مصيبة بسبب أحد أضافات الزيوت

[MMamdouh]

اولا: يعنى اية اختبار كبس و ازاى يتعمل و هل كشف السكانر سوف يفيد او يبين من اين المشكلة.

اختبار الكبس بيقيس قيمة الضغط اللى بيولدة البستم... الكبس فى الغالب بيبقى فى حدود 140 PSI و لو الفرق بين اعلى بستم و اقل بستم اكتر من 25% يبقى الموتور مفوت

الاختبار بيتم عن طريق فك البوجية و تركيب مكانة خرطوم واصل بعداد ضغط و بيتم ادارة الموتور بالمارش فقط مع فتح كامل للبوابة و تسجيل الضغط... الاختبار بيتم لكل البساتم و بيتم تحليل القراءات فى نهاية الاختبار للتعرف على حالة الموتور

الاختبار كمان ممكن تحدد بية التهريب فى الكبس من الشنبر ولا الصبابات عن طريق اضافة شوية زيت من فتحة البوجية و تكرار الاختبار... لو الضغوط اتحسنت بشكل ملحوظ يبقى العربية فيها شمبر

السكانر مش هيفيدك فى اى حاجة لان مشكلتك بعيدة عن الحساسات

ثانيا: هو انا ملاحظ انة مافيش بخر من الموتور من الماكينة و كمان حاجة غريبة انة البوجيهات بحالة ممتازة بالرغم من انة ليهم فترة راكبين

دى علامة كويسة... كدة يبقى المكنة مش بتحرق زيت و ممكن الدخنة الاولى تكون من كاوتش الصباب فقط

ثالثا :انا ملاحظ من فترة اسبوعين فية صوت تسقيفة فا السحب هل دة لية علاقة بمشكلتى و لا ممكن يكون سوء بنزين

لا ممكن بنزين... الا اذا كنت مش قادر تفرق بين صوت التسقيف و صوت الكستبانات لان صوتهم قريب من بعض

رابعا: هو ينفع اني اجرب احط زيت فيسكو و فلاش و انتظر لارى النتيجة يعنى اقصد لو انتظرت و جربت موش هاتزيد المشكلة الحالية
يارب يكون متوافر هذا الزيت و الاضافة فى الاقصرانا فى اخر غيار زيت حطيت اضافة تقريبا اسمها [جانك)
تقريبا مثل الكانز مع زيت شل الاحمر بصراحة استحرمت احط موبيل وان

لا معتقدش ان فيه مشكلة... لو المكنة سليمة دة مش هيضر خالص و لو فيها مشكلة المشكلة مش هتتفاقم او تزيد

MMamdouh

[dedi]

ا / ممدوح الف شكر
انا اول مرة اعرف شرح اختبار الكبس بس ماعلش هو بيتعمل فين يعنى مركز خدمة و لا في محطة بنزين و لا ميكانيكى لاننى باتردد على كذا ميكانيكى و لم الاحظ هذا الاختبار و معلش هو اسمة اية هذا الجهاز
ثانيا :معلش ممكن معلومة عن موضوع الكستبانات هذة و اية اعراض مشكلت
ثالثا: حضرتك اشرت من قبل على معدل البخر العالى للموبيل 1 ,طيب هذة مشكلة لانى زيت تخليقى بسعر غالى و يحدث بة بخر بهذا الشكل يا ريت اعضاء النتدى الكرام يكون لديهم هذة المعلومة لانة الواحد بيخيل الية انة زيت تخليقى و بيكبر دماغة من المتابعة المستمرة على اساس جودتة و سعرة
شكرا ليك يا باشا

[dedi]

ا ممدوح انا ذهبت اليوم لشراء فلاش فوجدت نوع اسمflush تنتجة شركة gunk و يوجد منة عبوتان زجاجة بلاستيك و عبوة مثل الكانز فهل يوجد فرق بينهم و هل هو هذا النوع الذى تقصدة ا ممدوح
ثانيا:البائع شرح لى انة يضاف مع الزيت القديم و ندير المحرك 5 دقائق ثم يتم غيار الزيت بزيت جديد هل هذا الشرح صح
ثالثا : انا غيار الزيت الذى قبل الموجود الان في الموتور اضفت لة زيت شمبر ماركة gunk , و بصراحة لم يعمل اى فرق فهل هذة الماركة كويسة ام لا ام لم توجد مشكلة من اساسها في الشمبر
معلش للاطالة بس الواحد بيحس انك ماشاء اللة لديك خبرة واسعة

[MMamdouh]

ش هو بيتعمل فين يعنى مركز خدمة و لا في محطة بنزين و لا ميكانيكى لاننى باتردد على كذا ميكانيكى و لم الاحظ هذا الاختبار و معلش هو اسمة اية هذا الجهاز

جهاز اختبار كبس

انا معرفش حد محدد عندة الجهاز بس اسمع ان كالتكس اللى فى ناصية عباس العقاد و النحاس بتعمل الاختبار دة

ثانيا :معلش ممكن معلومة عن موضوع الكستبانات هذة و اية اعراض مشكلت

الكستبانات بتشتغل بضغط الزيت... لو فيها وساخة او انسداد مبتتمليش زيت للاخر و تعمل صوت عالى زى صوت العربيات القديمة لما تبقى عايزة ضبط تاكيهات

ثالثا: حضرتك اشرت من قبل على معدل البخر العالى للموبيل 1 ,طيب هذة مشكلة لانى زيت تخليقى بسعر غالى و يحدث بة بخر بهذا الشكل يا ريت اعضاء النتدى الكرام يكون لديهم هذة المعلومة لانة الواحد بيخيل الية انة زيت تخليقى و بيكبر دماغة من المتابعة المستمرة على اساس جودتة و سعرة
شكرا ليك يا باشا

دى مشكلة فى موبيل 1... فيسكو 5000 تخليقى و نسبة البخر فيه قليلة جدا جدا

MMamdouh

[MMamdouh]

ا ممدوح انا ذهبت اليوم لشراء فلاش فوجدت نوع اسمflush تنتجة شركة gunk و يوجد منة عبوتان زجاجة بلاستيك و عبوة مثل الكانز فهل يوجد فرق بينهم و هل هو هذا النوع الذى تقصدة ا ممدوح

هو دة النوع و فرق العبوة مش مشكلة

ثانيا:البائع شرح لى انة يضاف مع الزيت القديم و ندير المحرك 5 دقائق ثم يتم غيار الزيت بزيت جديد هل هذا الشرح صح

صح

ثالثا : انا غيار الزيت الذى قبل الموجود الان في الموتور اضفت لة زيت شمبر ماركة gunk , و بصراحة لم يعمل اى فرق فهل هذة الماركة كويسة ام لا ام لم توجد مشكلة من اساسها في الشمبر
معلش للاطالة بس الواحد بيحس انك ماشاء الله لديك خبرة واسعة

الماركة كويسة بس الاضافات دى مش فعالة للدرجة اللى الناس متخيلاها.. يعنى نسبة نجاح الكلام دة 20% مثلا

MMamdouh

[dedi]

الف شكر استاذ ممدوح كلك زوق بصراحة
شوف اجرب فلاش مع غيار الزيت الاسبوع الفادم ان شاء اللة و سوف افيدك بالنتيجة
لم اجد اليوم زيت فيسكو فى الاقصر و على مايبدو لم يسمعوا عنة سوف اجرب مع زيت شل الاحمر
ايضا لا يوجد جهاز اخنبار كبس المحرك

[tarek_2005]

تحذير لا تمشي بالسيارة وانتا حاطط الفلاش
يجب وضعه وانتا واقف امام بتاع الزيت وتدير السيارة 5 دقائق وتبطل يفتح طبة الزيت علاطول وميمشيش بالسيارة ولو متر واحد

[dedi]

تحذير لا تمشي بالسيارة وانتا حاطط الفلاش
يجب وضعه وانتا واقف امام بتاع الزيت وتدير السيارة 5 دقائق وتبطل يفتح طبة الزيت علاطول وميمشيش بالسيارة ولو متر واحد

الف شكر استاذ طارق لزوقك و اهتمامك
بس انا موش فاكر قرأت فين عن بعض المخاوف من استعمال الفلاش
هو ينفع بعد الفلاش اضع زيت شمبر مع غيار الزيت الجديد
بعد كام الف كيلو اغير الزيت الجديد و شكرا

[tarek_2005]

زيت الشمبر لا يوضع الافي المواتير الي علي وش تفويت فقط وغلط حطه في مكنة سليمة
والفلاش مفيش منه مشكلة لو استخدم صح
فلاش الردياتير هوا الي تخاف منه لو العربية مشيت فترة بماء حنفية واستخدمته بيجيب طبب موتور علا طول بس فلاش الزيت مبيعملش اي حاجة لو استخدم صح

[dedi]

تمام استاذ طارق الف شكر ليك كدة و صلت المعلومة
انا ان شاء اللة الاسبوع القادم سوف اجرب و يارب تنفع و شكرا ليك على اهتمامك