مش لاقي زيت كاسترول للفتيس المانيوال

[ahmed_h_g]

السلام عليكم ورحمة الله وبركاته
دورت كتير على زيت كاسترول لفتيس مانيوال للانسر
ومش لاقي رقم تليفون لبنزينة الطاقه علشان أسألهم
ياريت لو حد معاه الرقم يبعتهولى
ولو حد جرب زيت الفتيس ليكوى مولى يقولي هو أفضل ولا كاسترول

[Sehsss]

في عضو معانا في قسم نيسان كان جرب زيت فتيس فالفولين، بس الأوتوماتيك وبيشكر فيه جدا، وغيروه تحت البيت (خدمة الدليفري)

[sv065]

السلام عليكم ورحمة الله

الأخ الفاضل

سبق لي تجربة زيت كاسترول إيدج للمحرك والحقيقة لم يكن علي قدر ما قيل عنه خاصة أن إستخدامي شاق نوعا ما ويصعب علي الزيت الضعيف ان يستمر في سيارتي ..... وربما يكون العيب أن الإنتاج الموجه لمصر يكون درجة أقل من الخليج وأوروبا مثلا والله أعلم ولاحظت أن الوكيل وهو محطة طاقة حيث ذهبت خصيصا لها مشوار طويل للحصول علي الزيت أن تواريخ الإنتاج هناك بعيدة أي أن الزيت مركوون لمدة كبيرة صحيح أنه مازال صالح طبقا لتاريخ انتهاء الصلاحية لكن طالما انه مركون يعني مش بيتباع خصوصا إن دي محطة خدمة يعني مش مجرد محل بيبيع أنواع كتير وخلاص وأداءه بعد الإستعمال لم يعجبني


ونصيحة مجرب بعيد عن أي تحيز فقد جربت أنواع عديدة لزيت الفتيس الأوتوماتيك حتي الآن فافولين أثبت أعلي كفاءة وأنوي تغير زيت المحرك إليه أيضا يوم الثلاثاء بعد الأجازة مباشرة بإذن الله

تحياتي

[ahmed_h_g]

شكرا" للنصيحه
يعمى خليني فى فالفولين بس أنا شايف ان اللتر الواحد ب70 جنيه
مفيش بديل تاني ؟

[ahmed_h_g]

شكرا" يا أستاذ سحس

[Sehsss]

شكرا" يا أستاذ سحس

العفو يا باشا، وفعلا هو سعر اللتر غالي بس محترم جدا ومش هاتندم

[exact]

موبيل فالفتيس المانيوال ممتاز وموجود منه كل الدرجات

[Karim_Monir]

انا غير ل فالفولين مانيوال
ادائة ممتاز
او بمعني اصح
محستش بفرق عن اللي كان فيها
خاصة الصبح بدري
مش خسارة وبعدين ده بيتغير كل 60 الف كم

[Ahmod]

انا غير ل فالفولين مانيوال
ادائة ممتاز
او بمعني اصح
محستش بفرق عن اللي كان فيها
خاصة الصبح بدري
مش خسارة وبعدين ده بيتغير كل 60 الف كم

طيب وزيت فتيس الاتوماتيك ؟ تنصحني بايه ؟ ؟

[ahmed_h_g]

كلام جميل
هجربه ان شاء الله

[Karim_Monir]

احمود غيرنا لصديقي كرولا اخت بتاعتي فالفولين اتوماتيك برضه تخليقي بالكامل وخدت تلات عبوات

[prisoner]

انا غير ل فالفولين مانيوال
ادائة ممتاز
او بمعني اصح
محستش بفرق عن اللي كان فيها
خاصة الصبح بدري
مش خسارة وبعدين ده بيتغير كل 60 الف كم

استاذ كريم اخبارك ايه بس سؤال هوة فعلا فيه فافولين مانيوال انا سالت فى الفرع اللى فاتح قريب من الحرفيين اللى فى عمارات الفاروقية والراجل قاللى بينزل للاتوتماتيك بس وياريت لو تقولى جايبه منين وسعر الليتر كام تحياتى

[Karim_Monir]

استاذ كريم اخبارك ايه بس سؤال هوة فعلا فيه فافولين مانيوال انا سالت فى الفرع اللى فاتح قريب من الحرفيين اللى فى عمارات الفاروقية والراجل قاللى بينزل للاتوتماتيك بس وياريت لو تقولى جايبه منين وسعر الليتر كام تحياتى

ما تجيبش زيوت فالفولين غير من الشركة اللي نازلة عندنا في المنتدي عشان في ناس تانية بتستورده لحسابها
ودول تليفونهم 19728 يجولك جوة القاهرة
وفي شحن محافظات
وليهم فرع خدمة كامل زي اون زي ران كدة في الحي السادس قدامة بنزينة مصر للبترول اللي هناك والناس فيه فاهمة وشاطرة فعلا
زيت المانيوال ما بيبقي تخليقي بالكامل بيكون نص تخليقي وبيكون الليتر ب 75 تقريبا وغالبا العربية بتاخد 3 ليتر وبيكون 70-90 زي الفابريكة بالظبط وحلو جدا وادائة عجبني كنت متخوف يكون تقيل يخلي الفتيس يعض
دي صورته

[Ahmod]

احمود غيرنا لصديقي كرولا اخت بتاعتي فالفولين اتوماتيك برضه تخليقي بالكامل وخدت تلات عبوات

الف شكر على متابعتك يا استاذ كريم

طيب هو العبوة بكام تقريبا ؟ وده افضل من الموبيل والشل والكلام ده ؟

انا عربيتي بالمناسبة عاملة 40 الف كيلو موديل 2007

مكتوب في الكتالوج يتغير عن 40 الف وحاليا بحس سعات العربية بتقطع كدة لما بعمل kick على الغيار الاول ! فحاسس انها من زيت الفتيس

اغيره ولا استنى عليه شوية ؟

[Karim_Monir]

طبعا يتغير كل 40 الف وليه وقت زمني اعتقد مش اكتر من 4 سنين
يعني الزيت عندك كدة اكسبيرد وقت وكيلومترات
وكمان لازم تعمل حاسب التشغيل السلبي لو مشاويرك جوة البلد وتعمل المشوارة ال 10 كم في ساعة مثلا
ده كتير لان الفتيس شغال واليزت بيتحرق ومفيش كيلومتر
يبقي وقتها تغير على 30 بالكتير
العبوة كانت ب 75 تقريبا برضه