اوعى حد يجيب زيت كاسترول

[m_adeleid]

بصراحه انا مش مقتنع باي نوعيه من الزيوت اللي الكل عمال يتكلم عليها
وقصايد شعر بتتقال فيها
واللي يقولك اصل الموتوربقي ناعم
واللي يقول السحب ولا كانك مركب توربيني
اظن مفيش افضل من
موبيل اوشل
شركات عريقه في تصنيع البترول ومشتقاته
ماشفتش ولا شركه من شركات السيارات حاطه اي علامه من علامات الزيوت الجديده علي عربيه من عربياتها

بي ام ومرسيدس بينصحو بكاسترول واسأل الاول قبل ما تصدقني
و شل و موبيل هما بس اللي احنا كبرنا لقيناهم في مصر مش لاي سبب الا احتكار مستورد للسوق وهما طبعا شركات عريقه و محترمه بس المشكله مش فيهم المشكله ان الزيوت دي بتتعبأهنا في مصر
والفيصل برضو الاداء يعني لما اغلب الناس اللي بتحط موبيل بتقول انه بيتبخر بسرعه جدا اكذبهم ليه

[m_adeleid]

ياجماعة الزيت بقيسة قبل ما اشغل العربية مافيش لزوجة خالص بيقع من على المقاس قبل ما اعرف اشوفة يبقى ازاى كويس

حضرتك جبته من موزع لكاسترول و لاحد بتاع زيوت؟
ممكن يكون العيب في اللي باعلك مش الشركه
وكيل كاسترول في مصر محطات بنزين طاقه وشويه موزعين معتمدين

[S O P H O S]

سمعت عن كده

[HeMa_LanCeR]

انا بحط الكاسترول ال 3000
بس بجيبة من بنزينة طاقة
ومش بنزله قبل 5000 كيلو :)

[horeen]

موبيل - شل -زيت التموين -زيت شعر
كله مغشوش
مفيش فايده

[asemx1]

كالعاده طبيعه الشعب المصرى ناس تقول شىىىىىىىى وناس تقول مااااااااااء .....

تهويل وتخويف من منتج كويس احسن من المنتجات المحتكره السوق زى موبل وشل دا امر مش مرغوب فيه علشان حضرتك مش عارف ان مواصفات الزيت الى بتحطه

والله اعلم ممكن وانتا بتغير حطيت فلاش فدا بوظلك الماتور او غيرت الزيت بدون ما تغير الفلتر ودا بوظلك الماتور
او او او او .... انما تجربه واحده من الاف التجارب للزيت دا وحصل معاك كدا يبقى دا مش من الزيت ممكن من العربيه نفسها او صاحب العربيه

تحياتى لك ....

[HAITHAM1985]

أنا شايف وبمنتهى الحيادية ......... إن فى مبالغات فى التقييم بالسلب والإيجاب ......... أداء الزيوت أو المشتقات البترولية عموما موضوع نسبى يتأثر بظروف التشغيل وعمر المعدة وحالتها الميكانيكية وأسلوب إستخدامها وقبل ذلك ظروف التخزين

أنتم تقارنون كمن يقارن بين الليل والنهار والصيف والشتاء فالليل والشتاء مفضلين لمن يعانى من الحساسية فى الجلد لأنه بعيد عن الحرارة والعكس النهار والصيف مفضلين لمن يعانى من هشاشة العظام لأنها تساعده فى العلاج ........ كذلك السيارات ومستخدميها كل يرى الحقيقة من جانب واحد والأصل أن الحقيقة لا تتجزأ لأنها نسبية

لا شك فى أن موبيل وشل هما أعرق الشركات تواجدا فى مصر والمستهلك المصرى دائما يميل لمن له تاريخ ومن تعود عليه ويخاف من التغيير .......... فالفولين وكاسترول وليكوى مولى شركات ومنتجات لازلت فى أول الطريق وواعدة ووجودها مفيد للمستهلك المصرى لأنه يثرى السوق ويوفر مناخ من المنافسة فى الجودة والسعر تحتاج لبعض الوقت لكى تظهر ثمارها

الصبر والحيادية فى الحكم ....... من فضلكم

لا يجب أن ننكر تميز موبيل وشل بدافع قدم تكنولوجياتهم وتاريخهم فهذا محض وهم فهى شركات تخاف على سمعتها التى بنتها فى عشرات السنين

ولا يجب جلد الشركات الواعدة بدعوى حداثة خبراتهم فهذا أيضا محض وهم

هذا صوت عقلى ورأي وتنظير لا ألزم به أحد

ملحوظة : أنا من مستخدمى موبيل 1

[HAITHAM1985]

كان ليا مشاركة سابقة فى الموضوع قد تعتير أنه تناقض مع الكلام الأخير ........ لكن وجب التوضيح أنها كانت بغرض تلطيف الجو لكن لما لقيت الموضوع جد قولت أعرض رأيي الجدى

[تامر.محمد]

كنت جايبه منين بقى ؟

[Youssef.Awad]

مبدئيا كده خلينا نتفق كلنا ان زيوت العربيات من اكتر الحاجات اللى ممكن تتغش وتتضرب فى السوق ايا كان نوعها
وانا بنفسى شوفت عربية نص نقل على الزراعى من سنة تقريبا ومليانه عبوات موبيل وان فاضية لدرجة انها كانت مدلدلة من العربية وفى طريقها لأى مصنع تحت بير السلم فى الدلتا عشان تعبيه وتلزق عليه استيكر واديله ادى !!!!!!!!!!!!

مش هاقول زيادة عن كلام الاعضاء بخصوص احتمال غشه حتى لو كان عليه العلامة المائية والبرية كمان
لكن اى حد لسه بيستخدم دلوقت زيوت مش تخليقية بالكامل فهو بكده بيكتب شهادة وفاة موتور عربيته فى كل مرة بيغير فيها زيت معدنى او نصف تخليقى بيتغير على 3000-5000 كم
ولو كل واحد حسبها مع نفسه ماديا هتلاقيها هى هى لا توفير ولا اسراف !!!
لكن الفارق هو راحة البال وراحة الماكينة

انا فى الصنى من اول الزيرو وانا باحط موبيل وان لحد 60 الف كم ومن وقتها حطيت ليكوى مولى توب تيك
وفى السبورتاج كانوا بيحطوا فى التوكيل كاسترول gtx ولأنى ما كنتش اعرف انه كده ومفكر انه زيت تخليقى بيتغير كل 5000 كم عشان حرارة الجو فى السعودية وخلافها من ظروف التشغيل الشاقة وفى الاخر طلع زيت عادى !!!!
غيرت فورا الى كاسترول ماجنتيك بيتغير على 10-12 الف كم

[midnightman_74]

:]

بس انا بحط كاسترول ايدج 15000 كم وبغيره كل 15000 كم فعلا

لون العلبة اية ؟؟ ووزن الزيت كام ؟؟

[catmaw]

بصراحه انا مش مقتنع باي نوعيه من الزيوت اللي الكل عمال يتكلم عليها
وقصايد شعر بتتقال فيها
واللي يقولك اصل الموتوربقي ناعم
واللي يقول السحب ولا كانك مركب توربيني
اظن مفيش افضل من
موبيل اوشل
شركات عريقه في تصنيع البترول ومشتقاته
ماشفتش ولا شركه من شركات السيارات حاطه اي علامه من علامات الزيوت الجديده علي عربيه من عربياتها

[AlGazar2]

انا مجربتش الكاسترول

بس جربت الموبيل
اسوء زيت ماتور ممكن يتحط فى عربيه
سرعه تبخير غير عادية - لون اسود و ريحة وحشة - صوت ماتور بيجعر و ينعر و كوستبانات و حبه حاجات فوق بعضها

و الكلام ده عن كذا تجربة مع موبيل فى العربيه النوبيرا و من فتره بستخدم شيل حرمت بقى الصوت بقى اهدى كتير بس الموبيل ساب علامة الجوده بتاعته فى الكوستبانات خلاص و حاليا حاطط فالفولين و هوه زيت كويس بس بيتبخر بسرعه برضه بس صوت الماتور معاه هادى جدا و السحب حلو مش وحش

نصيحة ابعد عن موبيل و غنيله

الكلام على موبيل و شل و فالفولين الى ب 120 جنية حاليا

و زيت موبيل 1 فى العربيه بيتبخر بسرعه من الزيرو الى هوه كان من 10 سنين كده

[alfateh87]

والله فعلا زى ما انت بتقول تمام

+111111111

[Formulator]

طبعا الموبيل 1 الأسوأ

الشيل معقول فـ السواقة العادية،
وفـ الحرق والـRevving صوت الموتور كويس.. والزيت مابينقصش بسهولة!!

الكاسترول بقى فيه كلام
- اللى جربوا الـEdge 5w-40 فيه بيقولوا كويس وناس بتقول وحش
(بس شغال فـ مواتير الـVW والبيمرز زى الفل -التوكيلات بتحطه) يمكن مايكونش مضروب؟!!!

- الـgrade اللى كتيييييييييير جربوها (بس فـ مواتير high-output) وجامد أوى:
الإيدج Sport الـ10w-60
ده بتاع الحرق لـrpmـات عالية والشد فـ الصيف-الأجواء الحارة..
فـ الشتاء (وفـ المواتير الصغيرة) بيبقى صعب فـ الدوارة، وفيه تجارب سيئة لأصدقاء.

الـValvoline معظم الشكوى ان الزيت بينقص؟؟!!!

Rgds،