سؤال بخصوص زيوت البومة

[hanyyacot]

السلام عليكم :

سؤال يا جماعة ومعلش لو كان مكرر بس عشان انا جديد مع عربيتى , انا معايا بومة 2006 عاملة 54000 كيلو , طبعا كان بيتغيرلها زيت الموتور كل 3000 كيلو تقريبا , انا عايز اعرف ايه هو احسن زيت موتور ليها , كمان موضوع زيت الفتيس ده المفروض اغيره بعد عدد كيلو معين ولا زى ما ناس بتقول طالما انه مانقصش يبقى اخليه عشان مش هاعرف الاقى اصلى زيه , كمان بالنسبة لزيت الفرامل المفروض اغيره كل قد ايه ولو فى نوع كويس ياريت تقولولى عليه , معلش ممكن تكون اسئلة مكررة بس انا ميح فى ميكانيكا السيارات وصيانتها , ارجو المساعدة وشكرا

[eldell]

السلام عليكم :

سؤال يا جماعة ومعلش لو كان مكرر بس عشان انا جديد مع عربيتى , انا معايا بومة 2006 عاملة 54000 كيلو , طبعا كان بيتغيرلها زيت الموتور كل 3000 كيلو تقريبا , انا عايز اعرف ايه هو احسن زيت موتور ليها , كمان موضوع زيت الفتيس ده المفروض اغيره بعد عدد كيلو معين ولا زى ما ناس بتقول طالما انه مانقصش يبقى اخليه عشان مش هاعرف الاقى اصلى زيه , كمان بالنسبة لزيت الفرامل المفروض اغيره كل قد ايه ولو فى نوع كويس ياريت تقولولى عليه , معلش ممكن تكون اسئلة مكررة بس انا ميح فى ميكانيكا السيارات وصيانتها , ارجو المساعدة وشكرا

بالنسبه لزيت الماتور بغير زيت موبيل وان ده حلو اوى لو بتعمل كيلوهات كتير لاكن لو بتعمل كيلوهات كل فتره يبقى xhp وده بيتغير كل 3000 بالنسبه لزيت الفتيس بيتغير على 40000 كيلو واحسن زيت دلوقتى هو موبيل بالنسسبه لزيت الفرامل معرفش والله واكيد الخبراء هيفيدوك هنا

[hanyyacot]

شكرا يا فندم على ردك , وبالنسبة لزيت الفتيس اى نوع موبيل اجيبه , ولا الفتيس ال cvt ليه نوع معين ؟

[hanyyacot]

ايه يا جماعة هو محدش هايرد ولا ايه , هى دى روح البوماوية ؟

[gta10]

انا اللى نفسى اعرف اللانسر بتاخد قد ايه زيت فرامل يعنى كام لتر لو هاغير الزيت كله بتاع الفرامل

[M.Alaa92]

حضرتك بتجيب زيت الفرامل و تزود الخزنة (بس الاحسن تغيرو ) لحد اما يوصل بين علامو ال min و ال max المحفورة ع الخزنة من برة

[eldell]

شكرا يا فندم على ردك , وبالنسبة لزيت الفتيس اى نوع موبيل اجيبه , ولا الفتيس ال cvt ليه نوع معين ؟

بالنسبه لزيت cvt مش عارف بس الى هيفيدك فى كل حاجه المهندس طارق زويل

[hamada_amg]

بص ياباشا ده الخلاصه و الله المستعان

بالنسبه لزيت الفرامل اولا ده نادرا ما بيتغير الا لو حصلت مشكله لقدر الله و المكانيكي بتاعك بس تخليه يقيسه كل فتره و لو يه اى نقص تبدأ تبص النقص ده جاى منين و تشوف السبب ايه

بالنسبه لزيت الفتيس عندك حل من اتنين يا اما تجيب الاصلى من التوكيل و ده بيقعد فى العربيه 50 الف كيلو
يا اما تحط الموبيل و تغيره كل 30 الف بس و انسى الموضوع ده تماما و لا تشغل بالك بعد كده بالفتيس

اما زيت الماتور نصيحه ليك سيان بتمشي كتير او شويه هات موبيل 3000 على طول
لو مشيك كتير غيره قبل ال3000 بشويه يعني مثلا على 2800 او 2700 لو ماشيك قليل يبقى عادي معاك لحد 3000 و لو زودت 100 و لا حاجه مش مهم و لكن ما تزودش ابدا عن ال3000 بقدر الامكان

وربنا يكفيك شرها

[hanyyacot]

بص ياباشا ده الخلاصه و الله المستعان

بالنسبه لزيت الفرامل اولا ده نادرا ما بيتغير الا لو حصلت مشكله لقدر الله و المكانيكي بتاعك بس تخليه يقيسه كل فتره و لو يه اى نقص تبدأ تبص النقص ده جاى منين و تشوف السبب ايه

بالنسبه لزيت الفتيس عندك حل من اتنين يا اما تجيب الاصلى من التوكيل و ده بيقعد فى العربيه 50 الف كيلو
يا اما تحط الموبيل و تغيره كل 30 الف بس و انسى الموضوع ده تماما و لا تشغل بالك بعد كده بالفتيس

اما زيت الماتور نصيحه ليك سيان بتمشي كتير او شويه هات موبيل 3000 على طول
لو مشيك كتير غيره قبل ال3000 بشويه يعني مثلا على 2800 او 2700 لو ماشيك قليل يبقى عادي معاك لحد 3000 و لو زودت 100 و لا حاجه مش مهم و لكن ما تزودش ابدا عن ال3000 بقدر الامكان

وربنا يكفيك شرها

شكرا يا باشا على الافادة , انا ملاحظ ان عربيتك نفس مواصفات عربيتى بالظبط وكمان انت شكلك من طنطا , سؤال بقى لو بتقل عليك , فين اقرب مكان للتوكيل من طنطا , يعنى فى فرع توكيل قريب لطنطا ولا هو بتاع قليوب ده بس ؟

[ahmedShafie]

انا معايا لانسر 2007 بغير زيت الماتور كل 3000 برده وبنزله زى ما الاخ قال على 2700 برغم انى بمشى قليل

ونصيحه منى غير زى ما انا بعمل على 3000 احسن وافضل ونزله قبل معاده بشويه علشان الماتور يعيش معاك

وربنا يكفيك شر طريقك

[jagu]

انا معايا لانسر 2005 1600 بحط شل 10000 و ده ممتاز و عن تجربه و فى كذا عربيه مع اصدقاء لى جربوه و لقو انو احسن من موبيل بكتير و فى ناس بتغيره على 12 و 13 الف و بينزل سليم لأن 10000 ده فى اسوا ظروف التشغيل

بالنسبه لزيت الفتيس بعد السؤال لمهندس فى شل مش عامل أو فنى شرحلى ان زيت الأوتوماتيك اللى عندهم فى المحطات ممتاز لكن للأوتوماتيك القديم و لا ينصح به لل CVT و النوع المناسب غير متوفر فى المحطات و لكن فى بعض مراكز صيانه و توكيلات

فالمتاح فى السوق Mobil ATF وده معقول و الناس ماشيه بيه بس بحد اقصى غيره كل 30 الف و نصيحه متاخرش معاده