زيوت السيارات بين الشركة الافضل .. و الأسوأ

[Hegazio]

كتير بيعيش في وهم علي اساس ان الزيوت بتفرق عن بعض لو ثبتت المواصفات و اختلفت الشركات ؟!!!!!!!
و الله انتو عايشين في وهم كبير .. مافيش حاجة اسمها شركة ممتازة و شركة زبالة و الفروق بينهم كبيرة كده .. فيه انواع زيت
بتبص علي تخليقي ولا معدني
بتبص علي كود معهد الدراسات البترولية الامريكي
بتبص علي كود تعدد اللزوجة
و لو تساوي نوعين زيت و اختلفوا في الماركة لا يوجد فرق الا الوهم في دماغك

تصدق بقي المعلومة دي .. لو التصنيع في نفس البلد بيبقي كله بيعبي من نفس المكان و نفس الخزان و يحطو علامتهم
في السعودية .. بيترومين
في مصر .. مصر للبترول
اللهم للأمانة فيه شركات بتعمل اختبارات جودة اضافية و فلاتر تنقية و اعلانات بالعبيط بتدفع تمنها سيادتـــــــــــك
عندك مثلا لو الزيت 5w-40 api SM من التعاون .. احسن من زيت 20w-50 api SL من شيل !!!
طبعا شرح الكود و معناه ده موضوع يطول شرحه .. ربما في موضوع قادم
لكن باختصار كده . . الرقم العالي بيدل علي مدي تحمل الزيت للحرارة العالية و احتفاظه بلزوجته
بينما الرقم المنخفض يدل علي مدي عدم تجمد الزيت تحت الصفر و بقائه علي سيولة كافية

تفهم من كده ان في بلادنا الجميلة يمكن يكون 15-50 احسن من 5-40 احيانا خصوصا في الصيف
لكن 5 - 20 .. لأ اطلاقا مثلا

اتمني اكون اضفت لمعلوماتكم

[aymn2003]

شكرا للمعلومة
لكن عرفت من صديق لى فى شركة شل ان تصنيع الزيوت يتم فى معامل التكرير الخاصة بهم من الالف
الى الياء
انما البنزين بيكون من مصدر واحد فقط فى مصر

[ahmedsrs]

كلام سليم اساس الزيوت فعلا واحد لكن الفرق فى المواد المضافة ودى بتفرق من شركة لشركة

[levelpower]

شكرا على المعلومات
و ياريت مقارنات من الواقع

[SYD]

طب والي كتالوج عربيته بينصح باستخدام درجات معينة من اللزوجة
10w/40, 15W/40, 15W/50 or 20W/50

والله المستعان
،
،

[Hegazio]

انسي تعليمات الكتالوج .. كله تظبيط في تظبيط و احيانا لما بتكون مستوردة ما بتبقاش تعليمات مناسبة لظروفنا
للعلم الزيوت لل تختار طبقا لظروف واحدة .. بل نوع الموتور . . طقس القيادة .. طريقة القيادة .. زحام ام سرعة .. حالة الموتور قديم ام جديد
لو الظروف معقولة ... خد دي عندك .. يمكن تغيير الزيت التخليقي ( ابو 250 جنيه مثلا ) كل 65000 كيلو .. رغم انف محطات البنزين

و تلاقي زيت مكتوب عليه شكرنت 10000 أو شربنتح 5000 أو فتافيت 3000
و يظن المسكين ان الرقم رقم الكيلو متر لتغيير الزيت .. يا شيخ ده الزيت المعدني ( ابو 110 ) بيقعد 10 - 15 الف

[hasansa3odi]

الموضوع دة كدة لعب عيال
ولو انت بتتكلم صح يبقى لازم تعمل شرح تفصيلي وتوضح اكتر من كدة
انت بتتكلم على أساس اية؟؟؟؟؟؟
دة كل عربية كتالوجها بيقولك تحطلها زيت مواصفاتو اية وتغيرو على كام كيلو
تيجي انت تقول بيعد 15000 كيلو !!!!!
على كدة الراجل الي بيقلي طعمية ممكن يستعمل موبيل 1 ويبقى اوفرلو!!!!!!

[elmkaneeki]

هو ليه حضرتك بتتعامل معانا ان احنا جهلة اوى كدة....من فضلك اشرح الموضوع باستفاضة عشان نستفيد اكتر

[Hacker5]

انا للاسف ماليش فى موضوع الزيوت دة خالص
يعنى اى زيت معدنى و زيت تخليقى
و هل يحصل مشكلة لو تم التغير من معدنى لتخليقى او العكس ؟
و انهى الاحسن للالنترا ؟
و هل يحصل مشاكل لو غيرت من موبيل الى شيل الاصفر 5000 كيلو ؟

[yoko]

مع كامل غحترامي كلام حضرتك غلط والزيت بيفرق من شركة لشركه لأسباب كتير يطول شرحها أهمها الإضافات ونوع الزيت نفسه (مادة الزيت) أما الكم فعلى حسب جودة الزيت بيفرق يعني كاسترول مثلا بتقول في اوروبا ٢٠ الف كم أو سنة شل بتقول ١٥ الف كم و فيات (سيلينيا) ٣٠ الف كم أو سنة ..... الخ

[EngAhmedSayed]

طب خدو دى عندكم اضافة جديدة
كلام الاستاذ صاحب الموضوع صح
وانا قريت عن الموضوع ده انا الزيت بيفضل للفتره طويله وعاوز تعرف هو عاوز يتغير و له لا لما تلقيه عمل عملية احلال او بلبدى الزيت حل عاوز تعرف لما تقيس مقاس الزيت لولقيتو ناقص يبقى كده واجب التغيير غير كده مش واجب التغيير
ثانيا حضرتك لما بتروح تغيير الزيت فى البنزينه انتا مفكرتيش الزيت ده بيروح فين بيترمى وله بيعملو فى ايه حضرتك كل بنزينه نازله امر انوالزيت القديم يرجع للشركة تانى علشان يتعملو اعادة تدوير تنظيف وفلترة و يرجع زى الفل وييعبوه فى جراكن و بيع تانى للزبون والزبون و يدفع.
هو ده الموضوع فعلا شركات المواد البترولية نصب فى نصب
ربنا يهدى

[jotime]

انا برضه معرفش موضوع الزيوت ياريت حد يشرح الزيت المناسب للعربية ايه وازاى اختاره واغيره كل اد ايه لانى عربيتى قديمة وبصراحة بخاف من حاجة اسمها قفشة موتور

[essamenen]

الموضوع دة كدة لعب عيال
ولو انت بتتكلم صح يبقى لازم تعمل شرح تفصيلي وتوضح اكتر من كدة
انت بتتكلم على أساس اية؟؟؟؟؟؟
دة كل عربية كتالوجها بيقولك تحطلها زيت مواصفاتو اية وتغيرو على كام كيلو
تيجي انت تقول بيعد 15000 كيلو !!!!!
على كدة الراجل الي بيقلي طعمية ممكن يستعمل موبيل 1 ويبقى اوفرلو!!!!!!

هو ليه حضرتك بتتعامل معانا ان احنا جهلة اوى كدة....من فضلك اشرح الموضوع باستفاضة عشان نستفيد اكتر

الاستاذ مغلطشى او بيقول كلام فى الهواء هو بيقول

عندك مثلا لو الزيت 5w-40 api SM من التعاون .. احسن من زيت 20w-50 api SL من شيل !!!
طبعا شرح الكود و معناه ده موضوع يطول شرحه .. ربما في موضوع قادم
لكن باختصار كده . . الرقم العالي بيدل علي مدي تحمل الزيت للحرارة العالية و احتفاظه بلزوجته
بينما الرقم المنخفض يدل علي مدي عدم تجمد الزيت تحت الصفر و بقائه علي سيولة كافية

تفهم من كده ان في بلادنا الجميلة يمكن يكون 15-50 احسن من 5-40 احيانا خصوصا في الصيف
لكن 5 - 20 .. لأ اطلاقا مثلا

الكلام ده سليم 100 %100 وممكن اى عضو يشوف المشاركات الى موجوده فى النتدى فى ذلك الموضوع وكميه الاراء فيه قبل ابداء اى اعتراض
واى عضو فينا ليس بعلامه او خبير الكيميائيين لكى يؤلف كتاب فى ذلك الموضوع بس فى حقائق كدرجات الزيت انا لو عندى معلومه حتى لو صغيره وتافهه باعرضها فى المنتدى ومن الممكن اعرض المعلومه بشكل مبسط دون الدخول فى التفاصيل الدقيقه الى من الممكن ان لاتهم غير المتخصص او المتعمق او الهاوى والى عاوز بدقه او تفاصيل اكبر ممكن يطلب المزيد بشكل افضل دون الهجوم او التقلييل بمستوى المشاركه زى ده كلام عيال او انت فاكرنا جهله اوجو ان تتقبلو نقدى البناء .
وبالنسبه لتغيير الزيت فى اى منتدى عربى ده مطروح للنقاش وكل واحد بيعرض رايه ممكن تتقبله او ترفضه ولم يجزم اى احد ان تغيير الزيت على مسافات كبيره بيضر المحرك بناء عن تجربه( شوف الى كاتالوج واقراء مسافات تغيير الزيت ولم يزكر فيها نوعيه الزيت )
تقبلو تحياتى

[SYD]

الاستاذ مغلطشى او بيقول كلام فى الهواء هو بيقول

عندك مثلا لو الزيت 5w-40 api SM من التعاون .. احسن من زيت 20w-50 api SL من شيل !!!
طبعا شرح الكود و معناه ده موضوع يطول شرحه .. ربما في موضوع قادم
لكن باختصار كده . . الرقم العالي بيدل علي مدي تحمل الزيت للحرارة العالية و احتفاظه بلزوجته
بينما الرقم المنخفض يدل علي مدي عدم تجمد الزيت تحت الصفر و بقائه علي سيولة كافية

تفهم من كده ان في بلادنا الجميلة يمكن يكون 15-50 احسن من 5-40 احيانا خصوصا في الصيف
لكن 5 - 20 .. لأ اطلاقا مثلا

الكلام ده سليم 100 %100 وممكن اى عضو يشوف المشاركات الى موجوده فى النتدى فى ذلك الموضوع وكميه الاراء فيه قبل ابداء اى اعتراض
واى عضو فينا ليس بعلامه او خبير الكيميائيين لكى يؤلف كتاب فى ذلك الموضوع بس فى حقائق كدرجات الزيت انا لو عندى معلومه حتى لو صغيره وتافهه باعرضها فى المنتدى ومن الممكن اعرض المعلومه بشكل مبسط دون الدخول فى التفاصيل الدقيقه الى من الممكن ان لاتهم غير المتخصص او المتعمق او الهاوى والى عاوز بدقه او تفاصيل اكبر ممكن يطلب المزيد بشكل افضل دون الهجوم او التقلييل بمستوى المشاركه زى ده كلام عيال او انت فاكرنا جهله اوجو ان تتقبلو نقدى البناء .
وبالنسبه لتغيير الزيت فى اى منتدى عربى ده مطروح للنقاش وكل واحد بيعرض رايه ممكن تتقبله او ترفضه ولم يجزم اى احد ان تغيير الزيت على مسافات كبيره بيضر المحرك بناء عن تجربه( شوف الى كاتالوج واقراء مسافات تغيير الزيت ولم يزكر فيها نوعيه الزيت )
تقبلو تحياتى

في مشاركة حامية في منتدي سيات عن انواع الزيوت وبردو بيقول نفس الكلام

http://www.nilemotors.net/Nile/228099-a.html#post3873599006

http://www.nilemotors.net/Nile/227505-a-3.html#post3873598985

كلام سليم اساس الزيوت فعلا واحد لكن الفرق فى المواد المضافة ودى بتفرق من شركة لشركة

111111111111111+

مع كامل غحترامي كلام حضرتك غلط والزيت بيفرق من شركة لشركه لأسباب كتير يطول شرحها أهمها الإضافات ونوع الزيت نفسه (مادة الزيت) أما الكم فعلى حسب جودة الزيت بيفرق يعني كاسترول مثلا بتقول في اوروبا ٢٠ الف كم أو سنة شل بتقول ١٥ الف كم و فيات (سيلينيا) ٣٠ الف كم أو سنة ..... الخ

مع كامل احترامي لكلام حضرتك
كلامه صح
وانا مقتنع بكلامه جدا لأن فعلا الموضوع دة تم طرحه في عدة منتديات وفي اكثر من مشاركة والناس كلها بتقول نفس الكلام ان المصدر واحد والتعبئة هي الي بتختلف

طب خدو دى عندكم اضافة جديدة
كلام الاستاذ صاحب الموضوع صح
وانا قريت عن الموضوع ده انا الزيت بيفضل للفتره طويله وعاوز تعرف هو عاوز يتغير و له لا لما تلقيه عمل عملية احلال او بلبدى الزيت حل عاوز تعرف لما تقيس مقاس الزيت لولقيتو ناقص يبقى كده واجب التغيير غير كده مش واجب التغيير
ثانيا حضرتك لما بتروح تغيير الزيت فى البنزينه انتا مفكرتيش الزيت ده بيروح فين بيترمى وله بيعملو فى ايه حضرتك كل بنزينه نازله امر انوالزيت القديم يرجع للشركة تانى علشان يتعملو اعادة تدوير تنظيف وفلترة و يرجع زى الفل وييعبوه فى جراكن و بيع تانى للزبون والزبون و يدفع.
هو ده الموضوع فعلا شركات المواد البترولية نصب فى نصب
ربنا يهدى

لا اعتقد في هذا والا كانت تبقي مصيبة
دوول بينزلوا زيت تخليقي علي معدني وعلي ابو قرش علي ابو قرشين وعلي زيت فتيس علي باكم علي بلاوي سودة

والله المستعان
،
،

[AutoTycoon]

اعلانات بالعبيط بتدفع تمنها سيادتـــــــــــك

مختلف معاك في كل الكلام عدا النقطة دي ... و عشان كدا الشركة اللي بتعمل إعلانات كتير خصوصاً في كأس العالم و اللي بتدفع لbmw عشان توصي بيها............. مبشتريهاش