كيف يتم اضافة اضافات الفتيس

[m2018]

انا جبت اضافة الفتيس Lique Moly MoS2 Anti-Friction for gears للفتيس المانوال بس كنت عايز اعرف بتتضاف ازاي ولا لازم تغير زيت وهل اغير الزيت بردو من ليكوي مولي ولا اخلي زيتها احسن

[hmada9009_99]

انا جبت اضافة الفتيس lique moly mos2 anti-friction for gears للفتيس المانوال بس كنت عايز اعرف بتتضاف ازاي ولا لازم تغير زيت وهل اغير الزيت بردو من ليكوي مولي ولا اخلي زيتها احسن

بالنسبه للأضافه سهل جدا اولا لو زيت لسه جديد بتاع الفتيس هيبقى هضيف عليه زي ماهو ومش هتحتاج تغيره اما لو مثلا زيت قاعد في العربيه مثلا 20 او 30 الف كم يبقى تغييره احسن بلنسبه ازاي تضيف سهل جدا في حاله تغيير زيت الفتيس حضرتك حتروح هتجيب 2 لتر زيت وكل عبوه 1 لتر تمام وبعد كده هتفتح اول عبوه 1 لتر وتعبي الأنبوبه بتاعت الأضافه كلها في العبوه 1 لتر وتقفل العبوه وترجها جامد لمده دقيقه وبعد كده هتفتح العبوه وتحط الزيت في العربيه وعالفكره شكل الزيت بعد الأضافه هتلاقيه اسود عادي حط العبوه كلها للأخر نقطه فيها مهم علشان ماده الأضافه تتحط كلها وبعد تحط العبوه التانيه زي ماهيه بس كده ام لو هتسيب الزيت الفتيس زي ماهو ومش هتغيره هتجيب زي ربع كيلو زيت فتيس وتحط الزيت والأضافه مع بعض في قزازه او عبوه زترجها وبعد كده تضيفها في العربيه.
بس عاوز اسأل حضرتك هو اما تحرق بالعربيه على الأخر وتنقل بسرعه خاصتا من الأول للتاني مش ساعات او احيانا بس نادرا انه ماينقلش او يعمل صوت زي صوت شحرجه لو بيحصل معاك كده قولي؟

[Lion_Heart]

بس مش للفتيس كمية محددة انا بكدة هزود عليه اكتر من سعته ؟
كلامى كده صح ولا غلط ؟

[m2018]

استاذ hmada9009_99 اولا شكرا على الرد ثاني حاجة انا اللي بيحصل معايا اني مشكلتي اغلبها في الاولاني لما ارجعله من الثالث او الثاني احيانا ميرضاش ينقل واحيانا بيعمل صوت زي ما اكون مش ضاغط الدبرياش كويس وبردو في الرجوع بحس بتقل وعضة وبيعمل صوت اكني مش ضاغط دبرياش كويس وبشكل عام انا حاسس ان الجير ثقيل وبالنسبة بقى للاضافة اول حاجة هي عاملة 10000 ورايح اعملها الصيانة يعني مش عارف اغير الزيت بتاع الجير ولا حرام اسيبه احسن وبعدين علبة زيت الفتيس مليان مش كدة هزود عن الماكسيمم بتاع الجير وده غلط ولا ايه؟

[Dr'AhmZZong]

أنا معرفش للمنوال ..

أنا اعرف للاوتوماتيك ..

[tamerzeid]

يعنى اية اضافات الفيتيس للاتوماتيك؟

[Dr'AhmZZong]

يعنى اية اضافات الفيتيس للاتوماتيك؟

ديه يا باشا سوائل بتحسن من أداء الفتيس الاوتوماتيك ..

[tamerzeid]

ديه يا باشا سوائل بتحسن من أداء الفتيس الاوتوماتيك ..

ياريت تقولى تفاصيلها ممكن اكون محتاجها

[hmada9009_99]

بس مش للفتيس كمية محددة انا بكدة هزود عليه اكتر من سعته ؟
كلامى كده صح ولا غلط ؟

الكلام ده تقصده لو مغيرتش زيت بس انا اقصد انك ضروري الماده الأضافه ديه تحطها مع زيت وترجها علشان تبقى ماده سائله ومش شرط ربع كيلو المهم اي كميه زيت قليله بحيث الماده ديه تبقى سائله قبل ماتتحط ولو حاطط كميه زيت فوق زيت العربيه مش هيأثر لأنه كميه قليله الكلام ده لو حاطط نص كيلو او كيلو هيأثر وساعتها لو حاطط زياده هتلاقي الفتيس صعب او تقيل في نقل الحركه

[Dr'AhmZZong]

ياريت تقولى تفاصيلها ممكن اكون محتاجها

بتفك مقياس الفتيس الاوتوماتيك ..

و تحط في الخرم الصغير ده .. بس كده

[Land_Cruiser]

استاذ hmada9009_99 اولا شكرا على الرد ثاني حاجة انا اللي بيحصل معايا اني مشكلتي اغلبها في الاولاني لما ارجعله من الثالث او الثاني احيانا ميرضاش ينقل واحيانا بيعمل صوت زي ما اكون مش ضاغط الدبرياش كويس وبردو في الرجوع بحس بتقل وعضة وبيعمل صوت اكني مش ضاغط دبرياش كويس وبشكل عام انا حاسس ان الجير ثقيل وبالنسبة بقى للاضافة اول حاجة هي عاملة 10000 ورايح اعملها الصيانة يعني مش عارف اغير الزيت بتاع الجير ولا حرام اسيبه احسن وبعدين علبة زيت الفتيس مليان مش كدة هزود عن الماكسيمم بتاع الجير وده غلط ولا ايه؟

اعتقد كده المشكله ممكن يكون علاجها ان الدبرياج يتعلى شويه مش موضوع زيت فتيس و طالما حضرتك رايح الصيانه قلهم عليها و هما هيتصرفوا و يحلوا المشكله و طالما الزيت مضبوط ما ينفعش تزود عن ال maximim و حرام تنزل شويه و تحط مكانهم انت لسه فى ال ١٠ الاف يعنى مش ماشيه كتير. لو الدبرياج اتعلى ده هيخللى النقلات تيجى فى مكانها بسهوله و دواسه الدبرياج هتفصل التروس بسهوله اكبر و هتحس ان الفتيس بقى انعم و بيروح على النقله بسهوله و بكده تختفى حكايه العضه دى. يعنى من الاخر روح الصيانه و اطلب منهم حل المشكله و بعدها ابقى شوف ايه الاخبار و استنى على موضوع الزيت ده شويه لانه ممكن ما يكونش السبب اصلا

[hmada9009_99]

استاذ hmada9009_99 اولا شكرا على الرد ثاني حاجة انا اللي بيحصل معايا اني مشكلتي اغلبها في الاولاني لما ارجعله من الثالث او الثاني احيانا ميرضاش ينقل واحيانا بيعمل صوت زي ما اكون مش ضاغط الدبرياش كويس وبردو في الرجوع بحس بتقل وعضة وبيعمل صوت اكني مش ضاغط دبرياش كويس وبشكل عام انا حاسس ان الجير ثقيل وبالنسبة بقى للاضافة اول حاجة هي عاملة 10000 ورايح اعملها الصيانة يعني مش عارف اغير الزيت بتاع الجير ولا حرام اسيبه احسن وبعدين علبة زيت الفتيس مليان مش كدة هزود عن الماكسيمم بتاع الجير وده غلط ولا ايه؟

اولا حضرتك تكشف على كزا حاجه اول حاجه فصل دبرياج مزبوط ولا لأ لأن الحشرجه ديه بتحصل بالزات اما العربيه بتسخن ققصد فصل الدبرياج ياعني يكون مزبوط لا عالي ولا واطي ولو واطي هيعمل الأعراض اللي حضرتط بتقول عليها اتنين كده كده تغير زيت الفتيس احتياطي تجيب زيت فالفولين وهما بيوصلو دليفري لحد البيت نوعه : DuraBlend GL-4 75W-80 وده مش هتلاقيه غير في فالفولين لأن الموبيل ً80W-90 هتقلي الفرق الفرق ان كل ما زيت الفتيس خفيف كل ماكان سهل الحركه و استجابته سريعه وللعلم ينفع عند حضرتك الأتنين بس الأفضل فالفولين وهتجيب 3 عبوات لأن على ما اعتقد ان عربيه حضرتك بتاخد 2.8 لتر وأتاكد من الكاتلوج ومن التوكيل انها بتاخد قد ايه زيت ثالثا انك تجيب زيت وتحط الأضافه زي ما قولت لحضرتك قبل كده وللعلم الأضافه اما تحطها هتفرق معاك جامد وده عن تجربه وعالفكره الأوبترا اوالنيسان الموديلات الجديده فتيسهم خشن وده مش عيب ده عادي هو اصله خشن علشان لو حضرتك روحت لميكانيكي هيفتحلك على رابع ويقولك تغييرمجموعه وكلام فارغ خشونه الفتيس عادي وهتروح بعد زبط مستوى فصل الدبرياج و واضافه الزيت الجديد بالماده هتحس ان الفتيس ناعم وهتبقى مبسوط وعن تجربه

[hmada9009_99]

للعلم ان اضافه Lique Moly MoS2 Anti-Friction for gear للفتيس المانيوال بيعمل حاجتين اول حاجه بيحافظ على اجزاء الفتيس لأنه بيعمل طبقه حمايه اتنين اتنين بيقلل حراره الناتجه عن تشغيل وبيعمل زي تشحيم فيسهل النقل وعالفكره مافيش حد جربه وقال انه مابيفرقش لأ بيفرق جامد بشهاده ناس كتيره في عربيات متعدده ياعني حتى ممكن تضيفه من غير في مشكله في الفتيس لأنه بيحميه وبيعمل طبقه حمايه وانا حتى لو جايب عربيه زيره اول حاجه اني هضيفه قبل ما استعملها وامشي بيها ده لو للمانيوال

[m2018]

الحمد لله انا عملت الصيانة النهاردة في السبع في المنصورة المهندس مصطفى المحلاوي راجل في قمة الذوق والله وغيرت الزيت ب Lique Moly top tach وحطيت معاه السيرا تك واضافة الفتيس ورحت بالمرة ضبط نيتروجين وبسم الله ما شاء الله تمام التمام والجير بقى احسن من الاول بس مقدرش احدد لان حصلت صيانة وتغير نوع زيت واضافة فتيس وضبط ضغط العجل مش عارف ايه اللي اسر وايه اللي ما اسرش وسالته عن موضوع الفتيس فقالي ان الفتيس بتاع الصني فيه اتنين ماستر فالعضة دي بتحصل لما دوس الدبرياج مرة واحد وتنقل وراه على طول مبيلحقش يفصل يعني المطلوب انك تستنى ثانيتين قبل ما تنقل والمشكلة تتحل وانا جربت وجرب قدامي وطلع كلامه حقيقي

[hmada9009_99]

الحمد لله انا عملت الصيانة النهاردة في السبع في المنصورة المهندس مصطفى المحلاوي راجل في قمة الذوق والله وغيرت الزيت ب lique moly top tach وحطيت معاه السيرا تك واضافة الفتيس ورحت بالمرة ضبط نيتروجين وبسم الله ما شاء الله تمام التمام والجير بقى احسن من الاول بس مقدرش احدد لان حصلت صيانة وتغير نوع زيت واضافة فتيس وضبط ضغط العجل مش عارف ايه اللي اسر وايه اللي ما اسرش وسالته عن موضوع الفتيس فقالي ان الفتيس بتاع الصني فيه اتنين ماستر فالعضة دي بتحصل لما دوس الدبرياج مرة واحد وتنقل وراه على طول مبيلحقش يفصل يعني المطلوب انك تستنى ثانيتين قبل ما تنقل والمشكلة تتحل وانا جربت وجرب قدامي وطلع كلامه حقيقي

طيب الحمد لله ان المشكله اتحلت