخرب كذا ماكينة سيارة والله اعلم

[albasha]

اللي أنا أعرفه إن سمعته وحشه علشان بيضرب بس أنا جبته من مكان المورد بتاعه من بنزينة طاقه ولما الراجل فتح الغطا بتاعه كان في إعلان لكاسترول تحت الغطا فمش منطقي يبقي حد ضارب زيت ويحط إعلان وفي نفس الوقت لو إضرب في بنزينه يبقي كده الواحد يشك في كل زيت لكن عن تجربه للوهله الأولي واضح إنه كويس مش سئ

[yalahwy2010]

هو بكام اللتر ....او 5 لتر للميجان بكام؟

[HeroNine]

انا معايا رينو 9
وغيرت لزيت كاسترول الجركن الابيض بصراحة جميل علي الموتور واداءة باين غير كده مش بيتحرق بسرعة
وغير موبيل فعلا

[nodey]

ليه مبتحوطوش توتال الفرنسي علي الاقل مفس الشركات المتعاملة مع الرينو عموما واكيد معظم تجارب محركات الرينو البيجو السيتروين علي زيوت توتال والله اعلم

[Hegazio]

ده علي اساس ان الزيوت بتفرق عن بعض لو ثبتت المواصفات و اختلفت الشركات ؟!!!!!!!
و الله انتو عايشين في وهم كبير .. مافيش حاجة اسمها شركة ممتازة و شركة زبالة و الفروق بينهم كبيرة كده .. فيه انواع زيت
بتبص علي تخليقي ولا معدني
بتبص علي كود معهد الدراسات البترولية الامريكي
بتبص علي كود تعدد اللزوجة
و لو تساوي نوعين زيت و اختلفوا في الماركة لا يوجد فرق الا الوهم في دماغك

تصدق بقي المعلومة دي .. لو التصنيع في نفس البلد بيبقي كله بيعبي من نفس المكان و نفس الخزان و يحطو علامتهم
في السعودية .. بيترومين
في مصر .. مصر للبترول
اللهم للأمانة فيه شركات بتعمل اختبارات جودة اضافية و فلاتر تنقية و اعلانات بالعبيط بتدفع تمنها سيادتـــــــــــك

[albasha]

ده علي اساس ان الزيوت بتفرق عن بعض لو ثبتت المواصفات و اختلفت الشركات ؟!!!!!!!
و الله انتو عايشين في وهم كبير .. مافيش حاجة اسمها شركة ممتازة و شركة زبالة و الفروق بينهم كبيرة كده .. فيه انواع زيت
بتبص علي تخليقي ولا معدني
بتبص علي كود معهد الدراسات البترولية الامريكي
بتبص علي كود تعدد اللزوجة
و لو تساوي نوعين زيت و اختلفوا في الماركة لا يوجد فرق الا الوهم في دماغك

تصدق بقي المعلومة دي .. لو التصنيع في نفس البلد بيبقي كله بيعبي من نفس المكان و نفس الخزان و يحطو علامتهم
في السعودية .. بيترومين
في مصر .. مصر للبترول
اللهم للأمانة فيه شركات بتعمل اختبارات جودة اضافية و فلاتر تنقية و اعلانات بالعبيط بتدفع تمنها سيادتـــــــــــك

جميل جداً كلامك بس عايزين نكمل ونستفيد إنت إنتقدت الزيوت طيب نستعمل أيه لما كله زي بعضه ممكن الواحد يجرب فيسكو طالما هو أرخصهم وأطولهم مده وبكده يكون وفر تبعاً لمبدئك ومش معني كلامي إني بنتقد فيسكو لأنه تقنيه جديده علينا ولسه لم يظهر منها ما يسؤها حتي الآن
وإن كان نفس الرقم الموصي به في السياره متوافر في كل أنواع الزيوت يبقي كده المفاضله في الشركات المضمونه
وبصراحه أنا ما شوفتش حد إتكلم عن مصر للبترول أو التعاون كزيوت بديله يبقي بكده صعب الواحد يغامر ويستعملهم

[mouraddesk]

الكلام ده فعلا صح حتى فى البنزين انا مره كنت بفول من امارات مصر اللى قبل البوابات و سالت قالوا ان البنزين بيجى من مصر للبترول بس علشان المحطة جديدة التانكات نظيفة مش زى باقى المحطات و المورد واحد هو مصر للبترول و اعتقد ان هو ده حال الزيوت